«ҚазАвтоЖол» біркөзден 8,3 млрд теңгеге келісім-шарттарды заңсыз жасаған. Ұлттық компаниядағы былықтар жайында сенат депутат Андрей Лукин мәселе көтеріп, үкіметтен компанияның жұмысын бақылауды сұрады. Депутаттың айтуынша, жол шаруашылығында құрылыс жұмыстарын жүргізу кезінде заңды белден басу фактілері тоқтайтын емес.

Жалпы жол салуға келгенде жемқорлардың ашкөздігі жиі орын алады. Сапасыз жолдардың пайда боулына да осы жемқорлық себеп. «ҚазАвтоЖол» біркөзден 8,3 млрд теңгеге келісім-шарттарды заңсыз жасаған. Сенатор лукин бұл салада құрылыс жұмыстарын жүргізу кезінде заң бұзу фактілері жиі орын алып, тоқтар емес. Жол салу нормалары сақталмайды, шенеуніктердің лауазымын асыра пайдалану деректері жиі орын алады деп ашуланды.

АНДРЕЙ ЛУКИН – ҚР ПАРЛАМЕНТ СЕНАТЫНЫҢ ДЕПУТАТЫ «Жүйелі бұзушылықтар жойылған жоқ. Кейбір мердігерлерге қатысты конкурстық рәсімдерді өткізу кезінде сыбайлас жемқорлық белгідері орын алған. Оларға артықшылықтар берілген. «Квазимемлекеттік сектордың жекелеген субьектілерін сатып алу туралы» заңды бұза отырып, «ҚазАвтоЖол» бір көзден алу тәсілімен жалпы сомасы 8 млрд теңгеден астам заңсыз келісім-шарт жасасқан».

Андрей Лукин жол саласына қомақты бюджет қаражаты құйылып жатқанына қарамастан, көлік инфрақұрылымын дамыту және транзиттік әлеуетті арттыру тиімді болмай отырғанын айтады. Қазына қаржысын ысырап ету, жымқыру және басқа да құқық бұзушылықтар бар деп налыды депутат. Осыған байланысты сенатор премьер-министрден Автомобиль жолдары комитеті мен «ҚазАвтоЖол» кәсіпорнының жұмысын бақылауды күшейтуді талап етті. Сондай-ақ, сенатор үкіметке мердігерлерден айыппұлдарды өндіріп алу, қолданыстағы заңнаманы бұза отырып жасалған және шарттық міндеттемелерді жүйелі түрде бұзуға жол берген мердігерлермен шарттарды бұзуды ұсынды. Ал тиімді технологияларды кеңінен қолдануды қамтамасыз ету бойынша алдыңғы қатарлы шетелдік тәжірибені ескере отырып, жолдарды сапалы салу және жөндеу үшін ұйымдық-құқықтық шаралар қабылдау қажеттігін айтты.