Қала күнінде облыс орталығында көпқабатты тұрғын үй пәтер кезегінде тұрған жандарға табысталды. 198 отбасы қоныс тойын тойлады.

Орал қаласында көп жылдан бері пәтер кезегінде тұрған 198 отбасы қоныс тойын тойлады. Оларға 9 қабатты тұрғын үйді пайдалануға берілді. Баспана -жекешелендіру құқығынсыз, арендалық үй ретінде табысталып отыр.

Облыс әкімі қуанышты отбасыларға құтты болсын айта келіп, пәтер кілтін табыстады.

Пәтерлі болған жандардың бірі көпбалалы болса, енді бірі 18 жылдан бері мүгедектігі бойынша кезекте тұрған.

Естеріңізге сала кетейік, Орал қаласында 21 мыңнан астам азамат баспана кезегінде тұр. Биыл облыс орталығында тұрғын үй құрылысы үшін 7,3 млрд. теңгедей қаражат бөлінген. Бұл сомаға мемлекеттік бағдарламалар бойынша 10 үй салынып, 8 баспана пайдалануға берілмек.

Оралда 180 отбасы қоныс тойын тойлады. Орал-Саратов тас жолында орналасқан көпқабатты тұрғын үй пайдалануға берілді. Тұрғын үйдің құрылысы үшін 1,8 млрд. теңгедей қаражат бөлінген.

Орал қаласында тағы да жаңа 180 пәтерлік тұрғын үй пайдалануға берілді. Баспананың кілті "Отбасы" банкінде шоты бар пәтер кезегінде тұрған жандарға табысталды.

Жаңа пәтердің иелерін шаһар басшысы құттықтады.

Мемлекеттік бағдарлама аясында салынған тұрғын үйдің құрылысы үшін қазынадан 1,8 млрд теңге бөлінген.

Пәтер кезегінде тұрып, банкке ақша жинап алған отбасылардың бірі - Досановтар әулеті. Жанұя 2012 жылдан бастап, баспана кезегіне тұрған. Бүгінде 3 бөлмелі пәтердің иесі атанып, енді қоныс тойын тойламақ.

Жалпы Орал қаласында 9 үй мемлекеттік бағдарлама аясында салынды. Қазіргі таңда сегіз үйдің кілті азаматтарға табысталды.

Орал қаласында тұңғыш президент мерекесі қарсаңында 198 пәтерлік тұрғын үй табысталды. Осылайша бір мезетте 198 отбасы қоныс тойын тойлағалы жатыр. Пәтер кілтін алған жанұялардың 99-ы көпбалалы отбасылар. Қоныс той тақырыбын арна тілшісі жалғастырады.

Орал қаласында көп жылдан бері пәтер кезегінде тұрған отбасыларға арналған 198 пәтердің кілті табысталды. Аталмыш үй "Нұрлы жер" бағдарламасының арқасында салынған. Жаңа үйдің құрылысы өткен жылы басталып, биыл аяқталды. Салтанатты жиында сөз алған облыс әкімі баспана иелерін қуаныштарымен құттықтады.

Тұңғыш президент күні қарсаңында жаңа пәтердің иесі атанған жандардың бірі- Жанерке Төлеген. Бойжеткен 19 жыл бұрын пәтер кезегіне тұрған.

Жалпы БҚО пәтер кезегінде тұрған жандарға арналған баспана салу үшін қазынадан 17 млрд теңгедей қаражат бөлінбекші.

Бәйтерек ауданына қарасты Калинное ауылында 12 пәтерлік 2 үй пайданалуға берілді. Бұл үй халықтың әлеуметтік аз қамтылған тобына арналған.Аталмыш баспана мемлекеттік «Нұрлы жер» бағдарламасының аясында бой түзеді.

Қаланың іргесінде орналасқан Бәйтерек ауданына қарасты Калинное ауылында 24 пәтердің кілті табысталды. Аталмыш баспаналар "Нұрлы жер" мемлекеттік бағдарламасының аясында құрылысы жүргізілген болатын. Бұл үшін қазынадан 207 млн теңгедей қаражат бөлінген.

