Дәрігерлердің мәлімдеуінше, облыста эпидемиологиялық ахуал әлі де болса күрделі. Күніне шамамен 50-мен 70 аралағында науқастар тіркелуде. Аурудың басым бөлігі науқастармен қарым-қатынаста болғандардан анықталуда. Мәселен, індет басталғалы өңірде КВИ инфекциясын жұқтырудың 13 мыңнан аса жағдайы тіркелсе, ақпан айында ауру жұқтыру 3,2 пайызға төмендепті. Айта кететін бір жағдай шекарадан облыс аумағына өткен жүк көлік жүргізушілері ПЦР тестінің қортындысынсыз енуде. Олардың арасында вирус тарату көрсеткіштері дерттің дендеуіне де себеп болып отыр.Аурудан айығудың ең тиімді тәсілі-оған қарсы вакцина қабылдау. Осы орайда жаппай екпе жасау 1 ақпанда басталғаны баршаңызға аян. БҚО денсаулық сақтау басқармасының басшысы міндетін атқарушы Арман Талғатұлының сөзіне қарағанда, вакцинация кесте бойынша жүргізілуде. Ал 22 ақпаннан вакцинаның екінші компонентімен егу басталған.Күні бүгін 195 төсектік 4 карантиндік стационарда 77 науқас емделуде. Ал 591 төсектік 7 инфекциялық стационарда 284 адам жатыр. 17 науқас жансақтау бөлімшесінде. Инвазивті жасанды тыныс алу аппаратына 2, инвазивті емес аппаратқа 8, оттегі концентраторына 7, орталықтандырылған оттегі көзіне 92 адам қосылған.

Батыс Қазақстан облысының әкімі Ғали Есқалиев коронавирусқа қарсы жедел штабтың кезекті отырысында тұрғындарға карантиндік шектеулерді қатаң ұстануды ескертіп, жауапты мекемелерге түсінік жұмыстарының қарқынын үдетуді тапсырды.Осы аптаның сейсенбісінде облыс әкімдігінде өткен штаб жиынында облыстық санитариялық-эпидемиологиялық бақылау департаментінің басшысы Мұхамғали Арыспаев соңғы күндердегі облыстағы эпидемиологиялық ахуал көңіл көншітпейтінін мәлімдеді. Ағымдағы жылдың қаңтар айының 1-18-і аралығында өңірде жұқпалы індет жұқтырудың 764 оқиғасы тіркелген. Соның ішінде ауру белгілері бар науқастар қатары көбейгенін айтқан департамент басшысы аудандар бойынша да ауру жұқтыру көрсеткіштерін атап көрсетті.– Науқастардың 49 пайызы жедел респираторлы вирусты инфекция белгілерімен емханаға өздері барып, медициналық көмекке жүгінген. Оларға ПТР-тестілеу жүргізу кезінде коронавирус жұқпасы анықталған. Бұлардан бөлек 26 пайызы – бұрын ауырған адамдармен байланыста болғандардан, жиырма пайызы – басқа елді мекенге кетер алдында ПТР-тестілеуден өткендерден,бес пайызы – ауруханаға басқа аурулармен ем алу үшін барғандардан анықталып отыр, – деді Мұхамғали Қайыржанұлы.Бұдан әрі облыстың бас мемлекеттік санитариялық дәрігері қауіпті індетті жұқтыру фактілері түрлі мекемеде жұмыс жасайтын қызметкерлерден көптеп анықталғанын айтты. Тағы бір айта кетерлігі, тұрғындардың адамдар көптеп шоғырланатын орындарға баруы азаймай тұр. Бұған ауруға шалдыққандардың 30 пайызының індетті осындай орындардан жұқтыруы дәлел бола алады. Облысымыздағы ПТР-тестілеуді жүзеге асыратын 12 зертханада қаңтар айының басынан бері 33 мыңнан астам тестілеу жүргізілген.