Конституция күніне орай өңірімізің бірқатар спортшылары веложорыққа қатысып, 200 шақырымдық жолды бағындырды. Спортшылардың жорығы Ақжайық ауданынан бастауын алған. Негізгі мақсат: бұқаралық спортты дамыту, велоспортқа деген азаматтардың қызығушылығын арттыру болып табылады.

Бес жыл бойы ұйымдастырылып келе жатқан вело жорыққа белсенділік танытып қатысқан жандардың қатары қалың. Олардың жас ерекшеліктері де өзгеше.

Өңірімізде велоспортты жанына серік қылған жас буынның қатары жыл санап артып келеді. Аталмыш спорт түрін дамыту үшін былтырғы жылы өңірімізде республикалық сайыс ұйымдастырылып, сол кезде Оралдық бір спортшы жеңімпаздардың қатарынан табылған еді. Биылғы жылы бұл көрсеткіш еселенген.

Мемлекетіміздің құқықтық негізін айқындаған Коституциямыздың қабылдағанына биыл 23 жыл толып отыр. Осы орайда бүгін М.Өтемісов атындағы БҚМУ -де салтанатты шара өтіп, іргелі оқу орынның оқытушылар құрамы мен студенттері бас қосты.

Жиынды оқу орынынң ректоры Серғалиев Нұрлан Хабиболлаұлы ашып, жиналғандарды Конституция күнімен құттықтай келе, Ата заңның мемлекетіміз үшін аса зор маңызы мен құқық жүйесінің бәсекеге қабілеттілігінің кепілі екендігін атап өтті. Сонымен қатар, университеттің ғалымдары да еліміздің тұрақтылығы мен тыныштығы жолында конституцияның маңыздылығына баса назар аударды.

Мерекелік шарада ҚР-ның білім беру жүйесін дамытуға қосқан зор жеке үлесі үшін алғыс хатымен бір топ оқытушылар марапатталды.
«Құқығын білген құр қалмайды демекші», демекші бүгінде аталмыш білім ордасын тәмамдаған аталмыш сала мамандарының 70 пайызы өмірден өз орындарын тауып, әділдіктің ақ жолында еңбек етіп келеді. Жыл сайын оқу орынынан шамамен 200-ге жуық студент құқық саласы бойынша жас маман атанады.

Салтанатты жиын соңында қатысушылардың назарына мерекелік концерттік бағдарлама ұсынылды.