Бес балалы Сақыповтар отбасы қазір осы ұядай ғана бір бөлмелі жатақханада өмір сүреді. Өмір сүреді деп тек айтқанымыз болмаса, көпбалалы жанұя күндерін азар көріп жүр. Бізді көз жасын сүрте отырып, мұңын шаққан отанасының жағдайы алаңдатты. Балалардың әкесінің жалақысы шай-пұлдан ауыспайтынын айтады, ай сайынғы төлейтін пәтерақы тағы бар.

Қамкөңіл жан ақжол партиясының да үнемі қолғабыс ететін айтады. Партия өкілдері мейрамдарда да бүлдіршіндерді назарсыз қалдырмай, сыйлықтарын жеткізеді.

Бұдан бөлек, партия филиалы тұрғындар қабылдауын да жүргізеді. Бұған дейін 600ге тарта тұрғын партия көмегіне жүгініп, түрлі көкейкесті сауалдарына тұшымды жауап алыпты. Сұрақтардың басым көпшілігі денсаулық сақтау, әлеуметтік қамсыздандыру, жұмысқа орналасу мен еңбек саласына қатысты туындайды.

Бұдан бөлек 300ге жуық отбасыға материалдық көмек беріліп, азық-түлік пен киім-кешек жеткізілген.