Орал қаласында тұратын 32-жасар  Вероника Заика бес баласымен ай далада қалатын түрі бар. Пәтер жағалап жүрген көп балалы ана осы айдың соңына дейін қазіргі тұрып жатқан үйді босатуы тиіс. Ал  тәрбиеленушілердің ең кішкентайының жасы 1 ден енді ғана асқан. Бұдан бірнеше ай бұрын Вероникамен оның балаларының жағдайы жаман емес еді. Өйткені отағасының 120 мың жалақысымен жасқа дейінгі бала күтіміне төленетін 30 мың теңге күнделікті ішіп жемге жетіп артылатын. Ал қазір оның күйеуі отбасының жауапкершілігінен бас тартқан. Бұл отбасына шаһардың әр ауданы таныс өйткені жүгін артқан керуен секілді әр уақытта көшіп жүргені. Мәселен қазіргі  жалдамалы  баспаналары екі бөлмелі ол үшін айына 35 мың теңге ақы төлейді. Көп балалы ана өткен жылы ғана тұрғын үй кезегіне тұрған.  Ес біліп қалған балалары өз үйлерінің болғанын армандайды. Осы орайда Орал қаласының жұмыспен қамту және әлеуметтік бағдарламалар бөлімінің мамандары Вероника жолдасымен заңды ажырасқан соң, атаулы әлеуемттік көмек алуға мүмкіндігі бар екенін айтады. Қазір бұл отбасыңа қандай да болса көмек керек-ақ. Осы орайда көп балалы ананың байланыс телефоны  87472635063.

Көп балалы аналарға беріледі деген атаулы көмек аясындағы дау толастамай тұр.Аналар әр есіктің табылдырығын тоздырып, әлі сенделіп жүр.Қорадағы бір - екі сиыры мен он шақты қойы әлеуметтік көмек алуға кедергі болып отырған аналардың ашуы қара қазандай.Даудың басы дайрабайдың қызыл сиыры демекші, бітпейтін дау осы атаулы әлеуметтік көмек аясында да жетеді.Құжат жинау мәселесі біраз жыр болып еді, оны қазір реттеді.Жеке басын куәландыратын бір ғана құжатпен әлеуметтік көмекті рәсімдеуге болады.Айсагулова Ұрқия бес бала тәрбиелеп отырған ана.Ол да көп балалы аналар секілді бір кісідей қиындықтармен бет пе- бет кездесіп жүр. Үйсіз -күйсіз жүрген отбасылар әлеуметтік көмек алуымызға мекен- жай тіркеуі кедергі болып тұр деп жылағандары есімізде.Үйсіз - күйсіз жүрген адамдарда қайдан мекенежай тіркеуі болсын.Сонда арнайы тіркеуі болмаса әлеуметтік көмекті ала алмай ма.
Өздеріңіз естігендеріңіздей әлеуметтік көмек алу үшін енді тіркеу кедергі емес.Бірақ қуануға әзірге ерте.Әлеуметтік көмекті тағайындау барысында кездесетін қиындық жетеді.Сондай қиындықтардың бірі үйдегі ата -ананың зейнетақысын табыс көзіне санау.Өздері өмір бойына жұмыс жасап азар дегенде зейнетке шыққан қариялардың зейнеатқысын табыс көзіне жатқызыу қаншалықты ақылға қонымды.Бұдан бөлек үйдегі қой мен ешкі, бағып отырған сиыры мен жылқысы әлеуметтік көмек алуға кедергі болып отырған отбасылар шаш етектен.ҚР Тұңғыш Президенті әр көп балалы отбасы тиесілі мемлекеттік жәрдемақыны алсын демеп пе еді.Енді неге мұндай кедергілер шығып отыр.
Түсіне білгенге малдан келетін табыс қазір аз.Себебі жем -шөбі қымбат, оны қарайтын кісіге төлейтін тиын- тебені тағы бар.Сүтін саудалап табыс тауып отырған ештене жоқ.Бірақ заңның аты заң.Заңда қалай жазылды солай талап етіледі.
Атаулы әлеуметтік көмек тағайындау барысында үйінде мүгедек бала тәрбиелеп отырған аналардың алатын ақшасы табыс көзіне жатпайды.Ал, баланың мүгедектігі үшін алатын ақша табысқа кіреді.Айтпақшы көп балалы аналарға берілетін 10 мың теңге жәрдемақы бар ғой, ол төңірегінде де дау көп,кейбір аналар соны ала алмай отырмыз дейді.
Қазір БҚО бойынша 7 мыңға жуық көп балалы отбасы бар.Осылардың ішінде 3 мыңдай отбасының құжаты қабылданған.Халыққа қызмет көрсету орталықтары мен әлеуметтік орындар күніне 500-600 адамнан құжат қабылдайды.Айнагүл Нұржанова сондай көп балалы аналардың бірі.Бес бала тәрбиелеп отыр. Соңғы екеуі егіз.Қазір біреудің қуықтай бөлмесін жалдап отыр.Жалғыз күйеуі жұмыс жасайды. Бар тапқаны балалардың қапқанынан ауыспайды.Тіпті кейде балаларға тамақ тауып бере алмай қаламын деп қиналады ана.Айнагүлдің бар сұрары мемлекет баспана алуға көмектессе дейді.
Біреудің қуықтай бөлмесін жалдап тұрып жатқан көп балалы отбасылар көп.Бәрінің арманы баспаналы болу.Өзгеге төлейтін 35-40 мыңды өз үйімізге төлейіші деп өтініш білдіріп жүр.Талай отбасыға арман болған баспана мәселесі қашан шешілетіні белгісіз.Әзірге осы атаулы әлеуметтік көмек алданыш. Бұл тиын- тебен кедей кепшіктің қай жыртығын жамауға жетсін. Әзірге талғажау ғана.

