Нөмірі 22-ші қоғамдық көліктің автобустары соңғы рет 2007 жылы ауыстырылған. Содан бері 14 жыл өтті. Автобустар ескіріп, күн ара сынып, тіпті кешкі 9-дан кейін жұмысын тоқтатады. Жалпы, шаһар тұрғындары қоғамдық көліктердің жұмысына қатысты жиі сын айтып, қызмет сапасын жақсартуды талап етіп келген болатын. Соны ескере келе, қала билігі 30 су жаңа автобус сатып алған. Автопарк өкілдерінің айтуынша, 30 автобусқа жұмсалған 1 млрд. 587 млн. теңгенің 20-пайызы мемлекет тарапынан субсидияланған. Нөмірі 22-і маршруттағы бұрынғы автобустар 4-ші маршрутқа беріледі.
Өңір басшысы су жаңа автобустардың кілтін жүргізушілерге табыстады. Айта кету керек, жаңа автобустар қазақстандық зауытта құрастырылған. Жыл соңына дейін үлкен, орта және шағын класты 125 автобус сатып алу жоспарланып отыр. Қала ішінде өз жұмысын бастаған бұл жаңа автобустарда барлық жағдай жасалған. Бастысы кембағал жандарға мініп- түсуге қолайлы. Қоғамдық көліктерге 60 жүргізуші жұмысқа алынатын болады. Оған қоса жолаушыларға электронды билет жүйесін қалай қолдануды үйрету үшін арнайы контрелерлар жұмыс жасайды.
Бастысы алдағы уақытта жолақы бағасы көтерілмейді. Жалпы, облыс орталығында жолаушылар тасымалымен алты кәсіпорын айналысса, 450 қоғамдық көлік осы қызметпен шұғылданады.

Желіде қарсы бағытқа шығып, Абай даңғылы бойымен ызғытып бара жатырған нөмірі 22 маршрут автобусының видеосы әлі таралып жатыр. Погондылар бұл жүгенсіз жүргізушіні тез анықтап, айыппұл салған. Енді ол жарты жылға жүргізуші куәлігінен айырылуы мүмкін. Шаһарда жыл басынан бері осы секілді ережені өрескел бұзған 533 ҚОҒАМДЫҚ КӨЛІК ЖҮРГІЗУШІСІ АЙЫППҰЛ АРҚАЛАПТЫ.
Оралдықтардың басым бөлігінің қоғамдық көлік қызметі сапасына көңілі толмайды. Қала тұрғындары автобустардың бір-біріне жол бермей, жолаушыға таласып, жылдамдықты шамадан тыс асыратынын айтып, жүргізушілердің дөрекілігіне наразы. Ал қоғамдық көлікті аузы-мұрнынан толтырып алатын жолаушы тасымалдаушылар санитарлық талаптың сақталуына мүлдем назар аудармайды. Таңғы және кешкі уақыттарда салон ішінде ине шаншыр орын болмайтыны сөзімізге дәлел.
Ең өзекті мәселенің бірі- автобустар қатынасы арасындағы уақыт өлшемі. Жұмысқа асыққан тұрғындар қоғамдық көлікті сағаттап күтетін жағдайлар жиі кездеседі. Жолаушы тасымалдаушылар бұған техниканың ескіріп, жиі сынуы себеп дейді. Осының салдарынан козғалыс кестесі бұзылып, тіпті жолда кептеліс туындайды. Қоғамдық көлік қызметінің табыс деңгейі елдегі пандемия әсерінен қатты төмендеп кеткен. Күн сайын қалаішілік бағыттар бойынша желіге 320-ға жуық автобус шығады. Алдағы уақытта 110 жолаушыны қамтитын 30 ірі қазақстандық автобус КПО б.в. компаниясының есебінен сатып алынғалы отыр. Халық игілігіне берілетін жаңа автокөліктер шамамен 60 млн. теңге тұрады. Егер осындай жаңа қоғамдық көлік қолданысқа берілсе жұмыс сапасы артар деген сенім бар..

