Қарапайым тілмен айтқанда, табиғи газды ұрлау дерегі анықталып отыр. Арна тілшілері «ҚазТрансГазАймақтың» өкілдерімен бірге көгілдір отынды заңсыз жағып келген орынға шығып, жағдайды бағамдап көрді. Бұл 5 қабатты тұрғын үй Циолковский 2/20 мекен жайында орналасқан. Мұнда 70 пәтер бар. Тұрғындардың көпшілігі құрылыс аяқталысымен, баспаналарына бірден қоныс тепкен. Көгілдір отынды заңсыз пайдалану фактісі тұрғындарының бірі «ҚазТрансГазАймақтың» жедел қызметіне қоңырау шалып, газдың иісі шыққанын хабарлау жағдайынан соң, кездейсоқ анықталып отыр. Бүгінгі күні табиғи газды әр отбасы қанша көлемде тұтынғаны белгісіз. Көгілдір отынға мұндай жолмен кім және қалай жол салғаны әзірге жұмбақ. «ҚазТрансГазАймақ» мамандары аталған фактіні ішкі істер органдарынақұқықбұзушылық ретінде тіркетіп отыр. Бір таңқаларлығы, көп қабатты үйдің тұрғындарының ешқайсысы көгілдір отынның қызметіне ақша төлемеген, "түбіртек" дегенді қолмен ұстап көрмеген. Сол себепті компания газ ұрлығын уақытылы әшкерелемеген. Бұл баспаны қандай компания салғанындығы жөнінде ақпарды әзірге біле алмадық. Облыстық және қала әкімдігіне телефон шалғанымызда, мардымды жауап ала алмадық. Аталған жағдай арна бақылауында қала бермек.

Өңіріміздің ауыл-аймақтары мен облыс ортылығын көгілдір отынмен қамтасыз ету үшін жергілікті және республикалық бюджеттен 3,425 млрд теңге бөлініпті. Атқарылған жұмыстардың нәтижесінде бүгін 4 мыңға жуық азамат көгілдір отынды пайданалып отыр. Биылғы жылы барша ауыл-аймақтарды газбен қамтамасыз ету үшін 1,464 млрд теңге бөлінген. Бұл туралы өңірлік коммуникация қызметінде есеп берген энергетика және тұрғын үй коммуналдық шаруашылығының басшысы мәлімдеді.

Ауылдарды көгілдір отынмен қамтамасыз ету ісі биылғы жылы да күн тәртібінен түспек емес. Мәселен, 2017 жылы өңіріміздің ауыл-аймақтарын газбен қамтамасыз ету үшін қыруар қаржы бөлінді. Нәтижесінде 2017 жылы облыс тұрғындарының 94 пайызы, ал ауылдық жерде өмір сүретін азаматтардың 87 пайызы газбен қамтамасыз етілген.

"Нұрлы жол" мемлекеттік бағдарламасының іске асуы үшін 9 жоба қолға алынған болатын. Ол үшін бюджеттен 2,5 млрд теңге бөлінді. Аталмыш жобалардың сегізі ауылдық жерлердегі су құбырын қайта жөндеу және бір жоба Ақсай қаласында орналасқан жылумен қамтамасыз ететін жүйенің қайта жөнделуін көздейді.

Өңірлік коммуникация алаңында есеп берген энергетика және тұрғын үй коммуналдық шаруашылығының басшысы жылыту маусымы қалыпты деңгейде өтті ,- дейді. Өңіріміздегі барлық әлеуметтік нысандардың баршасы қатты және сұйық отынмен қамтамасыз етіліпті.