Орал қаласында дәстүрлі ашық әкімдік шарасы өтті. Қазақ драма театырына жиналған халықтың қарасы қалын.Адамдарды негізінен баспана мәселесі мен жұмыссыздық мәселесі толғандыратыны белгілі болды.Келушілер әкімдік қызметкерлеріне сұрақтарын қойып, жауаптарын алды.

Бүгін БҚО әкімінің орынбасары Ғабидолла Оспанқұлов пен Орал қаласының әкімі Мұрат Мұқаев бастаған бір топ шенеунік халықпен кездесу өткізді.Ашық әкімдік шарасы аясында тұрғындар өздерін мазалаған сұрақтарын билік өкілдеріне жолдауға мүмкіндік алды.Сондай жандардың бірі Лейлия Бобырешева.Жетімдер үйінің түлегі баспана алуға көмек қолын созатын адам іздейді.
Тұрғындарды негізгі толғандыратын мәселе баспанасыздық.Одан кейін жұмыссыздық, атаулы көмектерді алу мәселесі, жер қатынастарына қатысты сұрақтарын қойғандар да бар.Қала маңында саяжайларда тұрып жатқандар да әкімге келіп өз мәселелерін жеткізді.
Бұл жолғы ашық әкімдік шарасына өзгеше леп берген бір мәселе бар.Ол БҚО - ның көп балалы аналары жиналып осы жиынға арнайы келген.Ондағы мақсаттары БҚО басқарып отырған билік өкілдеріне аналардың мұңын жеткізу, көп балалы аналарға қамқорлық мәселесіне қатысты ұсыныстарын айту.Аналардың көбі сол баспана мәселесін қозғады.
Аналармен кездескен облыс әкімінің орынбасары Ғабидолла Оспанқұлов қазіргі сәтте осы көп балалы аналар мәселесіне қатысты облыстық жұмыс тобының құрылғаның мәлімдеді. Облыс деңгейінде шешуге болатын кейбір мәселелер осы аймқтан шықпай шешіледі ал, бір облыс көтере алмайтын дүние болса республикалық жұмыс тобына жолданады деді көп балалы аналармен кездескен Ғабидолла Оспанқұов.

Азаматша жақында 7-ші сәбиін дүниеге алып келді. Отағасы Азамат Ирисбеков пен отанасы Айгерім Ушанова нәрестенің есімін Медина деп қойған.

7ші сәбиін дүниеге алып келген Айгерім Ушанованы перзентханадан шығарып алуға келе жатырған күйеуі Азамат Ирисбеков пен 6 баласның жүздері бал-бұл жанып келеді. Енді олардың отбасылары тағы бір адамға толығып жатыр. 34 жастағы отағасы ішкі істер саласында жұмыс жасайды. Бүгінде отбасы мемлекеттен берілген жалдық пәтерде тұрады. Ал отанасы 31 жасында "Алтын алқа" иегері атынып отыр. Отбасының үлкені-Ясмина 2008 жылы дүниеге келген, Тоғжан-2009 жылғы, Иса-2011 жылғы, Жібекжан- 2012 жылы, ал Мирас 2013 жылы туса, Диас 2015 жылы дүние есігін ашқан екен. Жаңа туған сәбидің салмағы 4 келі, бойы 54 см. Денсаулық сақтау басқармасы Айгерім Ушановаға денсаулық жағдайына байланысты енді бала көтеруге болмайтынын атап өтті.

Жас та болса, халық санын көбейтуге үлес қосып отырған отбасыға бала күтіміне байланысты көмектесетін адам жоқ. Айгерім бәріне өзім үлгіремін дейді. Ендігі бар армандары тұрып жатырған жалдық пәтерлерін жекеға айналдыру немесе өз баспаналарына қол жеткізу.

Көп балалы ана баспаналы болды. Балалар үйінің түлегі Екатерина Скворцоваға ат-жөнін құпия сақтауды сұраған қайырымды жан 3 бөлмелі пəтерді сыйға тартты. 6 баланың анасы бұл жағдайға əлі сене алар. Өңім бе, əлде түсім бе деп қуаныштан еріксіз көзіне жас алды. Осыған дейін тас жолға 3 шақырым қашықтықтағы саяжайда тар бөлмеде күн көріп келген отбасы қазір көшудің қамымен жүр. Қайырымдылық жасаған РФ-ның азаматшасы болып шықты. Ол 6 млн.теңгеге Подстепное ауылынан үйді таңдап жүріп алғызған. Іші жөнделген, жуынатын бөлмесі мен əжетханасы бар болуын талап еткен. Өзі 4 баланың анасы көрінеді. Ал үйді сатқан адам Екатеринаға жұмсақ жиһаздар мен ас үй жиһаздарын, кір жуатын автомат машинкесін тегін қалдырып, балаларға ойыншықтар əкеліп беріпті. Скворцова қазір балабақшаға кезек, емханаға тіркелу жұмыстарын қолға алып жатыр

"Ақ жол" демократиялық партиясы көп балалы отбасыға көмек қолын созды. Тағдырдың тауқіметіне ұшыраған отбасында төрт бала тәрбиеленіп жатыр. Олардың үшеуі мектеп жасындағы балалар. Қалалық білім ордаларында тәрбиеленіп жатқан оқушылардың екеуі қысқы аяқ киімдерінің болмауына байланысты сабаққа жиі бармапты. Сонымен қатар, Вероника Заика бесінші сәбиіне жүкті.