Өткен аптада Орал қаласы әкімдігінде қалалық қоғамдық кеңестің мүшесі Ғалым Орынғалиевтың төрағалығымен қалалық қоғамдық кеңестің отырысы өтті. Кеңесте  облыс орталығы  және кенттерінің 2024 жылға арналған бюджетін нақтылау туралы және шаһар әкімдігі «Орал қаласына бірыңғай сәулеттік келбетті беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидаларын бекіту туралы» қаулысына өзгеріс енгізу мәселесі қаралды. Қоғамдық кеңес отырысында қала мен кенттерді дамытуға қатысты екі негізгі мәселе қаралды. Күн тәртібінде алдымен Орал қаласы мен  кенттердің 2024 жылға арналған бюджеті нақтыланды. Кеңес мүшелері қаржыландырудың басым бөлігін әлеуметтік сала мен абаттандыру және  инфрақұрылымды жақсартуға аудару қажеттігін қаперге салды.Екінші мәселе қаладағы көппәтерлі тұрғын үйлердің қасбеттері мен шатырларын жөндеу бойынша атқарылған жұмыстарға арналды. Орал тарихи қала. Осы орайда кеңес мүшелері бүгінгі таңдағы бой көтеріп жатқан құрылыс барысына қатысты сыни-пікірлерін жеткізді. Олар: жобаға сәйкес көне ескерткіштерді қайта жаңғыртудың орнына қарапайым үйлер неге салынып жатыр?- деген сауалды көтеріп, бұл қаланың мәдени мұрасы мен оның сәулеттік келбетіне әсерін тигізуі мүмкін екеніне алаңдаушылық білдірді. – Тарихи орындарды сақтап қалу керек. Себебі бұл ғимараттардың құны өлшеусіз. Алдымен осы нысандарды жаңғырту қажет, деп санаймын. Себебі бүгінген тарихи орындарды сақтап қалуға ден қоймасақ,  уақыт өте келе көп шығынға әкелуі мүмкін. Ал құрылыс жұмыстары жыл бойы үздіксіз жүре беретіні белгілі ғой,- деді  қалалық қоғамдық кеңестің мүшесі Светлана Тенишева. Светлана ханымның бұл пікіріне Орал қаласы  әкімі аппаратының басшысы Алтай Құлқаев бұл мәселелердің күн тәртібінен түспейтінін хабарлады. – Өздеріңіз білесіздер кеңесте көтерілген барлық сұрақтарға бірден жауап беру қиын, біз бұл жәйтті жеке қарайтын боламыз. Алдымен халықтың жағдайын жақсарту бойынша жұмыстарға ден қойылады,- деді аппарат басшысы Алтай Есмағұлұлы.Қоғамдық кеңес отырысында Орал қалалық тұрғын үй-коммуналдық шаруашылығы және газ-техникалық инспекциясы секторының меңгерушісі Нұртілеу Шайдығалиев шаһарда сегіз көпқабатты үй бюджет есебінен күрделі жөндеуден өтетінін хабарлады. Жаңғырту жұмыстарына үйлердің шатыры мен қасбеті кіреді. Маманның айтуынша  2022 жылы  қалада көппәтерлі тұрғын үйлердің қасбеттері мен шатырларына ағымдағы немесе күрделі жөндеу жүргізу ережесі бекітілген. Бұл шаһарға  біртұтас сәулеттік келбет беру мақсатында жасалып отыр.  Биыл қазына қаражаты есебінен сегіз көпқабатты үйді жөндеуден өткізу жоспарлануда. Жобалық-сметалық құжаттама дайын  көрінеді. Енді мердігер компанияны  анықтау бойынша конкурстық рәсімдер өткізілмек.  Жөндеу барысында нысанның қасбетін толығымен сырлау, балкондарды қаптау, шатырды ауыстыру шаралары орындалады. — Тек бұл ғана емес жақын арада тағы 30 үйді күрделі жөндеуден өткізуге конкурс жарияланады. Жобалық-сметалық құжаттары дайындалуда. Әзірге қаланың екі даңғылы – Назарбаев пен Абайдың бойында ғана үйлері жөнделмек. Жұмыстар толығымен бюджет қаражаты  есебінен жүргізіледі, тұрғындар үшін ешқандай шығын болмайды. Олардан талап етілетіні тек келісім, - деді Орал қалалық тұрғын үй-коммуналдық шаруашылығы және газ-техникалық инспекциясы секторының меңгерушісі Нұртілеу Шайдығалиев.        Айта кетейік, көпқабатты бір үйді күрделі жөндеуден өткізуге шамамен  20 миллионнан 70 миллион теңгеге дейін қаражат жұмсалады. Қаржы үйдің ауданына, қабаттарының санына және жағдайына байланысты бағамдалады. Мәселен, биыл Н. Назарбаев 216/1, 216/2, 221, 223, 232, 234, 236, 238 және Абай 48 мекенжайларындағы үйлерге күрделі жөндеу жұмыстары жүргізіледі.Күн тәртібінде көтерілген негізгі мәселелер мен мәмілелер қалалық мәслихаттың келесі кезекті сессиясында қаралмақ.

