коллекциялық монета – TDK-42

Абай Құнанбайұлының 175 жылдығына арналған монета айналымға шықты

Ажар Хамитова — Tue, 01 Sep 2020 10:17:11 +0000

Қазақтың бас ақыны хәм ойшылы Абай Құнанбайұлының 175 жылдық мерейтойына орай еліміздің "Ұлттық Банкі" коллекциялық монетаны айналымға шығарды. Монета "ABAI. 175 JYL" деп аталады. Ол "Есте қалар оқиғалар мен біртуар адамдар" сериясынан. Жаңадан айналысқа шыққан монетаның үш түрі бар. Біріншісі: номиналы 500 теңгелік, күмістен жасалған. Күмістен жасалған монетаның диаметрі 38,61 мм болса, салмағы 31 граммды құрайды. Оның таралымы 1500 дана. Және қазақтың бас ақынына арнап мельхиор мен нейзильбер қоспаларынан жасалған 100 теңгелік монеталар да жарық көрді. Жаңа монетаны Ұлттық Банктің аумақтық филиалынан сатып алуға болады. Негізінде жаңа монета 10-шы тамызда айналысқа шығарылған еді. Бірақ, оның саудасы Қазақстан Республикасында карантин режимінің ұзартылуына байланысты кейінге қалдырылып, 1-қыркүйектен басталды.

Коллекциялық монета айналымға шықты

Ажар Хамитова — Mon, 24 Aug 2020 06:44:22 +0000

Еліміздің "Ұлттық банкі" "Қазақстан халқы ассамблеясының 25 жылдық мерейтойына орай арнайы коллекциялық монеталарды айналымға шығарды. Реттеуші банк мельхиор қоспасынан 200 теңгелік және нейзильбер қоспасынан 100 теңгелік монеталарды саттыққа шығарды. Мельхиор қоспасынан жасалған тыйынның салмағы 15 грамм, диаметрі 33 ммді құрайды. 200 теңгелік арнайы коллекциалық монета 3000 данада дайындалыпты. Ал нейзильбер қоспасынан жасалған ақшаның массасы 11,17 грамм. Оның диаметрі 31 мм. 100 теңгелік монета 50 мың данада дайындалған. Жаңадан жасалған коллекциялық монеталарды еліміздің аумағында белгіленген құнымен қабылдап, есеп шотқа қабылдап, оны аудару міндетті. Аталмыш тиындарды ҚР барлық банктерінде шектеусіз ұсақталып, айырбастауға болады.

Коллекциялық монета айналымға шықты

Ажар Хамитова — Wed, 22 May 2019 12:09:07 +0000

Қазақстан Республикасының "Ұлттық банкі" "Еуразиялық экономикалық одақ. 5 жыл" атты коллекциялық монеталарды айналымға шығарды. Аталмыш монеталар номиналы 50 мың теңге және 500 теңгелік алтыннан және 500 теңгелік күмістен жасалған. Монеталардың бет жағында орталық бөлігінде Қазақстан Республикасының елтаңбасы бейнеленген. Монеталардың реверсінде орталық бөлігінде Еуразиялық экономикалық одақтың ресми эмблемасы және соғылған жылын білдіретін «2019» деген сан бейнеленген. Эмблема айналасында интерференциялық түрлі түсті бейнелеу және түсті бояу технологиясын қолдана отырып орындалған таспалы ою-өрнектерден және Еуразиялық экономикалық одаққақатысушы елдердің мемлекеттік туларынан композиция орналасқан. Сондай-ақ, "Ұлттық банк" 2019 жылдың сәуірінде латын әліппиінде жазылған монеталар айналымға шықты. Жаңа монеталар 1997 жылы жарық көрген ақшалардан ешқандай айырмашылығы жоқ.