Өткен жұма күні коронавирусқа шалдығып, сауығып шыққан тұрғындарға медициналық көмек көрсету, сауықтыру мақсатында Орал қаласында оңалту бөлімшесі ашылды. Салтанатты іс-шараға ҚР Денсаулық сақтау министрлігі Ана мен бала денсаулығын сақтау департаментінің директоры Мағрипа Ембергенова, ҚР Денсаулық сақтау министрлігінің Медициналық көмекті ұйымдастыру департаменті директорының орынбасары Гүлнар Сәрсенбаева, сондай-ақ облыстық денсаулық сақтау саласының мамандары, өңірдегі дәрігерлер мен сала ардагерлері қатысты. Нақтырақ айтсақ, былтыр шаһарда облыс тұрғындарын КВИ-ден емдеуге арналған 340 орындық модульді жұқпалы аурулар ауруханасы пайдалануға берілген еді. Пандемия кезінде аталмыш ауруханаға 10 203 науқас жатып, емделіп шыққан. Мінкей, бүгінде індетті еңсере келдік. Бірнеше айдың жүзі болды аталмыш аурухана бос тұр. Енді осы медициналық мекеме қайта жабдықталып, онда оңалту бөлімшесі ашылды. Ел аумағында 40 оңалту орталығы бар. Былтыр оңалтуға арналған 2000 төсек-орын болса, бүгінде олардың саны 4000-ға жетті. 20 орынға арналған оңалту орталығы бүгін жұмысына кірісті. Біртіндеп аудандардан науқастар келіп жатыр. Амбулаториялық оңалту шарасы 10 күн бойы осы аудан тұрғындарына жүргізілмек.Басқосуда ҚР Денсаулық сақтау саласының үздігі, ардагер Бақтығали Ахметов сөз алып, індетке шалдыққан кезде осы модульдік ауруханада емделгенін айтты. Дәрігерлерге алғысын жеткізіп, оңалту орталығы жұмысының тиімділігіне тоқталды.

Осыдан екі жыл бұрын Қазақстан аумағында коронавирустың таралуына байланысты төтенше жағдай режимі енгізілген еді. Тиісті бұйрық 16-наурызда қабылданды. Сол күннен бастап барлық көңіл көтеретін орындар, базарлар мен сауда нүктелері қызметін тоқтатты. Ал дәрігерлер болса, індеттің тырнағына іліккен жандардың өмірі үшін күресіп жатты. Арада бақандай екі жыл уақыт өтті. Осы жылдар ішінде мыңдаған адам вирус жұқтырып алса, енді бірі індеттен айыға алмай жан тапсырды.

16-наурызда Қасым-Жомарт Тоқаев індеттің өршуіне байланысты төтенше жағдай режимін енгізді. Облыс аумағында алғаш коронавирус жұқтырған науқас туралы ақпарат 29-наурызда тарала бастады. Қытайда бірінші рет табылған вирус жер жаһанның барлық дерлік аумағына таралды. Біраз уақыт қашықтан жұмыс істеп, балалар уатсап арқылы білім алғаны есімізде. Ал осы уақытта дәрігерлер науқастардың өмірі үшін күресіп жатты. Коронавирустың Уханьда пайда болған түрімен ауырған азаматтар дәм мен иіс сезуден қабілетінен айырылып, өкпесі қабынып, ауруханаға төсегіне таңылды.

Пандемия көптеген саланың осал тұстарын көрсете білді. Мәселен, құны арзан тұратын Парацетамолдың бағасы шарықтап, бетперде таба алмай қалғанымыз есімізде. Және оттегіге зәру болғандарға ел болып ақша жинап, жомарт жандардың медициналық құрылғыларды сатып әпергені де тарихта қалды. Тіпті экс-министр Біртановтың ісі сотта қаралып, облыстық денсаулық сақтау басқармасының басшысы мемлекет қаржысын жымқырды деп айыпталды. Енді сандарды сөйлетсек, облыстық денсаулық сақтау басқармасының таратқан ақпарына бойынша екі жылда 49 646 адам коронавирус індетін жұқтырған. Бұл ресми дерек. Бірақ иіс пен дәм сезбей үйде қалған жандар бұдан да көп болуы мүмкін. Вирустың кесірінен 856 адам қаза тапты. Індетті жұқтырған науқастардың көп болуына байланысты Орал қаласында жаңадан жұқпалы ауруларға арналған модульды аурухана салынып, түрлі емдеу мекемелерде провизорлар жұмыстанды. Дәрігерлер ауруды тоқтатудың бір жолы екпе қабылдау деді. Өткен жылдың ақпанынан бастап медицина қызметкерлері, құқық қорғау органдары мен педагогтер екпе салдырды. Кейін барлық азаматтар жұмыс істеуі үшін вакцина алу қажет болды.

