көлік салығы – TDK-42

Көлік салығын төлеуді ұмытпаңыз!

Ажар Хамитова — Tue, 30 Mar 2021 12:42:50 +0000

Темір тұлпарды тізгіндеген жүргізушілер 2020 жылғы көлік салығын 1-сәуірге дейін төлеуі керек. Сәуірдің басынан салыққа өсімпұл қосылады. Қазіргі таңда Орал қаласы бойынша 5900-ден астам көлік жүргізуші өзінің салығын төлемепті. Олардың қарызы 270 млн. теңгеден асып жығылады.

Жер мен мүлік салығын 1-қазанға дейін төлеу керек

Ажар Хамитова — Thu, 24 Sep 2020 12:37:23 +0000

Оралдықтардың жер, мүлік және көлік салығы үшін 516 млн теңгедей қарызы бар. 53 мыңнан астам азамат мемлекетке мүліктері үшін тиісті салығын төлемей отыр. Мамандар 1-қазанда мүлік пен жер салығын төлейтін уақыт аяқталатынын айтады. Межелі уақытқа дейін азаматтар салығын толықтай өтеуі шарт. Қазіргі таңда салықты төлеу үшін қала тұрғындары жаппай кезекке тұрып, берешекті өтеуде. Сол себепті мамандар осы сенбіде салықты қабылдайтын бөлім таңғы тоғыздан кешкі беске дейін жұмыс жасайтынын хабарлайды. Және салықтың берешегі туралы ақпаратты колл орталыққа хабарласып білуге болады. Қарыз соммасын екінші деңгейлі банктер мен пошта арқылы төлесеңіз де болады.

Салық саласындағы өзгерістер

Ажар Хамитова — Wed, 09 Sep 2020 12:13:51 +0000

Енді көлік салығына өзгерістер енгізіп, салық төле деп келген қате ақпараттарды түзетуге болады. Мәселен, сала мамандары сіздің жеке деректеріңіздерде қателік жіберсе, оны "Е салық" атты бағдарламаның арқасында түзетуге болады. Аталмыш бағдарлама 4 мәселе бойынша арыз қарайды. Комитеттің мамандары сіздің сұрағыңызға 4 жұмыс күнінде жауап беруі керек. Сондай-ақ мамандар қазіргі таңда салық рахымшылығы жүріп жатқанын еске салады. Егер салық қарызы төленсе, өсімпұлы кешірілмек.

10 борышкер 20 миллион қарыз

Айнур Құрмашева — Fri, 11 Oct 2019 12:03:23 +0000

0:00 / 0:00

БҚО - да көлік салығы бойынша 10 борышкер 20 миллионнан астам теңге мемлекетке қарыз. Бұдан бөлек тұрғындардың көлік салығы бойынша берешегі - 464,4 миллион теңгені құрайды. Өңірде барлығы 16 мыңнан астам салық төлеуші тіркелсе, олардың мемлекет алдындағы қарызы - 342,3 миллион теңге. Және өсімпұл қаржы - 122 миллион теңгеден асады. Батыс Қазақстан облысының борышкерлері тізіміне көз салсақ, ең қарызы көп борышкер - Мария Сирик. Ол 2003 жылдан бастап "Mersedes Benz 210" маркалы автокөлігі үшін 4,2 миллион теңге салық төлемеген. Екінші орынды - Вячеслав Горелов оның үш тіркелген автокөлігі бар, мемлекетке 2,7 миллион теңгеден астам қаражат берешек. Борышкерлер негізгі қарызды өтеген жағдайда салық амнистиясын пайдалана алады, онда оларға өсімақы бойынша берешекті есептен шығарылады. Жеке тұлғаларға рақымшылық жасау аясында облыстың 676 салық төлеушісіне қатысты - 7 085,1 мың теңге сомасына өсімпұл есептен шығарылған.

Жүргізушілер көлік салығын 31- желтоқсанға дейін төлеулері тиіс

Ажар Хамитова — Fri, 08 Dec 2017 12:32:06 +0000

Биылғы жылдың он айының көрсеткіштері бойынша шаһарымыздың жүргізушілері темір тұлпары үшін мемлекеттің қазынасына 350 миллион теңге қарыз. Бұл туралы Орал қалалық мемлекеттік кірістер басқармасының мамандары хабарлап отыр. Сала мамандарының сөзінше, заң талаптарына сәйкес, әрбір жүргізуші көлік салығын 31 желтоқсанға дейін төлеулері тиіс. Шаһарымыздың кейбір азаматтары көлік салығын естен шығарып немесе қасақана жалтарып жүрген жандарды құрықтау мақсатында мемлекеттік кірістер басқармасының мамандары мен Оралдық тәртіп сақшылары бірлескен рейд шарасын ұйымдастырған еді. Шара барысында көлік салығын төлемеген жүргізушілердің темір тұлпарын айыптұрағына қойылды.