БҚО денсаулық сақтау басқармасы басшысының міндетін атқарушы Арман Қалибеков емханалар жанындағы дағдарыс орталықтарының жұмысы туралы баяндады. – Дағдарыс орталықтарының міндеті – тәуекел тобындағы диспансерлік есепте тұрған емделушілермен және 65 жастан асқан тұлғалармен хабарласып тұру, дәрілік препараттарды қабылдау бойынша кеңес беру, карантиндік режимді сақтау және нашарлау белгілері бойынша дәрігерді үйге шақыру жөнінде ақпараттандыру. Орталықта жалпы тәжірибе дәрігері, психолог, эпидемиолог және қажет болған жағдайда өзге де дәрігерлер қызмет көрсетеді. Коронавирустық белгілер байқалған науқастар туралы ақпарат мобильді топқа беріледі, – деді Арман Талғатұлы. Жұқпалы аурулар стационарларындағы қазіргі ахуалдан хабардар еткен басқарма өкілі биыл жаңа модульді аурухананың іске қосылуымен жұқпалы ауруларға арналған орын саны 579-ға ұлғайғанын жеткізді. Бүгінде 300 науқас жатқызылған барлық жұқпалы аурулар ауруханаларының толығу деңгейі 51,8 пайызды құрапты. Бұл денсаулық сақтау мекемелерінде 62 реанимациялық төсек жасақталып, 22 науқас ем алуда. Өз сөзінде облыстың бас дәрігері көп жағдайда науқастардың ауруын асқындырған күйде медициналық көмекке жүгінетіндерін мәлімдеп, тұрғындарды қауіпті індеттен барынша сақтануға шақырды.Жиында Орал қаласының әкімі Абат Шыныбеков облыс орталығындағы мониторингтік топтардың жұмысы, карантиндік режимді бұзу жағдайлары, тексеріс іс-шаралары, қоғамдық көліктердегі санитарлық талаптардың орындалуы туралы баяндады. Облыстық полиция департаменті бастығының орынбасары Нұрлан Рамазанов қоғамдық орындарда санитарлық-эпидемиологиялық талаптардың сақталуы туралы мәлімет берді. Сондай-ақ эпидахуал бойынша жағдай күрделенген Ақжайық және Бәйтерек аудандарында атқарылып жатқан жұмыстар тыңдалды.Жиынды қорытындылаған өңір басшысы Ғали Нәжімеденұлы эпидемиологиялық статистика бойынша Батыс Қазақстан облысына «қызыл» аймаққа ену қаупі төніп тұрғанын жасырмады. – Күн санап облысымызда ауру жұқтырғандар саны артуда. Денсаулық сақтау министрінің мәліметінше, наурыз, сәуір айларында олардың саны тіптен көбеюі мүмкін. Демек, өткен жылдың жаз мезгілінде орын алған жағдай қайталануы ықтимал. Жағдайды зерделесек, «қызыл» аймақтардың қатарына кірудің аз-ақ алдында тұрмыз. Егер тұрғындар бізді қолдамаса, өкінішке орай, жағдай күрделене түседі. Ондай жағдайда карантиндік шектеулерді әлі де күшейтеміз, – деп ескертті облыс әкімі. Сәйкесінше, карантиндік талаптардың сақталуын бақылауды күшейтуді және тұрғындар арасында түсінік жұмыстарын қарқынды деңгейде жалғастыруды тапсырды.

Батыс Қазақстан облысы ауру көрсетікіші бойынша қайтадан жасыл аймақтар тізіміне енгізілді. Естеріңізде болса, өткен аптада қызыл аймаққа енген облысымызда әлі де болса жағдай тұрақсыз. Бұл туралы БҚО санитариялық-эпидемиологиялық бақылау департаменті басшысының орынбасары Нұрлыбек Мұстаев мәлімдеді.1-16 қараша аралығында 503 коронавирус жұқтырған адам тіркелді. Соның ішінде 205-інде ауру белгілері болған. Қалған 298-інде ауру белгілері жоқ. Өңірде мониторингтік топтар өз қызметін жалғастыруда. Қараша айында 52 нысанның санитарлық талапты бұзғаны анықталды. ҚР Әкімшілік құқықбұзушылық кодексінің 425-бабы 1-бөлігіне сәйкес 80 хаттама толтырылып, 4 млн астам теңге айыппұл салынды.«Облыста 10 қарашадан бастап карантиндік шектеу шаралары қатаңдатылғаны мәлім. Түнгі сағат 23.00-ден бастап таңғы 06.00-ге дейін көліктердің қозғалысына шектеу қойылуы, сенбі, жексенбі күндері санитарлық посттардың жұмыс істеуі және қоғамдық көліктердің тоқтатылуы сияқты шаралар қазіргі тұрақсыз жағдайға байланысты қолға алынды. Эпидемиологиялық ахуалдың оңалуы үшін тұрғындар санитарлық талаптарды сақтап, маска киіп, арақашықтықты ұмытпай, көпшілік жиналған жерлерге бармау керектігін мамандар тағы да еске салды.