Оралда автобус жүргізушілері есірткіге еліткен күйде рөлге отырған. БҚО полиция департаменті мамандарының мәлімдесіне сүйенсек, оқиға өткен аптада болған. Қоғамдық көлік жүргізушілерілінің үсітінен іс қозғалып, сотқа жолданған. Орал қаласы полиция басқармасы патрульдік полиция батальонының инспекторы түскі сағат 14.00 шамасында Самал көшесінде ГАЗ маркалы маршруттық автобусты тоқтатты. 1979 жылғы Л. деген жүргізуші есірткіге еліткен күйде рөлге отырған болып шықты. Сол күні шамамен сағат 15:30-да Құрманғазы көшесінде тағы бір осындай автобус тоқтатылды.Көздері қызарып, тәртіп сақшыларының сауалдарына нақты жауап бере алмаған қоғамдық көлік жүргізушілерінің бұл әрекеттері бірден көңілге күдік ұялатты. Осылайша наркологиялық орталыққа жеткізілген олардың қанында анашаның көп мөлшері анықталған. Бастапқыда өздерін: «судан ақ, сүттен тазамыз»,- деп ақтап алмақ болғанымен мамандар дәлелінен соң есірткі шеккендерін мойындады. Тұрғындар болса қоғамдық көлік жүргізушілері өз міндететтерін дұрыс орындамайды деген пікірде.Бұл азаматтардың «Батыс Дилижанс» ЖШС-не тиесілі қоғамдық көлік жүргізушілері екені белгілі болып отыр. Қалалық әкімдік өкілдері жолаушы тасымалдаушы компания қызметкерлерімен жұмыс жүргізіліп жатқанын жеткізді.Аталған жүргізушілер 7 жылға дейін көлік құралын басқару құқығынан айырылып, оған қоса 15 тәулікке әкімшілік қамаққа алынуы мүмкін.

Орал қаласындағы саяжай маршруттары өз жұмысын 18ші сәуірден бастайды. Бұл туралы қалалық жолаушы көлігі және автомобиль жолдары бөлімінің мамандары хабарлады. Алайда, қоғамдық көлік жүргізушілері кейбір жолдардың әлі кеппегенін айтып налиды. Сол себепті де коммуналдық қызметтегілер жол-тораптарды ертеңге дейін әзірлеуі тиіс.
15 сәуір - саяжай маусымының ресми ашылу күні. Алайда қазір қала сыртында шаруашылығы бар тұрғындар саяжайға дейін өз күштерімен жетуде. Жолаушы тасымалдаушылар ауа райының қолайлануын күтіп отыр. Саяжай бағытындағы көліктерге субсидия бөлу мәселесі де әлі шешілмей тұр. Тасымалдаушы мекеме басшылығының айтуынша, шығыны көбі де дәл осы маршруттар екен.

Александр Баклан
"Уралтехсервис" ЖШС директоры

біз саяжайшылар қауымдастығы төрағаларымен байланысымызды үзбейміз. олар бізге мамыр айына жақындап, жер кепкен кезде барыңдар деген болатын, қазір балшық кеппеген. біз олармен үнемі байланыстамыз

Мына жолмен 23ші маршрут жүреді. Бірнеше километр жолдың айқұш-ұйқышы шыққан. Саяжайшылар бұл жердің жылына бір-екі рет грейдерің көмегімен тегістелетінін айтады. Ал басқа уақытта, соқпақ сол күйінде ұмыт қалады.

Андрей Бойцов
Саяжай қауымдастығының төрағасы

Жол бұрын қалай болды, дәл солай қалды. Айқұш ұйқыш, көліктерге қиын. Көпір де, жол да жоқ.

Қалалық жолаушы көлігі және автомобиль жолдары бөлімінің мамандарының айтуынша, саяжай бағытындағы автожолдар бүгінде тексерістен өтіп, қоғамдық көлік жұмыстарына рұқсат берілген.

Нұрсәуле Хамзина
Қалалық жолаушы көлігі және автомобиль жолдары бөлімінің бас маманы

2018 жылдың 18 сәуірінен бастап, барлық саяжай бағытындағы қоғамдық көліктер жүретін болады. 50-04-02 нөміріне хабарласып, барлық мазалаған сұрақтарыңызды қоя аласыздар. сондай ақ көлік бағыты мен тізімі қалалық әкімдік сайтында да жарияланады.

Алайда, «учужный затон» саяжайы мен Барбастауға дейін баратын көліктер арасында байқау әлі өткен жоқ. Соның салдарынан саяжайшыларға тағы біраз амалдауға тура келеді.