Орал қаласында жер кезегінде тұрған азаматтарға кезек бойынша жер учаскелері берілмек. Жер беру жұмысы 2022 жылдан басталады. Қазіргі таңда жер телімдерге газ, ауыз су мен электр желілерін жүргізу жұмыстары жалғасуда.

Қазынадан газ, электр желісі мен ауыз су тарту үшін қыруар қаржы бөлінді. Жыл соңына дейін инфрақұрылым желілерін тарту жұмыстары аяқталмақ.

Жер қатынастары бөлімінің мамандары таратқан ақпарға сүйенсек, жер телімдері 2004 жылы кезекте тұрған жандарға берілмек.

Жер алу үшін Қазақстан Республикасының кез-келген кәмелет жасына толған азаматы кезекке тұра алады. Естеріңізге сала кетейік, осыдан он шақты жыл бұрын жер телімдері берілген еді.

Оралдағы Қазпоштаның №5 филиаланың қызмет сапасы тұрғындардың көңілін көншітпейді. Қалалықтар коммуналдық төлемдер үшін сағаттап кезек күтуге мәжбүр. Өйткені не бары 3 касса алдында ондаған халық сағаттап тұрады. Қазпоштаға кірген адам екі сағатсыз шықпайды. Тізілген мына клиенттер кіруін кіріп, енді жіпсіз байланып отыр. Төлем жасау үшін таңертеңгі сағат 10 - нан бастап түске дейін әлі кезекте екен. Көбі зейнеткер.  Оның үстіне қызмет көрсету сапасы да көңілден шықпайды дейді, тұтынушылар. Мәселе ушығып кеткен соң, мекемедегі бөлім басшысының өзі келді. Мән-жайды мүдірместен түсіндірді.
Әсіресе, айдың басында зейнеткерлер зейнетақысын алуға келетіндіктен. Бұл мәселе оларға таңсық емес. Сонымен қатар, интерент желісі арқылы тапсырыс берушілерге қызмет кезексіз көрсетіледі екен. Жуырда мәселенің шешімін табу үшін арнайы супермаркеттер ашу жоспарда көрінеді. Басшылық атап өткендей казпошта супермаркеті кезек мәселесінің оң шешімі болғай.

Оралдықтарды қай кезде де баспана мәселесі толғандырады. Арнамызға Райгүл Малаева есімді қала тұрғыны хабарласып, қиын жағдайға тап болғандығын айтып, көмек сұраған еді. қала тұрғыны екі сәбиін өсіріп отырған жалғыз басты ана. Ол бүгінде бала-шағымен бірге жалдамалы пәтерден пәтерге көшіп, күн көруге мәжбүр. Жалғыз басты ана көп жылдан бері пәтер кезегінде тұр.

Екі баласын бір өзі бағып-қағып отырған Райгүлдің бір үйге зар болып жүргеніне біраз болған. Жалғыз басты ананың 10 жылдан бері қалада жалдамаған баспанасы жоқ. Кейіпкеріміз жұбайымен ажырасқаннан кейін, басында үйі болмаған соң, пәтер жалдаудың қиындығын көріп, балаларын өсіріп отыр. ол 2010 жылдан бері мемлекеттік қызметкер ретінде пәтер кезегінде тұрыпты. Алайда, біраз уақыт өткеннен соң, белгілі себептермен жұмыстан да шығып кеткен.

Мәселенің мән-жайын білмек мақсатта, қалалық тұрғын үй коммуналдық шаруашылығына бардық. Сала мамандары қала аумағында 19 мың адам, 13 категория бойынша пәтер кезегінде тұр,-дейді. Биылғы жылы шаһарымызда баспана кезегінде тұрған азаматтарға "Нұрлы жер" мемлекеттік бағдарлама арқылы көп қабатты 180 пәтерлік тұрғын үй берілген. Пәтер кезегінде тұрған азаматтар "Тұрғын үй құрылыс жинақ банкі" мен "Қазақстан ипотекалық компаниясының" ұсынған шарттарының аясында пәтерге қол жеткізетін көрінеді. Осы арқылы тағы 300-дей азамат баспаналы болыпты.

