Орал қаласының тұрғыны Людмила Шестернева жомарт жандардан көмек сұрайды. Әйел адамның жүрегіне 2015 жылы ота жасалған. Бір жылдай науқастың жағдайы жақсарғандай болған екен. Бірақ кейін денсаулығы қайта сыр бере бастайды. Содан бері Людмила Викторовнадан маза кетіп, дәрігерлердің қабылдауында жиі болады. Енді ақ халаттылар науқасты Нұр-сұлтан қаласына квота арқылы жөнелтпек.

Бұл-58 жастағы Орал қаласының тұрғыны Людмила Шестернева. 2015 жылы оның жүрегіне ота жасаған. Отадан кейін денсаулығына жақсарады. Алайда араға бір жыл салып әйел адамның денсаулығы қайтадан сыр бере бастайды. Міне, 4 жылдан бері кейіпкеріміз түрлі дерттен сауығу үшін уыстап дәрі ішеді.

Денсаулық сақтау басқармасының берген ақпарына сүйенсек, Шестернева шын мәнінде №1 емхананың есебінде тұр. Ертеректе, оған екі мәрте денсаулығын тексеру квота беру ұсынған. Квота аясында науқастың жолы төленіп, тегін тексерістен өтеді. Бірақ кейіпкеріміз отбасылық жағдайына байланысты бара алмаймын деп жауап қатқан. Людмила Шестерва қаражатым болмағасын бара алмай отырмын. Өзім жалғыз жүрсем үйімді таба алмай қаламын. Алып шаһарға қызыммен бірге барғым келеді,-дейді.

Көмек сұраған кейіпкерімізге жәрдемдескіңіз келсе, 8747-393-82-47 хабарласуға болады.

Сырқаты сирек кездесетін Бисенбайұлы Әділханның ата-анасы қазақстандықтардан көмек сұрайды. Он жастағы жеткіншектің сүйектері морт сынады. Осы кезге дейін Әділхан он сегіз мәрте ота жасатып, өмір үшін күресіп келеді. Көпбалалы отбасында тәрбиеленіп жатқан баланың сүйектері сынбас үшін наурыздың 25-сінде Нұр-сұлтан қаласына барып, үш күн система алуы керек. Ал, бұл екпенің құны 150 мың теңгені құрайды.

Бұл-он жасар Әділхан Бисенбайұлы. Баланың сүйектері шорт сынатын болғасын, дәрігерлер остеогенездің 3 түрі деп диагноз қойған. Осы дерттің кесірінен Әділхан өзге балалар секілді аулада асыр салып ойнап, мектепке өз аяғымен барып, тіпті өзіне қызмет көрсете алмайды. Оған үнемі ересектердің көмегі керек. Он жасқа дейін Әділхан он сегіз мәрте түрлі ота жасатып, өмір үшін күресіп келеді.

Дерті сирек кездесетін баланың ата-анасы ұлын емдету үшін ақылы клиникалардың қызметіне жүгінген. Олар екі жылдан бері астанадағы емдеу мекемелерінде тиісті ем-дом қабылдауда. Балаға ем қонып жатқанымен, қызмет ақылы түрде жүзеге асуда. Әрбір системаның құны 150 мың теңгені құрайды. Екі ай сайын Әділхан астанаға барып, екпе салдыруы керек. Көпбалалы отбасы бар табысын Әділханның еміне жұмсап отыр.

Сирек дертке шалдыққан баланың денсаулығы жайлы облыстық денсаулық сақтау саласының мамандарынан сұрадық. Дәрігерлер сирек кездесетін дәріні мәслихаттың шешімімен сатып алу үшін бюджеттен қаражат бөлінгенін айтады.

Сырқатына қарамастан Әділхан сабағын үйде оқып, білім алуда. Ол келешекте дертінен айығып, әнші болуды армандайды.

Қалаға қарасты Серебряков ауылында пәтер жалдап тұратын отбасы баласын емдету үшін жомарт жандардан көмек қолын созуды сұрайды. Көпбалалы жанұяға қол ұшын беремін деп ниет танытсаңыздар, Әділханның анасы Ләззат ханымға 8-775-657-77-32 нөмірі бойынша хабарласуға болады.

Мүгедектігім үшін төленетін ақшам кешіккендіктен ашығып жүрмін. Орал қаласында Людмила Шестернова есімді азаматша көпшіліктен көмек сұрайды. 57 жастағы әйелдің жүрегіне ота жасалып, кардиостимулятор орнатқан. Бүгінге дейін 22 мың теңгеге бір ай өмір сүріп келген Шестернова алдағы бірнеше ай жәрдемақысыз қалатынына алаңдаулы.

Азаматша Құрманғазы көшесінің бойында орналасқан көп қабатты тұрғын үйдің жетінші қабатында тұрады. Людмила Шестернева жыл сайын мүгедектігін растау үшін арнайы медициналық сараптамадан өтеді екен. Басқа табысы жоқ болғандықтан мүгедектігі үшін төленетін жәрдемақыға күн көремін дейді. Соңғы рет ақша оған биыл сәуір айында түскен.

-"Қазір әйел тамақ сатып алатын ақшасыз қалдым. Жұмысқа жарамсызбын. Күн санап жағдайым нашарлап барады",- деп көмек сұрап отырған Людмила Шестернева мүгедекті үшін алатын ақша уақытынан кешігіп төленетінін біледі.

Азаматша сонымен қалалық 1-ші емханада кардиолог дәрігердің қабылдауында есепте тұр. Ал оған төленетін ақшаның уақытынан кешігуіне дер кезінде сараптамадан өтіп, құжаттарды тапсырмағаны себеп болуы мүмкін дейді мамандар. Людмила Шестернева болса, қиын жағдайда көмек қолын созатын жан табылса, айтар алғысым шексіз дейді.