22 қарашада Қазақстанда коронавирусқа қарсы ревакцинация басталды. Қазір облыстың барлық медициналық нысандары науқанды бастады. Ревакцинация екі кезеңнен тұрады. Бастапқыдағыдай бүгінгі шарада медициналық мекеме қызметкерлері бірінші болып ауруға қарсы екпе алуда. Ревакцинация - бұл коронавирусқа қарсы вакцинаның үшінші дозасын салдыру. Ең алдымен ревакцинация медицина қызметкерлеріне, педагогтер, медициналық-әлеуметтік мекемелердің және жабық балалар мекемесінің қызметкерлері мен контингентіне, күштік құрылымдардың қызметкерлеріне жасалады.Сондай-ақ ревакцинация: 60 жастан асқан адамдарға, вакциналаудың аяқталған курсынан кейін КВИ-ге қарсы антиденелер анықталмаған, иммунитеті әлсіреген адамдарға да тағайындалады. Емханалар осы уақытқа дейін егілгендерге бұл жөнінде хабарлайтын болады. Қазір облыста тұмауға қарсы да егу жұмыстары орындалып жатқандықтан тұрғындар арнайы кезекпен шақырылады,-дейді облыстық денсаулық сақтау басқармасы басшысының орынбасары Гүлнар Абдрахманова.Орал қаласының бірінші емханасында 25 мыңға жуық адам коронавирусқа қарсы егілген. Емханаларда «QazVac», «Спутник V», «Пфайзер» препараттары бар.

Соңғы аптада, яғни 12-18 наурыз аралағындағы аурушаңдық деңгейі 5-11 наурыз аралығындағы көрсеткішпен салыстырғанда 1,4 пайызға, яғни 405-тен 411-ге өскен. Бұл туралы бүгін, 19 наурыз күні өңірлік коммуникациялар қызметі ұйымдастырған Батыс Қазақстан облысында коронавирустық инфекция бойынша эпидемиологиялық жағдай тақырыбындағы брифингте өңірдің бас мемлекеттік санитариялық дәрігері М.Арыспаев мәлім етті. Эпидемиолог мамандар анықтағандай, үй жағдайында қарым-қатынас арқылы инфекцияны жұқтыру деңгейі жоғары болып тұр. Сондай-ақ қоғамдық көліктерде, адамдар көп жиналатын орындарда, көпшілік шаралардың ұйымдастырылуы кезінде, медициналық ұйымдарда болған науқастардың арасында, жұмыста санитарлық талаптардың сақталмауынан инфекцияның таралуы төмендемей отыр. Өзге елден келген азаматтардың арасында да аурушаңдық тіркелген. Осы орайда карантиндік шектеу шаралары 20 наурыздан бастап күшейтілетін болады. Облыста наурызда коронавирус жұқтырғандар саны 1 мыңнан асты. Кеше аймақ бойынша коронавирус жұқтырған 81 адам тіркелген. Айта кетейік, коронавирус инфекциясы бойынша Қазақстан өңірлеріндегі эпидемиологиялық ахуалды бағалау матрицасының 19 наурыздағы мәліметіне сәйкес, Батыс Қазақстан облысы қайтадан «қызыл» аймаққа енді.

БҚО бойынша бас мемлекеттік санитарлық дәрігердің келтірген мәліметіне сүйенсек, қарашаның бірі мен бесі аралығында коронавирусты жұқтырған науқастардың саны артқан. Бесінші қарашада 118 жағдай тіркелген. Сала мамандары індетті жұқтырған науқастардың 38 пайызы зейнеткерлер екенін айтады. Вирусты медицина қызметкерлері де жұқтырып жатыр. 8 ақ халаттының індетке шалдыққаны анықталыпты. Облыс аумағында коронавирус індетін көптеп жұқтыру фактісі тіркеле бастағандықтан бас мемлекеттік дәрігер 9-шы қарашадан бастап аймақта қосымша карантин шараларын енгізуді ұсынды.

Бас мемлекеттік санитарлық дәрігер Арыспаев штаб отырысында коронавирусты жұқтырған науқастардың саны артып жатқандықтан, карантин талаптарын күшейтуді ұсынды. Мамандар жаңа қаулыны дайындап қойған. Қаулы ауру көп таралып жатқан Орал қаласына кіріп-шығуға шектеу қоюға арналған.

Санитарлық дәрігердің облыс орталығына блок пост қою ұсынысына байланысты полиция қызметкерлері ойларын ортаға салды. Тәртіп сақшыларының сөзінше, жұмыс күндері базар жұмыс жасағандықтан, ауылдан қалаға тамақ алуға келетін жандардың қалың қарасын тоқтату қиын болады. Полиция қызметкерлері қаланы емес, облысты жабуды ұсынды.

Санитарлық дәрігер ауылдан қалаға келетін жандар әкімдіктерден анықтама алуларына болады,- дейді.

Штаб отырысында сөз алған облыстың бас прокуроры түрлі ұсыныс айтылып жатқанын, бірақ шешімді заңға сүйеніп, қабылдау керек деген пікірін ортаға салды.

Жиынды қорытындылаған облыс әкімі вирустың тез таралып жатқанына байланысты шектеу шараларын енгізу керек дейді. Штаб өкілдері қайтадан бас қосып, ұсыныстарды талқылап, шектеу шараларын 9-шы қарашадан бастап енгізбекші.

Теректіде коронавирус инфекциясының таралуына тоқсауыл болу үшін аудандық мемлекеттік санитарлық дәрігер жаңа қаулы шығарды. Қаулыда бірқатар шектеу шаралары енгізілген. Шектеу шараларының көбі аудан орталығы Федоровка ауылының тұрғындарына қатысты.

Қаулыға сәйкес аудан орталығының 65 жастан асқан қарияларына аса қажет болмаса көшеге шығуға шектеу қойылды. Және Федоровка ауылының аумағында ірі азық-түлік және азық-түлік емес базарлар мен сауда желілерінің жұмысы тоқтады. Шектеу шаралары спорт нысандары мен саябақтарды да айналып өткен жоқ. Енді ауыл тұрғындары тынымбақтарда да серуендей алмайды. Сала мамандары бұл шаралардың барлығы ауданда коронавирус инфекциясының таралуына жол бермес үшін қабылданып жатыр,- дейді.

Сала мамандарының таратқан ақпарына сүйенсек, Теректі ауданында жұқпалы вирусты жұқтырған 10 дерек тіркелген. Қалыптасқан жағдайға байланысты ауыл тұрғындарымен телефон арқылы тілдестік. Өз есімін атамауды сұраған азамат жағдайдың бірқалыпты екенін айтты. Оларға ауылдағы барлық базарлар мен нысандардың жұмысы тоқтайтыны туралы әлеуметтік желілер арқылы хабарлама таратқан.

13-ші қыркүйектегі мәліметке қарағанда БҚО коронавирус инфекциясын жұқтырған 7 науқас тіркеліпті. 22 азамат ауруынан құлан-таза айыққан.