Көп жылдан бері пәтер кезегінде тұрған жандарға облыс әкімі Ғали Есқалиев өз құттықтауын білдіріп, қуаныштарымен бөлісті.

12 пәтерлік 2 тұрғын үйдің құрылысы алты айға жалғасқан болатын. Көптен бері баспанасын армандап жүрген жандардың бірі көпбалалы ана - Әлия Әтшібаева Ол 2011 жылы баспана кезегіне тұрған. Бүгінде 5 баланың анасы пәтерім армандаған үйімнен де асып кетті,- дейді.

Қазіргі таңда Бәйтерек ауданы бойынша 562 азамат пәтер кезегінде тұр. Олардың 47-сі көпбалалы аналар. Өткен жылы аталмыш ауданда баспана кезінде тұрған аналарға арнап салынған 23 үй пайдалануға берілген болатын.

Құрылыс саласының дамуы, елдің экономикалық, әлеуметтік жағдайының арта түсуіне тікелей әсер етеді. Соңғы жылдары облыста құрылыс саласы қарқынды дамып келеді. Былтырғы  жылы  3 мыңнан аса Ақжайықтық қоныс тойын тойлап, көкейлерінде жүрген мәселелері оң шешімін тапқан болса, биылғы жылы да игілікті іс жалғасады дейді құрылыс саласына жауапты сала мамандары. Яғни биыл өткен жылы басталған құрылыс нысандары толықтай аяқталып, бірнеше білім беру мекемелерінің ірге тасы қаланатын болады. Сонымен қатар 20 көп қабатты тұрғын үй мен 70 тұрғын үйдің құрылыс басталып биыл да 4000 ға жуық батысқазақстандық баспаналы болмақ.Бұған дейінгі басқосуларда облыс әкімі Алтай Көлгінов 2019 жылы өңір халқының 50 пайызын ауыз сумен қамту мақсатында жұмыстардың қолға алынаты туралы айтқан еді. Осы межелі жоспарды іске асыру жолында биыл 28 елді мекенге ауыз су құбырларының тартылу жоспары бар. Сонымен қатар Шалқар көлінің жағасындағы Сарыөмір ауылында  бой көтерітін 48 орындық сауықтыру лагерінің құрылысы аяқталып балалар жазғы демалысын  қызықты өткізбек.

Орал қаласында мемлекеттік жекеменшік әріптестік бағдарламасы аясында тағы бір көп пәтерлі тұрғын үй қолданысқа берілді.Гаграин көшесі бойында орналасқан апатты тұрғын үйдің орынына заманауи келбеті келіскен, көп қабатты үй бой көтерді. Қала тұрғындарына пәтер кілтін облыс әкімі Алтай Көлгінов табыстады.

Бұрын бұл жерде апатты деп таңылған ескі үй болғанды. Енді сол үйдің орынна замануи көп қабатты үй бой көтеріп, тұрғындардың қуанышына айналып отыр.Мемлекеттік жекеменшік әріптестік бағдарламасы аясында салынған үйдің құрлысы үшін мемлекеттен бөлінген қаржы бар.

Бұл үйлерді "Нұрлы жер" бағдарламасы арқылы және "Тұрғын үй жинақ банкінің" салымшылары да ала алады.Үйге көшіп келгендердің қуанышында шек жоқ.Мемелкет пен жеке кәсіпкерлер бірігіп салған үйдің құрылысы толығымен аяқталып тұр, тұрғындар өз есептерінне ешқандай жөндеу жүргізуге мәжбүр болмайды.

Тәуелсіздік күнінде 180 батысқазақстандық отбасы қоныс тойын тойлады. Көптен бері жаңа баспанаға көшуді армандап жүрген азаматтардың қуанашында шек болмады. Көп қабатты тұрғын үй Зашаған кентінде орналасқан. Мереке күндері қуанышы еселене түскен азаматтарды облыс әкімі құттықтады.