Өткен аптада балалар алаңдардында қатарынан үш оқыс оқиға болып, елді алаңдатқаны барлығына аян. Олардың екеуі әткеншектерге саусақтарын қысып, буындарынан айрылса. Ал үшіншісінің үстіне футбол қақпасы құлап бақилық болған еді. Осындай оқиғаларды қайта болдырмау мақсатында «Басты мақсат - қауіпсіздік» атты қала аумағындағы ойын алаңдарында тексеріс жұмыстары жүргізілді. 

Өткен аптада ойын алаңдарында болған жазатайым оқиғалар көпшіліктің жағасын ұстатқанды. Алаңсыз ойнап жүріп саусақ буындарынан айрылу, ең сорақысы бала өмірінің қиылуы әрине бей-жай қарайтын жағдай емес. Осындай жайттардың алдын алу мақсатында қоғамдық кеңес мүшелерінен құралған топ қала ішіндегі «Орал» спорт клубына қарасты балалар алаңдарына тексеріс жұмыстарын жүргізді.

Қоғамдық кеңес төрайымы Ляна Тұрсынованың балалар алаңдары туралы ойы мынадай:
«Ең алдымен біздер бұл алаңдардың қай мекеменің балансында екендігін анықтап, кейін қашан қолданысқа берілгендігі және жөндеу жұмыстары қай уақытта өткізілгендігі туралы ресми ақпараттармен таныстық. Содан соң алаңдардың сапасын тексеруге кірістік. Бүгінгі тексеріс барысында біраз олқылықтарды анықтадық. Бұл ойын орындары мүлдем балалардың қолдануына лайықты емес. Төсемелерінің сапасы сын көтермейді. Тіпті қарапайым футбол қақпалары мен баскетбол сақиналарының торлары орнатылмаған»

Ал балалар алаңдарына жауапты «Орал» спорт клубының жетекшісі болса нысан үнемі бақылауда екендігін алға тартып отыр. Оның айтуынша, жөндеу жұмыстары керек болған жағдайда бірден жасалады екен. Және алаңдардың балалар өмірі үшін қауіпті күйге енуі сол жерде ойнап жүрген бүлдіршіндердің кінәсінен,- дейді ол. Сондай-ақ алаңдарды қайта жаңғыртуға қазіргі мезетте қаражат жоқ екендігін де тілге тиек етті.

Әрине, алаңдардың тексеріліп, қалыпқа келтірілуі жақсы іс. Тек мамандардың осындай жазатайым оқиға болғаннан кейін ғана  әрекетке көшетіні әттеген-ай дегізеді.