Кейіпкеріміз қиын жағдайдан тек мемлекеттік қызметке қайта жұмысқа тұру қабылдану арқылы құтыла алмақ. Сол кезде кезекті жаңартуға болады. Немесе ол жаңа категория бойынша баспана кезегіне тұрып, 19 мың азаматтың қатарын толықтыра алады.

Оралдағы арнайы мамандандарылған халыққа қызмет көрсету орталығы 10 мың адамға қызмет жасапты. Аталмыш орталықтың меңгерушісі бұл қызметтердің баршасын электронды түрде де алуға болатынын атап өтті. Бұл қызметтің баршасын бүгінде қарқынды жұмыс жасап тұрған электронды үкімет порталынан табуға болады. Көлікті тізгіндеген жүргізушілер үшін арнайы мамандандырылған халыққа қызмет көрсету орталығында жағдайдың баршасы жасалынған. Алайда, шын мәнінде кезектен құтылу оңай мәселе емес көрінеді.

Бұл, жаңадан ашылған халыққа қызмет көрсету орталығы. Аталмыш орталыққа келген жандар ұзын сонар кезекте тұр. Яғни, бұл жердегі азаматтар, тиісті талонын алады. Кейін, азаматтар түбіртегімен бірге өз кезегін күтуіне барлық мүмкіндік жасалынған. Алайда, жайлы орындықта отырмастан бұрын, түбіртекке қол жеткізу қажет.

Көлікті тізгіндеген жүргізушілер бұл орталықтың жұмысына көңілдері толып отыр. азаматтарға арналған ғимараттың іші кең, кассалар мен тиісті мамандарда бар. Күн сайын 350ден астам көлік иесі түрлі қызмет алып, мәселесін шешіп жүр. Енді көлікті қайта рәсімдеу мен жүргізуші куәлігін онлайн режимде алуға болады. Алайда, азаматтар заманауи техникадан гөрі, дәстүрлі жүйеге иек артуды жөн санайды.

27-ші шілдеде еліміздің барлық автокөліктерге арналған халыққа қызмет көрсету орталықтарында бірқатар қызметтерді алу мүмкін болмапты. Себебі, жүйеде ақау орын алыпты. Қазіргі таңда, бұл олқылық шешіліп жұмыс қарқынды жалғасуда.

1,5 мың астам қазақстандық еліміздің аумағында электронды үкімет порталы арқылы түрлі қызмет түрін пайдаланған көрінеді.

Бұл жөнінде білім бөлімінің басшысы мәлімдеді. Жалпы шаһарымызда 50 шақты мектепке дейінгі мекеме болса, осы күнге дейін ата-аналар өздері таңдаған балабақша тізімінде ғана тұрып, әр қайсысын жеке қарап отырудан басқа мүмкіндік болмаған еді. Енді сол тізімнің барлығы бір жүйеге енгізіліп, автоматтандырылған таңдау орнатылғалы отыр.

Егер мекен-жайыңыз ауысып кетсе, балаңызды кезекте тұрған балабақшасынан жаңадан ашылған сайттың көмегімен басқа бөбекжайға ауыстыру мүмкіндігі бар. Тек ол үшін ата-ана белсенді түрде сайттағы бос орындардарды бақылап отыруы керек. Айта кетейік, бұрын да электронды кезек болған-тұғын, бірақ ол кезекте автоматтандыру жүйесі және өзге де мүмкіндіктер оңтайлы қызметтер жоқ болатын. Яғни ата-ана өзге мекен-жайға көшсе, баласын қайтадан жаңа кезекке орнатуға мәжбүр болатын.

Жаңа автоматтандырылған жүйедегі сайтты енгізуге 15 млн. теңгедей қаражат бөлінген. Мектепке дейінгі мекемеге кезек рәсімдеу үшін арнайы сайтта тіркелуі тиіс. Енді ата-аналар ғаламатор арқылы сайттағы кезекті бақылап отыра алады. Ал өтініш беруге баланың жеке сәйкестендіру нөмірі болса жетклікті. Ақпан айының ортасына дейін қалған бөбекжайлар жүйеге толықтай енгізілуі тиіс.