Тәуелсіздік күнінде 180 отбасы жаңа баспананың кілтіне ие болды. Су жаңа көпқабатты тұрғын үй Зашаған кентінде орналасқан. Тоғыз қабатты тұрғын үйдің құрылысы өткен жылдың тамыз айында басталыпты.

Қоныс тойын тойлап жатқан жандардың қатарында Бақтылы Сапарова да  бар. Кейіпкеріміз көп жылдан бері пәтер кезегінде тұрған. Ақ жаулық ана тіпті күдерімді үзіп, пәтер алам деген арманым орындалмайтын шығар деп ойлағанында жасырмады.

Мемлекеттік бағдарламалардың арқасында облыс орталығында тағы 15 көп қабатты тұрғын үйлердің құрылысы жүріп жатыр. Олардың 3 пәтер кезегінде тұрған азаматтарға арналған. Жобаны жалпы құны 20,7 млрд теңгені құрайды.

1 желтоқсан тұңғыш Президент күнінде ең үлкен қуаныш Орал қаласындағы соңғы жылдары пайда болған «Көктем» шағынауданында болды. Мұнда 120 пәтерлік жаңа үй пайдалануға берілді. Құрылыс құны 1 млрд теңгеге бағаланған жаңа үйдің құрылысын «ЖайықСелСтрой» ЖШС бір жылдан аса уақыт ішінде аяқтаған. Бұл жерде 6-7 жыл бұрын бос жатқан дала болатын. Қазір қараңыз жағдай мүлде бөлек, адам айтса нанғысыз.  Осы біз айтып отырған орында тұрғын үйлер бой көтеріп, мектеп салынып, халықтың тұрмыс тіршілігі үшін қажетті жағдайдың барлығы жасалған.  Тұңғыш Президент күні қарсаңында  бұл жерде 120 отбасы қоныс тойын тойлады. Зашаған кентіндегі 9 қабатты тұрғын үй «Нұрлы жер» бағдарламасы бойынша салынған. Тәуелсіздік күніне орай Оралда жаңа мектеп, тағы да көпқабатты тұрғынүйлер пайдалануға беріледі, - деген өңір басшысы пәтер иелеріне жаңа баспана тек жақсылықтың, бақ пен берекенің ұясы болуын тіледі. Жалпы биыл шаһарда «Нұрлы жер» бағдарламасы бойынша тұрғын үй құрылысына 11 миллиард теңге бөлінген. Бұл қаржыға биыл жалпы саны 1506 пәтерлік 13 көп қабатты үй тапсырылуы тиіс. Үйдің ауласы абаттандырылып, жолдарға асфальт төселген, балалардың ойын алаңдары жасақталған. Ішкі әрлеу жұмыстары да баспаналы болғандардың көңілінен шықты.

Бұл, Нексарова 22 мекен- жайында орналасқан тұрғын үй. Аталмыш ғимараттың құрылысы 1868 жылы жүргізіліпті. Бүгінгі таңда, осы баспанада 12 отбасы күнелтіп отыр. Тозығы жеткен ғимаратта тек жылу мен жарық ғана бар. 150 жылдық тарихы бар баспанада өмір сүріп келе жатқан азаматтар бірнеше мәрте әкімдіктің табалдырығын тоздырыпты. Алайда, апатты деп танылған тұрғын үйдің мәселесі бүгінгі күнге дейін өз шешімін таппай келеді. Аталмыш олқылықтың жою мақсатында қалалық әкімдік қызметкері мемлекеттік-жекеменшік әріптестік аясында қызметін бастайтын мекеменің басшыларын баспананың иелеріне таныстырды. Барлық құжаттар жинақталып болған соң, көне ғимараттың орнына 5 қабатты тұрғын үйдің құрылысы басталмақ. Облыс көлемінде мемлекеттік-жекеменшік серіктестік аясында 14 жоба іске асып жатыр. Биылғы жылы 7 бірдей жобаға тиісті құжаттар жасақталып, алдағы уақытта іске қосылмақ.