Биылғы жылдың тоғыз айында БҚО- да мемлекеттік қызмет туралы заңнаманың сақталуына 28 тексеріс жүргізіліп, 197 олқылық анықталған. Бұл туралы қоғамдық кеңесте сөз алған мемлекеттік қызмет істері департаментінің басшысы Ғалым Тұрсынбаев мәлімдеді. Департамент басшысы заң бұзушылықтың 126-сы жер қатынастарында, білім беру саласында 35 олқылық болған.

БҚО - да мемлекеттік қызмет көрсету саласында 197 олқылық тіркелген. Олардың 64 пайызы жер қатынастары саласында, ал 35 заң бұзушылық білім беру саласында болған. Мемлекеттік қызмет істері жөніндегі заңнаманың жөнді орындалмауына байланысты 10 тұлға тәртіптік жауапкершілікке тартылған.

Жиын барасында халыққа қызмет көрсету орталығындағы ұзын-сонар кезек мәселесі сөз болып, №1 орталықтың тар екендігі айтылды. Басшы бұл мәселені тек үлкен ғимаратқа көшу арқылы шешуге болатынын жеткізді. Сондай-ақ, қоғамдық кеңестің мүшелері 2019-2021 жылдарға арналған облыстық бюджет қалай және қайда жұмсалатынын туралы ақпарға қанықты. Қазына қаржысына жауапты мамандары республикадан келіп түскен трасферттердің арқасында 1,7 млр теңге, ЖИТС кеселін болдырмауға арналған профилактикалық шараларға, атаулы әлеуметтік көмек төлеу мен "Ауылым-алтын бесігім" бағдарламасының аясында елді-мекендерге қажетті инфраструктура тартуға жұмсалатыны белгілі болды.

Сондай-ақ, жиын барысында қысқы уақытта тас жолдарды қардан тазарту жұмыстары қалай орындалатындығы мен мемлекеттік органдар мен квази мемлекеттік секторларда сыбайлас жемқорлықты болдырмау үшін қандай жұмыстар атқарылатыны айтылды.

БҚО-да 14 қоғамдық кеңес құрамында 372 адам жұмыс жасап жатыр. Аймақ әкімдігі жанындағы қоғамдық кеңес әлеуметтік мәселелерді шешуге, халық үшін маңызды іс-шараларды ұйымдастыруға өз үндерін қосып келеді. Кеңес төрағасы Ербол Салықовтың айтуынша, бұл жұмыстың сапасын көтеру үшін тұрғындардың ұсыныстары мен ескертулерін жинайтын арнайы жәшік орнатылған. Бұл жөнінде өңірлік коммуникациялар қызметі жанындағы брифинг барысында айтылды. Кездесуде ауыл-аймақтардың енді өз бюджетінің болуы сынды жаңашылдықтың жүзеге асуын бақылау мәселесі тілшілерді толғандырған сұрақтың бірі болды.

БҚО-дағы 14 қоғамдық кеңестің 12-сі аудандық жерде жұмыс жасаса, біреу қалалық, біреуі облыстық әкімдік жанында қызмет көрсетеді. Жалпы құрам 372 түрі саланың майталманынан құраған. Аудандық бюджеттердің өздеріне бөлінуінен кейін, оның тиімді жұмсалу мәселесі кеңес назарына алынып, бақыланбақ екен.

Қоғамдық кеңестер халықтың көбірек пікірін білу, қоғамдық ұйымдардың ұсынысын ескеру бағытында құрылды. Бірақ өткір мәселені нысанаға алып, шешу үшін кеңес мүшелерінің де, оларды қолдаушы тұрғындардың да белсенділігі аса қажет.

Қоғамдық кеңес алдына баспана сұрап келетін адамдар саны артып келеді. Сонымен өткен жылы қоғамдық кеңестің 5 отырысы өткен. Онда "Нұрлы жол" бағдарламасы, жол жөндеу, бағаның өсуі сынды мәселелер қаралыпты. Сонымен брифинг барысында былтырғы жылы атқарылған жұмыстар қорытындыланды.