Қазақстанда кен орындарының қоры таусылуға жақын дейді экология министрі Серікқали Брекешев. Министр бұл жайында үкімет отырысында айтты. Өндірудің қазіргі деңгейін алатын болсақ, тиісті толықтырусыз көптеген игерілетін кен орындарының қорлары таяу болашақта таусылатын болады, - деп алаңдайды Брекешев. Ал Конституцияға енгізілетін өзгерістің бірі-жерастындағы пайдалы қазбалар халықтікі болмақ. Яғни қолданусыз жатқан кен орындарын мемлекет тартып алмақ.
Қазақстанда Менделеев таблицасының барлық элементтері бар деп мақтанамыз. Бүгінде елімізде Менделевтің 118 элементінің 99-ы бар. Мұнайдан бастап газ, мыс пен мырыш бәрі бар.Мұндай аста төк байлық Еуропада жоқ. Алайда Дамыған елдердің қатарына іліге алмай отырмыз. Қазақстан мұнай шикізатына тәуелді ел .
Өкінішке орай шикізат сатудан түскен мол қаржы тұрақтылық пен дамудың иллюзиясын туындатады дейді сарапышлар. Оның ақыры тоқырау мен экономиканың даму жоылндағы бас бағытын іздеуге кедергі болады. Жер асты байлықтарын шетелге сатудан түскен оңай олжаның буы бас айналдырып, мемлекетте немқұрайлық пен жалқаулық туындайд. Бұл өнеркәсіп пен инфрақұрылымды дамытуы тежейді. Экология минситрінің айтуынша, біздің ел пайдалы қазбалардың көптеген түрлерінің расталған қоры бойынша әлемнің жетекші елдерінің алғашқы ондығына кіреді. Алайда, кен орындарын толассыз пайдаланудың өз зияны да бар. Геология саласын үлкен проблемалар күтіп тұр. Соның бірі - елдегі кен орындарының қоры таусылуға жақын дейді Брекешев.

Ал пайдаланусыз жатқан кен орындарын мемлекет тартып алады.

Президенттің тапсырмасымен геология ғылымын дамыту және өңдеу саласын шикізатпен қамтамасыз ету мақсатында Ұлттық геология қызметі құрылды. 2026 жылға қарай Қазақстан жерлерін зерттеу жұмыстары 680 мың шаршы шақырымға ұлғайып, жалпы көрсеткіш 2,2 млн шаршы шақырымға дейін жетеді.