Биыл "ТДК-42" телеарнасы өзінің 20 жылдығын атап өтеді. Осы мерейтой қарсаңында арнамызда көрсетілген материалдарға арқау болған кейіпкерлерімізбен кездесуді жөн санадық. 2017-жылы ақпан айында 84 жасар Валентина Дубовская жөнінде сюжет дайындалған болатын. Қыстың суығында кейуана аяғын үсітіп алып, қиын жағдайға душар болды? Бүгінде кейіпкеріміздің жағдайы қалай?

Жалғызбасты әжейдің қиын жағдайда, қыстың қақаған суығында қараусыз қалуынан аяғы үсіп кеткен болатын. Мына ұзақ уақыт шығарыомай, үйілген күл-қоқыс арасында пәтерінде төсекке таңылған кейуананың іздеушісі жоқ. Валентина Дубовскаяның жағдайы жөнінде үйінен кіріп-шыққанын көрмей алаңдаған көршілер хабар берген болатын. Зейнеткер пәтерде ит-мысықтармен бірге тұрған. Қасындағы жалғыз алданыштары әлі де солар ғана. Арнамызда көрсетілген бейне материалдан соң кейуанаға еріктілер көмектесе бастады. Олар пәтерден бірнеше көлікке жүк болатын күл-қоқыс шығарған. Үйін жөндеп, жаңа терезе орнатқан. Қыста қарын аршып, қалалық жұмыспен қамту және әлеуметтік бағдарламалар бөлімі арнайы көмекші қызметкер тағайындады.

-"Маған Гуля деген әйел келіп көмектесіп тұрады. Жаңа сендер келгенде сол екен деп ойлап едім. Денсаулығым шыдауға боларлықтай. Сендерге тілерім үнемі мұқтаж жандарға көметесе беріңдер. Мені іздеп келіп, қал-жағдайымды білгендерің үшін алғыс айтамын",- дейді Валентина Дубовская.

"ТДК-42 "телеарнасында көрсетілген бейне сюжеттер арқылы қайырымды азаматтар көмекке зәру жандарға қол ұшын беріп, қоғамды бей-жәй қалдырмайтын мәселелер көтерілді. Кейіпкерлердің тағдыры әрдайым арнамыздың бақылауында. 20 жылдық мерейтой қарсаңында өз кейіпкерлерімізбен қайта жүздесудің сәті түсіп отыр.

Орал қаласының Гагарин көшесі 221 мекен-жайы маңында үйілген күл-қоқыс алаңы жиі өртеніп, тұрмыстық қалдықтар желмен көкке көтеріліп жатыр. Бұл аймақ тазалықпен айналысатын кәсіпорынның құзырына кірмейді. Яғни тұрғындар қызметке еш ақы төлемей, контейнерлер орналаспаған жерге рұқсатсыз күл-қоқыс төгіп, қоршаған ортаға зиян тигізіп отыр. Бұл қаламыздың ет комбинаты ауданындағы Гагарин көшесі 221 мекен-жайындағы үйлердің маңы. Шыбын-шіркейдің мекені болған үйілген күл-қоқысты бірнеше жүк көлігіне тиеп шығаруға тура келді. Негізі аймақ тазалықпен айналысушы кәсіпорынның нысандары қатарында жоқ.

Ақы төлеп, арнайы орынға тұрмыстық қалдықтарды шығарып отырған тұрғындар үй айналысының ластануына бей-жәй қарай алмаймыз дейді. Тіпті өздері көлік жалдап қоқысты тазалап, бірнеше рет өрт сөндірушілерді шақырған. Бұл орынан қоқыстарды шығару коммуналдық кәсіпорынның міндетіне енбейді. Күн сайын түтін мен сасық иістен көз ашпайтын тұрғындар қоқыс аймағы жұқпалы инфекциялардың ошағына айналуынан қауіптенеді. Сондықтан жауапсыз тұрғындарды жазаға тартуды сұрайды.

Елбасы биылғы жылы жолдауында ресурстар мәселесіне байланысты нақты тапсырма жүктеген еді. Әрбір өңір экологиялық жағдайын қолға алып, күл-қоқыспен күресуі шарт. Ақжайық өлкесін қоқыстан тазарту жұмыстарына қан жүгірту үшін арнайы семинар ұйымдастырылды.

Семинар барысында сала мамандары келтірген дерекке сүйенсек, өңірімізде картон, қағаз, пластик пен дөңгелек қабылдайтын орталықтар жұмыс жасап жатыр. Биылғы жылы шаһарымызда қоқыстарды сұрыптайтын 767 контейнер бар. Ал, аудан орталықтарында 317 арнайы жәшік орналасқан. Шаһарымыздағы күл-қоқыс полигонымен финдік компания жұмыстанып жасап жатырғандығы мәлім. 2018-жылдан бастап шетелдік мамандар полигонда қоқысты сұрыптайтын орталық салуды қолға алмақ.

Сала мамандары семинар барысында азаматтар күл-қоқысты сұрыптап үйренбеген. Аталмыш олқылықты жою үшін тұрғындар арасында түсіндіру жұмыстарын қолға алып, өскелең ұрпаққа мектеп қабырғасынан бастап, қоқысты сұрыптап үйрету қажет деген пікірлерін ортаға салды.

Себебі 2-ші қабаттағы пәтерлердің бірі -жәндіктердің ордасына айналған. Көршілерімен араласпай, есігін тарс жауып отыратын жас азаматаша өз үйін қоқыс аймағына айналдырған және пәтеріне ешкімді кіргізбейтін көрінеді.

Бұл Жәңгір хан 55 мекен-жайындағы тарақандардан зардап шегіп отырған тұрғын үй. Күн жылынғалы тұрғындар көрші үйден тарап, пәтерлерінің қабырғаларында жорғалаған жәндіктерден үрейленіп болған. Ал тарақанды улап, көзін құрту мүмкін емес. Себебі бунақ денелілердің ошағы болып табылатын пәтерге ешкім кіре алмайды. Пәтер иелері кооперативі де, тіпті учаскелік полициясының да көмегіне жүгініп көрген. Бірақ еш көмек болмапты. Өйткені томаға тұйық үй иесі пәтеріне жан баласын жуытпай отырған көрінеді.

Тұрғындар дизенфекция қызметін шақырған. Одан еш нәтиже болмаған соң әкімдік пен прокуратураға да шағымданыпты. Пәтер иелері кооперативі шарасыздық танытып отыр. Бөгде біреудің пәтерінің есігін бұзу кіруге құқымыз жоқ дейді. Өз пәтерін тарақандардың ордасына айналдырып, көршілерін мезі қылған азаматшаға биліктен бір шара қолдануды сұраған тұрғындар тарақандардың түрлі жұқпалы ауруларды таратуынан үрейленеді.