Ұлыстың Ұлы күні қарсаңында солтүстік-шығыс ауданында орналасқан тағы бір тоғыз қабатты көппəтерлі тұрғын үй пайдалануға берілді. Осылайша Наурыз мейрамында тұрғын үй кезегінде тұрған 180 отбасы баспаналы болды. Естеріңізде болса өткен аптада 117 пәтерлік су жаңа үй де қолданысқа берілген болатын.Өңірімізде «Нұрлы жер» бағдарламасы аясында алғаш рет «Шаңырақ» пилоттық жобасы сəтті жүзеге асып, «Отбасы банк» салымшылары болып табылатын тұрғын үй кезегінде тұрған азаматтар жаңа баспанаға қол жеткізді. Бұл бағдарлама бойынша беріліп отырған алғашқы тұрғын үй кешені. Өңір эпидемиялық ахуал бойынша қызыл аймаққа енуіне байланысты салтанатты ашылу рəсімі өткен жоқ. Десе де облыс əкімі Ғали Есқалиев мейрам алдында баспаналы болған отбасылардың үйіне бас сұғып, мерекемен арнайы құттықтап шықты. Қоныс тойын тойлағандардың бірі - Ғаббасовтар әулеті. «Шаңырақ» пилоттық жобасы тұрғын үй кезегінде тұрған жандар үшін өте қолайлы бағдарламалардың бірі. Өйткені қазан айында ғана енгізілген бағдарлама талабы бойынша 10% алғашқы жарнамен 20 жылға 5 %-дық үстемақымен үй алу мүмкіндігі қарастырылған. Орал қаласында 21 мыңға жуық адам баспана кезегінде тұр. Бұл бағдарламаға қатысу үшін міндетті түрде үй кезегіне тұрып, тіркелу керек жəне соңғы алты ай ішіндегі отбасы табысы расталуы қажет.

Самал көшесі 98 мекенжайдағы бірнеше пәтерлік көпқабатты тұрғын үйдің аяқталуын асыға күткендердің бірі-Баян Жәрдемова. Ол осы уақытқа дейін жалдамалы пәтерде тұрып келген. Ал бүгін су жаңа екі бөлмелі пәтерге қол жеткізді. Мемлекеттің мұндай қамқорлығын сезінген ана үшін бұдан асқан бақыт жоқ.Көпшіліктің қуанышына ортақтасып, қоныс той иелерін құттықтаған аймақ басшысы Ғали Есқалиев дағдарысқа қарамастан биыл құрылыс нысандары еселене түскенін айтып, пәтер иелеріне жаңа жылда жақсылық тіледі.Осылайша 216 отбасы мереке қарсаңында баспаналы болды. Бұл игі үрдіс әлі де жалғасын табады. Алдағы жылы шаһарда тұрғын үйлер тағы да салынып, пәтер кезегінде тұрғандар қоныс тойларын тойлайтын болады.
«Нұрлы жер» мемлекеттік бағдарламасы аясында бой көтерген 9 қабатты көп пәтерлі тұрғынжайдың құрылыс жұмыстарын «СКФ Отделстрой» жауапкершілігі шектеулі серіктестігі жүзеге асырған. Тұрғын үй кезігіндегілерге арнайы салынған. 216 пәтердің ішінде бір бөлмелі - 144, екі бөлмелі-72 пәтер бар.

Бүгін Оралда тоғыз қабатты екі үй қолданысқа берілді. «Нұрлы жер» бағдарламасы аясында шаһардың солтүстік-шығыс бөлігінен бой көтерген қос үйден 284 отбасы баспана алды. Тұрғындардың қуанышына облыс басшысы Ғали Есқалиев ортақтасып, 1 маусым - Балаларды қорғау күні мерекесінде баспаналы болған отбасылардың қоныстарына құтты болсын айтып, шаңырақтарының балғындардың шатты күлкісіне толы болуын тіледі.

Жаздың алғашқы күні 284 жерлесіміз үшін айтулы, ерекше күн болды. Яғни қоныс тойы тойланды. Шаңырақтары шаттыққа толған бұл отбасында тәрбиеленіп жатқан 400-дей баланың жүзі қуаныштан бал- бұл жанды. Елімізде жемісін берген көптеген мемлекеттік бағдарламалардың ішіндегі тұрғынжай мәселесін шешуге бағытталған «Нұрлы жер» мемлекеттік бағдарламасы бірнеше жыл бұрын іске қосылған еді. Осы орайда қуаныш иелерін арнайы құттықтай келген облыс әкімі Ғали Есқалиев аталған мемлекеттік бағдарламаның тиімділігіне тоқталып өтті.Облыста «Нұрлы жер» арқылы былтыр 1080 пәтер тапсырылса, үстіміздегі жылы кемінде 1800 пәтер беріледі деп жоспарланып отыр. Яғни 80 пайызға көбейтілмек. Екіншіден, мұндай жобалар елдімекендердің дамуына серпін беруде.
Бағдарлама аясында облыс орталығында ғана емес, аудан-ауылдарда құрылыс қарқын алып, су жаңа баспанаға ие болғандар қатары артуда. Солардың бірі бүгінгі қуаныш иелері  - Бәкиевтер отбасы. Пайдалануға берілген екі үйдің құрылысын «СКФ Отделстрой» және «Болашақ-Т» ЖШС-лары жүргізген. Олардың бірі - 180, екіншісі - 104 пәтерлік. Қаланың солтүстік-шығыс бөлігін игеру 2016 жылы басталған болатын. Магистралды инженерлік желілер тартылып, қазіргі уақытта автокөлік жолдарын салу, абаттандыру жұмыстары жүргізілуде. Жаңа шағынауданның аумағы - 108,6 гектарды құрайды. Бұл аумақта 30көпқабатты үй салу жоспарланған. Бүгінде 10 нысанның құрылысы жүруде.