Жаңа жылдан бастан елімізде Конституциялық сот жаңа қарқында жұмысын бастайды. Бүгін Президент Қасым-Жомарт Тоқаев Парламент Сенатына келіп, Эльвира Әзімованы Конституциялық соттың төрағасы лауазымына ұсынды. Жалпы отырысқа қатысқан сенаттың 44 депутаты бірауыздан президент ұсынған кандидатураны қолдады. Осылайша, омбудсмен Әзімова енді Конституциялық сотты басқаратын болды. Ал оның орнына адам құқықтары жөніндегі уәкіл болып Артур Ластаев тағайындалды. Ауыс –түйіс жайында толығырақ Әселім Қалкен баяндайды.

Бейсенбі сайын өтетін сенаттың бұл жолғы жалпы отырысы Президенттің қатысуымен бастау алды. Қасым-Жомарт Тоқаев Жоғарғы палатаға өз ұсынысымен келген екен. Өздеріңізге мәлім жаңа жылдан бастап Конституциялық соттың қызметіне жаңашылдықтар енгізілді. Конституцияға енгізілген өзгерістерге сәйкес Конституциялық сот аза¬мат¬тардың өтініштері бойынша олардың құқық¬тары мен бостандықтарына тікелей тиетін нормативтік құқықтық актілерді Консти¬ту¬цияға сәйкестігін қарайды. Сондай-ақ, Консти¬туциялық сотқа жүгіну құқығы Бас прокурор мен Адам құқықтары жөніндегі уәкілге берілді. Азаматтардың Конституциялық сотқа жүгіну тәртібі белгіленген. Президент сенаторларға Конституциялық сот төрағалығына Эльвира Әзімованың кандидатурасын ұсынып, бірауыздан қолдау тапты. Енді осы органды бүгінге дейін адам құқықтары жөніндегі уәкіл міндетін атқарып келген Эльвира Әзімова басқаратын болды.

Эльвира Әзімова 1973 жылы дүниеге келген. "Заңгер" мамандығын игерген. Әділет министрлігінде кеңесшіден, министрдің орынбасары лауазымына дейін өсті. Ал 2019 жылдың қыркүйегінен бері Адам құқықтары жөніндегі уәкілі болды. Сенат спикері Әшімбаевтың пікірінше, Эльвира Әзімова Конституциялық сотқа жүгініп, әділдік іздеген азаматтардың мүддесін қорғайды деген сенімде. Әзімованың аты шықпаған дейді ол. Яғни өз жұмысына адал, таза.

Ал Әзімованың орнына омбудсмен болып Артур Ластаев тағайындалды. Ендігі адам құқықтары жөніндегі уәкілі Ластаев бұл қызметке бас прокуратурадан келді.