Қазіргі таңда елімізде коронавирус пандемиясына байланысты қабылданған ережелер біртіндеп алынуда. Тіпті аты жыр болған "Ашық" қосымшасының да жұмысы тоқтатылды. Енді жасыл аймақтағы өңірлерде адамдарды жасыл, сары, көк деп бөлмейді. Ал, дәрігерлер болса, коронавирус тұмау секілді, адамдармен бірге жасайды,- дейді. Кімнің иммунитеті әлсіз, соның вирусты жұқтырып алу қаупі басым болмақ.

Суретте https://ru.wikipedia.org/ сайтынан жүктелді.

Батыс Қазақстан облысында жыл басынан бері «Ashyq» қосымшасы деректері бойынша үйлерінде оқшаулануы тиіс 729 адамның карантин талабын бұзғаны анықталды. БҚО санитарлық-эпидемиологиялық бақылау департаментінің басшысы Мұхамғали Арыспаевтың өңірлік коммуникациялар қызметі алаңында өткен брифингте мәлім еткеніндей, олардың 719-ның - «қызыл» мәртебесі бар.Яғни, олар коронавирус жұқтырған адамдар. Қалған оны - аурулармен қарым-қатынаста болғандар. Деректерге сәйкес ҚР Әкімшілік құқықбұзушылық кодексі 425-бабы 1-бөлігіне сәйкес жеке тұлғаларға 54 хаттама толтырылып, 2 млн 481 мыңнан астам теңге көлемінде айыппұл салыныпты. Жыл басынан бері 9047 адамның індет жұқтырғаны анықталса, соның 4774-і - ауру белгісі барлар, 4273-і - симптомы жоқтар. 1 ақпаннан бастап 1949 науқас тіркелді. «Күні бүгін облыста 51 694 адам (37,1 пайыз) ревакцинациядан өтсе, соның 947-сі кеше егілген.
Мамандар ревакцинация мәселелері бойынша тұрғындар арасында түсіндіру жұмыстарын жүргізуде. 1 ақпаннан бері мемлекеттік шекарадан анықтамасыз өткен 300 жолаушының бесеуінен, халықаралық жүк тасымалымен айналысатын 220 жүргізушінің 13-інен індет табылыпты.

БҚО бас мемлекеттік санитар дәрігерінің 28 қаңтардағы жаңа қаулысы шықты. Қаулы талаптарына сай жиналыс, конференцияларды дәстүрлі сипатта өткізуге рұқсат берілді.БжАҢА ҚО санитарлық-эпидемиологиялық бақылау департаменті басшысының орынбасары мәлім еткендей, қашықтан өткізу мүмкіндігі болмаған жағдайда карантин талаптарын сақтай отырып, жиналыс, кеңес, семинар, конференцияларды дәстүрлі сипатта өткізуге рұқсат берілді. Жалпы білім беретін мектептерде 1-4 сыныптар (халықаралық мектептерде 1-6 сыныптар), оқушы саны 600-ден аспайтын білім ордаларында барлық балалар штаттық режимде оқиды. Оқушы саны 600-ден астам мектептерде жобалық қуатының 50 пайызынан аспайтын жүктемемен штаттық режимде сабақ өтеді. Мектептен тыс ұйымдар штаттық режимде жұмыс жасайды. Колледждер мен жоғары оқу орындарының студенттері аралас оқыту форматымен білім алмақ. ЖОО-да карантин режимін бұзу анықталған жағдайда білім алушылардың барлығы қашықтан оқытуға көшіріледі. «Ashyq» жобасына қатысатын нысандарды қоспағанда, ойын-сауық, ұжымдық, отбасылық, естелік іс-шараларды, оның ішінде үйде (банкеттер, үйлену тойлары, мерейтойлар және т.б.) және басқа орындарда адамдар көп жиналатын өзге де іс-шараларды өткізуге және оларға қатысуға бұрынғыша тыйым салынады.Сонымен қатар ауру таралу көрсеткішін сипаттайтын матрица енді ауруханадағы науқастар толымдылығымен бағаланатын болды.Басқа да карантиндік шектеу шаралары сақталады. Қаулы 28 қаңтардан бастап күшіне енді.

