Көше бойында сауда қызды. Көктемде ауласына ерінбей бақша салып, көкөніс пен жеміс-жидек еккен ағайын енді жаңа піскен өнімдерін жеп, артылғанын саудалау жатыр. Саудагерлердің көбі егде тартқан қариялар. Ерінбей еңбектенген адамдардың өніміне деген сұраныс көп. Сала мамандары биыл саяжайшыларға деп арнайы 51 орын белгіледік,- дейді.

Көше бойында жаңа піскен құлпынай көздің жауын алады. Оларды сатып алатын жандардың қарасы да қалың. Көктемде саяжайына көкөніс пен жеміс-жидек еккен азаматтар артылған өнімдерін саттыққа шығарды.

Татьяна, сатушы:

-Мұнда жаңа піскен құлпынай, аскөк, гүлдерімді ала келдім. Жаңа піскен өнімге деген сұраныс жақсы. Азаматтар сіздің өнім бе деп сұрап, сатып алып жатады. Әрине, артылған өнімді сатып, тиын-тебен тапсақ деп тұрмыз. Бір жылы базардан орын берді. Алайда оған жан баласы келмейді. Бұл бізге тиімсіз. Жаңа піскен өніміміз сатылмағасын шіріп кетті,-дейді.

Көше бойында өз өнімдерін саудалап отырған азаматтарды жиі қудалап жатады. Ал, оралдықтар жаңа піскен өнімді сататын адамдарға қолайлы жағдай жасап берсе,- дейді.

Қала тұрғыны:

- Көп жағдайда көше бойында өз өнімін саудалайтын жандарды қуып жатады. Мен бұны дұрыс емес деп есептеймін. Дүкендердің сөрелерінде шетелден келген жеміс-жидек көп. Олар адамға пайдалы деп айта алмас деп. Ал, көкөніс пен жемісті бақшасында өсірген жандарға көмек көрсетіп, осындай жерлерде жағдай жасаса жақсы болар еді. Бұл қос тарапқа да тиімді,-дейді.

Атқарушы билік биыл көкөніс пен жеміс-жидек сатамын деген жандар үшін арнайы 51 орын берілгенін айтады. Және облыс орталығында орналасқан базарлар аумағында саяжайшылар үшін арнайы орын берілетін көрінеді. Саяжайшыларға деп арнайы белгіленген орындарда тексеріс жүргізіледі.