"Бұл үйде 8 кіреберіс бар. Жылда 8 кіребірстің 3 жертөлесі суға толып кетеді. Құбыр ескі, еш жаңаланбаған. Қандала қаптап тұр. Үй-үйге кіріп, баларды шағып жатыр. Мәселе шаш етектен", - деп ашынады сол баспананың тұрғыны Галина Халина.

Соңғы 10 жылда шатырына бір шеге қағылмаған, қыбырғасына қалақ сылақ жағылмаған баспана жағдайымен пәтер иелері кооперативі жақсы таныс. Алайда, жөңдеуге асығар емес, - деген тұрғындар қаражатты өз қалталарынан шығарып, баспананың шұрық тесігін шамалары келгенше жаңалап, жамаған.

"Біздің жертөледе жағымсыз иістер шыға бастады. Тозығы жеткен құбырларды ауыстыру керек. Баспанаға жауапты пәтер иелері кооперативіне жағдайды айтып келеміз, бізге құлақ асудан қалды", - дейді тұрғын Ирина Егорова.

Тұрғын үй қорының қызмет көрсету саласында пәтер иелері кооперативтерінің жұмысына қатысты бірқатар мәселелер жеткілікті. ПИК-тері жұмыс істейді, бірақ көбінің қызметіне азаматтардың көңілі толмайды. Бұл үйреншікті жағдай, - дейді мәселеге себепкер "Механик" ПИК төрайымы Татьяна Петровна. Аталған мекеме тұрғын үй кіреберісіндегі жөңдеу жұмыстары мен жөртөле жағдайына жауапты еместіктерін айтып, бастарын ала қашты. Кооператив міндетіне тек үй-үйге су мен жылудың уақытылы берілуі жатса керек.

  "Кердері көшесіндегі 143- үйдің барлық жағдайымен хабардармын. Дегенмен, ПИК қызметіне ай сайын төленетін төлемақы мәселенің жыртығын жамауға келмейді. Барлық ПИК қызметі үшін бірыңғай төлем жүйесі болуы керек.Сонда ғана тұрғындардан мұндай мәселе туындамас еді" , - дейді "Механик" ПИК төрайымы Татьяна Лукина.

Қазіргі таңда арнамызға шағымданған тұрғындардың 30 пайызы ПИК қызметіне қарыздар көрінеді. Ал, кооператив жетекшісін ауыстыру тұрғындардың өз қолында. Оны жалпы жиында барлығы бірауыздан шешуіне болады.

Көк шаңнан көз ашпайтын болдық! Орал қаласының Кердері көшесінің тұрғындары телеарнамызға осындай шағымдарын жеткізіп отыр. Қатты жамылғы төселмеген көше жолында шаң-тозаңның көтерілуінің басты себебі-қоғамдық көліктердің жүру сұлбасының өзгеруі. Айта кетейік, жөндеуге байланысты бірнеше көше жабылып, автобустар аталмыш жолмен қатынай бастаған болатын. Мазалары қашқан тұрғындар жиі қозғалыстан көтерілген көк шаңды басу үшін ең болмаса бір уақыт су сеуіп шықса деген өтініштерін білдіріп отыр.

Тұрғындар ауада тұнған шаңның кесірінен үйіміздің терезесін ашудан қалдық деп шағымданып отыр. Себебі автобустар өткен соң асфальтсыз көшенің шаңы көкке көтеріліп, жол бойындағы адамды көміп кетеді екен.
Кердері көшесі тұрғындарына қолайсыздық туғызған көлік қозғалысының жиілеуі болып тұр. Бұның бәрі Құрманғазы көшесінің жөндеуге жабылуына байланысты болып отыр. Жолаушы көлігі және авто көлік жолдары бөлімінің хабарлауынша, жұмыстар аяқталуға таяп қалған. Ал Кердері көшесінің жобалық-сметалық құжаттары жасақталыпты.
Мамандар тұрғындардан уақытша қолайсыздыққа түсіністікпен қарауды өтініп отыр.