Күніне кем дегенде екі жүкті әйел коронавирус инфекциясын жұқтырып, медициналық көмекке жүгінеді. Бұл туралы көпбейінді қалалық аурухананың дәрігерлері мәлімдеді. Қазір перзентханның паталогия бөлімшесінде 16 келіншек дәрігерлер бақылауында.Тәж тажалының салдары туралы ешкім дөп басып айта алмайды. Қарапайым тұрғындардың өмірін қиып түсіріп жатқан жұқпалы ауруға қарсы тұру жүкті әйелдерге оңай түспесі анық. Өйткені дәрігерлер қауіпті вирустың жатырдағы шаранаға да әсер етпей қоймайтынын айтады. Әзірге ауруға қарсы тұрар бір ғана жол ол - екпе алу. Облыста жыл басталғалы 629 жүкті әйелде коронавирус инфекциясы анықталса, олардың 526-сына ем тағайындалып, 31-і ауруханаға жатқызылған. 36 әйел босанған. Перзентханадағы болашақ аналар екпе алған соң ауру симптомдарын байқамағандарын айтады.

БҚО-да коронавирустың таралу қарқыны 85% өскен. Және облыс ауру таралу көресткіші бойынша "қызыл" аймақтар қатарына енді. Енді өңірде карантиндік шектеу шаралары күшейтіледі.Аймақта жағдай өте күрделі. Бүгіннен бастап бұл өңір де "қызыл" аймаққа өтті. Эпидемиологтардың дерегінше, соңғы аптаның өзінде ковид індетінің таралу қарқыны 85 пайызға өсіпті. Енді оқушыларының саны 600-ден асатын мектептер қашықтан оқытуға көшеді. Ал жоғары оқу орындары мен колледждерде лекциялар онлайн форматта өткізіледі. Облыстағы кәсіпорындар қызметкерлерінің 70 пайызын қашықтан жұмыс жасауға жіберуі тиіс. Сонымен қатар той-томалақтар мен концерт-жиындар өткізуге, ғибадатханаларда көпшіліктің мінәжат жасауына қатаң тыйым салынды. Қауіпті дерттің құрсауынан шығудың жалғыз тәсілі-вакцинациялау. Ел аумағында енгізілген жаңа қаулыға сәйкес енді Пфайзер вакцинасын 60-жастан асқандар мен медициналық қызметкерлерге егуге рұқсат берілді. Қазір ел аумағында ревакцинациялау шарасы жүзеге асырылуда.
Екпе кабинеттері демалыс күнері де жұмыс жасайды. Ал қажетті препараттар толықтай өңірге жеткізілген.

Оқушылар онлайн оқу форматына көшеді. Өйткені өңірде ауру 93 пайызға көбейіп отыр. Бүгін БҚО ауру таралу көрсеткіші бойынша "сары" аймақтар тізімінде болғанымен алдағы күндері "қызыл" аймақ санатына ену қаупі бар. Сол себепті сақтық шаралары күшейтіледі.Мектеп оқушыларының қысқы каникулы енді ұзартылмайды. Алайда контингенті 600 оқушы болатын мектептер қашықтан оқу форматына ауыстырылады. Өйткені ауру мектеп жасындағы оқушылар арасында өршіп тұрған көрінеді.
Қауіпті дертке тоқтау салатын тек қана вакцинация шарасы. Қазір өңірде ревакцинациялау басталды. Мектеп оқушылары мен аяғы ауыр келіншектер үшін файзер препараты жеткілікті. Ал бүгінгі таңда инфекциялық ауруханада жатқан науқастардың 95 проценті ауруға қарсы егілмегендер,-дейді облыстың бас дәрігері Арман Қалибеков.Модульді ауруханаларға түсушілер де артқан. Бұл туралы дәрігерлер онлайн байланыста мәлімдеді.Жедел штаб отырысында қала әкімі Абат Шыныбеков мониторинг топтары жұмыстарының барысы туралы мәліметтер келтірді. Шаһар басшысының айтуынша, тұрғындардың медициналық маскасыз жүру фактілері азаймай отыр.Қала әкімі атап өткендей енді мониторинг топ жұмыстары күшейтілген режимде жұмысқа көшті. Коронавирусқа қарсы жедел штаб отырысында облыс әкімі Ғали Есқалиев тұрғындарға препараттың үшінші бөлігін алу қажеттігін ескертті.Облыста омикрон штамы тіркелген жоқ. Десе де карантиндік талаптар енгізілуіне байланысты кинотеатрлар 30 пайыз толымдылықпен жұмыс жасайтын болса, мейрамханалар мен дәмханалар жұмысына да өзгертулер енгізілетін болады.

