«Батыс Су Арнасы » мемекесінің мамандары салқын су мен кәріз жүйелері қызметіне берешегі бар тұтынушылардың есігін қағу әдетке айналдырып келеді. Циолковский шағын аудандағы мына пәтер иесі коммуналдық төлемге 80 мың теңге қарыз. Бірақ, төлеуге асығар емес. Тексеріске шыққандарды қала тұрғыны жылы қабылдай қоймады. Қала тұрғындарының су мен кәріз қызметі үшін дебиторлық берешегі - 380 млн теңгеге жеткен. "Батыс Су Арнасы" ЖШС -гі бұған дейін борышкерлерге аталған қызметтерден ажырату түріндегі шара қолданып келгенімен, бұл да оң нәтиже бере қоймаған. Сондықтан кәсіпорын енді қарызын қайтарудан жалтарғандардың мүлкін тәркілеуге кіріспек ниетте.Биылғы жылы жауапты мекеме тарапынан 480-ге жуық атқарушылық сот өндірісі қозғалғанымен, 2019 жылдың 11 айында борышкерлер 113 млн. теңге берешек көрінеді.

Оралда авариялық-коммуналдық қызмет бойынша бірыңғай жүйе жұмыс істей бастады. Бұл жобаны шет елдердің тәжірибесін қолдана отырып, Орал қаласы әкімдігі мен облыстық ақпараттандыру, мемлекеттік көрсетілетін қызметтер және архивтер басқармасы бірлесіп жүзеге асыруда. Жоба «Орал қаласының авариялық-коммуналдық қызметі бойынша қалалық бірыңғай 109 Сall-орталығы» деп аталады. Тәулік бойы қызмет атқаратын  орталықта 12 оператор жұмыс жасайды. Бұл жоба АҚШ-тағы «311» қызметіне негізделген, қаладағы авариялық-коммуналдық қызметтерді газ, су, жылу, электр, тұрғын үй-коммуналдық шаруашылығы, қатты тұрмыстық қалдықтар және басқа біріктіреді. Пилоттық жоба биылғы жылдың бірінші наурызында  іске қосылған. Сол уақыттан бері 2000-нан аса тұрғынға көмек көрсетілген. Мұндағы басты мақсат - тұрғындар мен қала қонақтарының коммуналдық мәселелерін жедел шешу. Қазіргі таңда тұрғындар авариялық-коммуналдық мәселелерді шешу үшін әр мекемеге бөлек қоңырау шалады, бұл ыңғайсыз әрі тиімсіз. Жоба енгізілген кезде тұрғынның коммуналдық қызмет мекемелеріне қоңырау шалуға кететін уақыты үнемделіп, мәселесін барынша жылдам шешуге мүмкіндік жасайды. Наурыз айында тұрғындарды  қар мен қар суын сору бойынша  мәселе толғандырса, қазрігі таңда тұрмыстық қалдықтар жәйі мазалайтын көрінеді. Яғни маусымдық мәселелерді шешуде тиімділігі өте жоғары. Электр жарығы сөніп, ыстық су ажыратылса, көгілдір отыннан қауіп төнегенін сезсеңіз 109  байланыс телефонынан хабарласыңыз. Мәселеңіз ән сағатта шешімін табады. Айта кеткен жөн аталған қызмет ақысыз.

Өздеріңіз білесіздер соңғы күндері қар толассыз жауып нәтижесінде бір айлық қардың мөлшері бірден жерге түсті. Осы орайда қала көшелерін қардан жедел тазалау үшін арнайы техника тәулік бойы жұмыс істейді. Өткен тәулікте қар тазалау техникасының 100 бірлігі оралдан 130 мың текше қар шығарды. Қар тазалау жұмыстары нәтижелі бол үшін, Орал қаласының жол-патрульдік полицейлері жүргізушілерден көлікті жолдың шетіне қоймауларын сұрайды. Бұл қар тазалайтын техника мен қоғамдық көліктің жүруіне кедергі жасайды. Осы орайда тәртіп сақшылары бұған дейін бірнеше мәрте ескерту шараларын қолға алған болатын. Деседе оған құлақ аспағандар болып, жазаланыпты. Бұдан басқа, ауа температурасының күрт өзгеруіне байланысты полицейлер жүргізушілерге аса сақ болуға және қар молынан жауғанда көліктің жақын жарық фарасын жағып жүруге кеңес береді. Ал бұл күнгі рейдтік шарада тағы бір көлік айыппұл тұрағаныа жөнелтілді. Аталмыш бағыттағы ескерту шарасыны құлақ аспайтындар бұдан бөлек 15 айлық есептік көрсеткіште айппұл төлейтін болады.