Елбасы ел ертеңі - жастарды үнемі қолдап, олардың дамуы үшін жағдай жасап келеді. Биылғы жылы ел президенті кезекті жолдауында 2019 жылды жастар жылы деп жариялауға ұсыныс білдірген еді. Араға бір айдай уақыт салып, елбасы 13-ші қарашада келесі жылды жастар жылы деп бекітті. Ақжайық өлкесінің жастарын қандай мәселе толғандырады? Билік өкілдері қордалаған мәселені қалай шешуге ниетті? 

2019 жыл еліміз бойынша жастар жылы деп бекітілді. Жыл сайын жастарды толғандырған сауалды шешу үшін бірқатар жұмыстар қолға алынып келеді. Десек те, ел болашағы жастарды сапалы білім алу, жұмысқа тұру, баспаналы болу мен бос уақыттарын тиімді ұйымдастыру сынды мәселелер толғандырады. Облыс көлемінде 136 мың жас бар. Олардың 3,9 пайызы жұмыссыз. Жастарды жұмыспен қамту үшін биылғы жылы 34 бос орындар жәрмеңкесі ұйымдастырылған. 10 мыңдай жас жұмыспен қамту шараларынын аясында жұмысқа орналасқан. Олардың 6200-ден астамы арнайы орталықтың көмегімен жұмысқа тұрған.
Облыс аумағында "2017-2020 жылдарға арналған жол картасын жүзеге асыру" атты жол картасы жасақталған. Осы картаның аясында жастардың бос уақытын ұйымдастыру үшін бірқатар жұмыстар атқарылып жатыр. Мәселен, облыс аумағында жастар үшін 8 коворкинг орталық ашылыпты. Олардың алтауы ауылдық жерде орналасқан.
Жиында ауыл жастарының проблемасы да қалыс қалған жоқ.  Мәселен, Қазталов ауданының әкімі биылғы жылы ауданға 150 жас маман келгенін айтып, олардың 90-ы мұғалімдер екендігін атап өтті.
Жиынға қатысқан жастар пікірлерін ортаға салды. Мәселен, ауылдық жерде өз кәсібін ашқан жас кәсіпкер мемлекеттік қолдауын атап өтті.
Ел ертеңі - жастар. Жастар елдің тұтқасын ұстайтын жандар екендігі белгілі. Келешек Қазақстанның қандай болатынын, қай бағытта дамитынын, неден ұтылып, неден ұтатынын бүгінгі жастардан-ақ, байқауға болады. Бүгінде Қазақстандық жастың дамуы үшін атқарылар жұмыс көп. Елбасы бекіткен жастар жылында мыңдаған мықты көзге түсіп, жақсы идеялар жүзеге асып, жастарды толғандырған мәселелер азаяды ма деген сенім мол.

Облыс басшысының Ақжайыққа сапары алдымен Чапаевтағы коворкинг орталықтың жұмысымен танысудан басталды. Нағыз тың идеялар мен ауқымды жобалардың бастауы болар бұл жерде белсенді жастар бас қосқан. Орталықта тегін ғаламтор қызметі ұсынылып, түрлі шараларды жүзеге асыруға барлық жағдай жасалған.
Ақжайық ауданының басшысы Әділ Жоламанов өз есебінде ең алдымен ауыл шаруашылық саласына тоқталды. Ауданда ірі қара мал саны 10,9 пайызға, ұсақ мал 3 пайызға артқан. Мал тұқымын асылдандыру мәселесі де шешімін табуда. Ауыл шаруашылыққ құрылымдары 2017 жылы 1200 бас мүйізді ірі қара, 76 бас жылқы, 462 бас ұсақ мал сатып алып, нәтижесінде асылдандыру ісі еселеп артып келеді. Қазіргі күні ауылшаруашылығы саласындағы жерлердің 74 пайызы айналымда.
Аудандағы кәсіпкерлік саласында да қарқын бар. Былтыр кәсіпкерлер қатары 2 пайыздан астамға артып, осылайша 3 мыңнан астам тұрғын жұмыспен қамтылып отыр. өткен жылы ақжайықтық кәсіпкерлер 1100 млн. теңге несиеге қол жеткізген. Биыл да құны 270 млн. теңгені құрайтын 22 обьектіні іске қосу жоспарлануда. Газдандыру мәселесіне келсек, қазір тоғыз жолдың торабында орналасқан бұл ауданның 91,8 пайызына көгілдір отын тартылды. Ал қалған 11 елді-мекенге газ жеткізу жұмыстары биылға жоспарланып қойылған.
Жол жөндеу мәселесі қашанда өзекті. Өткен жылы Чапаев, Тайпақ ауылдарында соқпақ жол салынған. Биыл да Чапаев, Алғабас, Ілбішін ауылдарының кіреберіс жолы мен аудан орталығындағы 8 көшенің мәселесі қолға алынбақ.
Атқарылған игі істер мен жоспарлар сараланған соң ауыл тұрғындары көкейкесті мәселелерін ортаға салды. Аудан тұрғындары бірқатар білім ордаларының апатты жағдайда тұрғанынын айтып, қазір құрылысы қолға алынған мектептердің жайын да назардан тыс қалдырған жоқ.
Жаңабұлақ ауылынындағы 2 бірдей шаруа қожалық жетекшілерінен жазбаша хат түсті. Олар 2016 жылы етке тапсырған 8 млн 600 мың ақшаларын ала алмай жүргендерін айтып, аудан басшысына шағымданады. Әкімнің сөзінше, бұл Батыс Марқа ламбтың тек екі шаруа қожалығына берешек қарызы екен. Ірі мекеменің қарызы бүгінде 34 млн теңгеге таяп қалған. Мекеме мәселесінен хабардар аудан әкімі мәселенің таяу арада шешілетінін айтты.
Аудан халқы жол көлік оқиғалары мен төрт түліктің жолда өлуіне де алаңдайды.
Бұдан соң облыс әкімі сөз алып, тұрғын үй мәселесі мен ауданға жас мамандарды тарту мәселесін көтерді.
Айта кетелік, биыл ауданда 218 жер телімі халық игілігіне берілмек. Сондай-ақ, кезекте тұрған отбасыларға арналған 3 қабатты 24 пәтерлі үйдің құрылысы да қолға алынуда.