Оралда коронавирус жұқтырған білім беру саласының мамандары емін-еркін көше кезіп, тіпті сауда үйлеріне де барған. Олардың вирус жұқтырғаны ашық мобильді қосымшасы арқылы белгілі болған. Бұл туралы облыстық коронавирусқа қарсы жедел штаб отырысында айтылды. Жауапкершілікке тартылғандар қатарында 1, 10, 23 мектеп мұғалімдері мен 14-ші балабақша тәрбиешісі бар. Айға жуық уақыттан бері ауру көрсеткіші төмендеуде. Қазір облыстағы амбулаториялық стационарлар толымдылығы 10 пайызды құрайды.
Бүгігі таңда мониторингтік топтар да өз жұмысын жалғастыруда. «Мақпал», «Нарын» және «Голд» мейрамханалары бойынша үйлестіру орталығынан шұғыл хабар келіп түсті. Соны қарау нәтижесінде 400 мыңнан астам теңгеге 3 әкімшілік хаттама толтырылыпты. Олар "Ашық" мобильді қосымшасынсыз жұмыс жасаған. Ал ФСБ түнгі клубы таңғы беске дейін ешқандай санитарлық талаптарды сақтамай, келушілерді қабылдаған. Бүгінгі таңда оған полицейлер де, әкімдік те ешқандай шара қолдана алмай отыр. Өйткені түнгі клуб иесі айыппұл төлеп, жұмысын жалғастыруда. Коронавирусқа қарсы жедел штаб отырысын қортындылаған облыс әкімі жуық арада бұл мәселені бір жақты етуді құзырлы мекеме өкілдеріне тапсырды. Сонымен қатар, демалыс күндері көпшілік орындарға тек «жасыл» статусы бар тұрғындардың кіруіне рұқсат беру туралы шешім шығару керектігін де атап өтті.«Облыс бойынша 1-15 қараша аралығында «Ashyq» жобасы аясында 51 адамның карантин талабын бұзғаны белгілі болды. Соның 44-і - «қызыл», жетеуі - «сары» мәртебесі бар адамдар. Карантин талабын бұзғандарға қатысты 831 345 мың теңгеге 19 әкімшілік хаттама толтырылды.

Көп ұзамай ел аумағында коронавирусқа қарсы қайта егу жұмыстары басталады. Аталмыш науқанға қажетті медициналық препараттар жеткілікті. Бұл туралы бүгін облыстың бас дәрігері Арман Қалибеков өңірлік коммуникациялар қызметінің баспасөз алаңында мәлімеді.Коронавирус инфекциясына қарсы препаратты алғашқылардың бірі боп алғандар шамамен 9 -10 ай өткен соң ауруға қарсы қайта егілуі қажет. Айта кететін бір жәйт-ревакцинация шарасында бұған дейін қабылданған препараттан өзге дәрі бір рет егіледі.
Өңір осы аптадан бастап эпид. ахуал матрицасына сәйкес "жасыл" аймақтар қатарында. Оған сәйкес қаулыға өзгерістер енді. Алайда ауруға қарсы санитарлық шаралар жалғаса бермек.Кешегі күні облыста вирус жұқтырудың 52 жаңа дерегі тіркелген.

Тұрғындарға ақпараттық насихатты одан әрі күшейту керек деген вице-премьер министр екпе алып қана пандемеяны жеңуге болатынын атап өтті. Облыс айға жуық уақыттан бері ауру таралу көрсеткіші бойынша "сары" аймақтар тізімінде болғанымен эпидемиологиялық ахуал күрделі болып отыр. Өңірдегі пандемеяға қарсы атқарылған жұмыстар барысымен таныстырған облыс әкімінің орынбасары Айдар Нұрәлиев біртіндеп инфекциялық аурухана бөлімдерінің жабылып жатырғанын мәлімдеді.
Коронавирусқа қарсы екпе алушылар қатары өзге облыстарға қарағанда төмен. Осылай деген ҚР Премьер-Министрінің орынбасары Ералы Тоғжанов аудандық аурухана директорланына кем дегенде халықтың 65-70 пайызы вакцина алу қажеттігін ескертті. Алдағы күндері өңірге мектеп оқушылары мен жүкті әйелдерге КВИ -ге қарсы салынатын "Файзер" вакцинасы келеді деп күтілуде. Бұдан бөлек кеңесте облыстық денсаулық сақтау басқармасы басшысының міндетін атқарушы Арман Қалибеков онкологиялық аурулардың алдын алу бойынша атқарылған жұмыстарға тоқталды. Бүгінгі таңда облыс тұрғындарының 80 пайызы скрингтік шарадан өткізілген. Жыл соңына дейін тұрғындар 100 пайыз алдын алу шарасынан өтетін болады.
Ал ревакцинациялау туралы шешім алдағы аптада шығатын болады.