Орал қаласында борышкерлердің 690 жылжымайтын мүлігі мен 45 авто көлігін пайдалануға тыйым салынды. "Жайық жылу қуат" АҚ бережақтарын төлемей отырған жандармен күресті күшейтіп, үй-үйді аралауды жалғастыруда. Бүгін коммуналдық кәсіпорын қызметкерлері арна тілшілерімен бірге Короленко көшесі 32 мекен-жайындағы үйге арнайы барды.

Коммуналдық кәсіпорын қызметкерлері пәтерлерді аралап, есіктерінен қаққанымен борышкерлермен жүздесу мүмкін болмады. Себебі бірі сөйлесуден қашқақтаса, енді біреулері үйінде болмай шықты. Айта кетейік, қала тұрғындарының "Жайық жылу қуат" АҚ алдындағы борышы 507 млн. теңгені құрайды.
Ал коммуаналдық кәсіпорын газ үшін Қазтрансгазаймақ АҚ-на 244 млн. теңге бережақ. Бұл соманы уақытылы жаба алмауы салдарынан көгілдір отын беру тоқталып, қала тұрғындары ыстық сусыз қалған болатын. Соған қарамастан борышкерлер қарызды өтеуге асығар емес.
Алдағы күндері бірлескен түрде қарыздарды өндіріп алу шаралары жалғасын табатын болады.

Орал қаласында борышкерлердің біріне осындай жаза тағайындалды. Коммуналдықтарға жазаны қатаңдатуға тұтынушылардың борыштарын өтемеуі түрткі болған. Айта кетейік, шаһар тұрғындарының "Жайық жылу қуат" АҚ алдындағы қарызы бүгінде 500 млн. теңгені құрап отыр.

Былай тартсаң арба сынады, былай тартсаң өгіз өледінің кебін киіп, шарасыз жағдайда қалған "Жайық жылу қуат" АҚ-ның борышкерлерін енді қатаң жаза күтіп тұр. Бірнеше мыңдаған қарыздарын өтемейтін тұтынушылардың істері сотқа жетіп, шешім шығарылған болатын. Сот шешімін орындамай отырғандардың өздерін қамауға алу жазасы қолданылуда. Өйткені қызмет ақысын кешіктірмей төлейтін тұрғындар борышкерлердің кесірінен еш жазықсыз зардап шегуі әділетсіз шешім болып отыр.

Орал қаласы тұрғындары 18-маусымнан бастап тағы да ыстық сусыз қалған болатын. Басты себеп -"Қазтрансгазаймақтың" жылу таратушылардың қарызды өтемегені үшін жылу электр орталығына газ беруді тоқтатуы. Тұтынушылардан төленбей отырған қызмет ақысын өндіріп алса, бұл қарыздан құтылу қиын болмас еді. Алайда тұрғындар оңайлықпен берешектерін қайтарғысы келмейді.