БҚО-да індеттің беті қайта бастады. Коронавирус инфекциясын жұқтырған науқас саны да 30 пайызға дейін азайыпты. Тек соңғы бір тәуліктің өзінде 23 адам Ковид-19-дан жазылып шыққан. Науқастардың азаюына байланысты ауруханалар да шетінен босап, пандемияға дейінгі тыныс-тіршілігіне қайта кіріскелі жатыр.Жаппай ел бойынша ахуал жақсарып, стационарларда төсектер босап жатыр. Денсаулық сақтау минстірілігінің таратқан ақпаратына сүйенер болсақ, пандемия басталғалы ең көп өлім болған өңірлер Алматы мен Нұр-Сұлтан. БҚО-да коронавирус инфекциясының салдарынан бүгінге дейін 100-ге жуық адамның жүрегі тоқтаған.БҚО да өткен тәулікте 45 адамнан вирус анықталды. Барлығы 6336 адам қауіпті дертке шалдықса, олардың 3222-сінде ауру симтомсыз өтуде. Бұл туралы денсаулық сақтау басқармасының мамандары мәлімдеді. Қазір қалада эпидемиологиялық ахуал тұрақты. Дегенмен ауруға ат үсті қарап, бетперде тақпай жүрсек, індет қайта өршуі мүмкін дейді сала мамандары.Облыстағы қалыпқа түсе бастаған эпидемиологиялық ахуалды тұрақты жағдайда ұстау үшін қазір түрлі жоспарлар түзіліп жатыр. Коронавирус инфекциясының кең таралуын алдын алу мақсатында адамдар көп шоғырланатын жерлер мен қоғамдық орындарда ақпараттық насихат жұмыстары жанданбақ. Себебі халық санитарлық нормалардың сақталуын жадынан шығармауы керек. Індет қайта айналып соғуы мүмкін. Ал бүгінгі көрсеткіш локдаун уақытында атқарылған шаралардың нәтижесі болып табылады.

Батыс Қазақстан облысында жұқпалы аурулар стационарында 512 адам емделуде.БҚО денсаулық сақтау басқармасының басшысы Болатбек Қаюповтың брифингте мәлім еткеніндей, соның 13-і – балалар, 13-і – жүкті әйелдер. Ауырғандар ішінде 19-ы жеңіл, 435-і орташа, 58-і ауыр халде. 349 адам пневмониямен сырқаттанса, соның 9-ы – балалар. 14 ересек адам жасанды тыныс алу аппаратына қосылған.Сенбі және жексенбі күндері ауруханаға 86 адам түскен. «Облыста жұқпалы аурулар ауруханасына қосымша қалалық көпбейінді ауруханада 389, Ақжайық аудандық ауруханасында 30, Бөрліде 30, Бәйтеректе 6 орын ашылды. Өңірде медициналық көмек көрсетілгендер саны екі есе көбейген. Облыстық тауарлар мен көрсетілетін қызметтердің сапасы мен қауіпсіздігін бақылау департаментінің басшысы Мұхамғали Арыспаевтың айтуынша, 28 маусым күні 95 дерек тіркелсе, соның 42-сі – ауру белгісі бар науқастар. Қалған 53-і – клиникалық белгілері жоқтар. 42 адамның 22-сі – бұрын коронавирус жұқтырғандармен қарым-қатынаста болғандар. Екеуінен эпидемиологиялық қадағалау бойынша сынама алынса, 18 адам өз бетінше медициналық көмекке жүгінген.Облыста қосымша шектеу шаралары енгізілгеніне қарамастан, әсіресе, сауда орындары, шаштараз, дүкендерде санитарлық талаптардың сақталмай отырғанын жеткізді. Осыған байланысты 43 хаттама толтырылып, материал сотқа жолданды.   Сонымен қатар аталған инфекцияны жұқтырған 7 науқас бүгін көз жұмды.