Батыс Қазақстан облысының аумағындағы тас жолдардың бойында тазалықты сақтауға үлес қосып жүрген Қуаныш Тоқжанов тұрғындар жол жиегіне тастайтын тұрмыстық қалдықтардың көбейіп бара жатқанын айтады. Бұл өз кезегінде көліктердің қозғалысына кедергі келтіретін көрінеді. Қуаныш Тоқжанов бұл жағдай көліктердің қозғалысына кедергі келтіріп, жол қауіпсіздігіне де кері әсерін тигізуі мүмкін екенін ескертеді. Өйткені көлік иелері жолай керексіз қалдықтарды арнайы жәшіктерге салмай жолдың бойына тастап, лақтыра салуды әдетке айналдырған. Осының кесірінен экологияға келітін зиян орасан дейді. Шамамен бір тәулікте жол бойынан тоннаға жуық тұрмыстық қалдық жиналып, шөп шабылады екен. Қуаныш Тоғжановтың осы мекемеде жұмыс жасағанына 96 жылдан аса уақыт болған. Осы жылдар бойы ол өз қызметін мүлтіксіз атқарып келеді. Күн сайынғы қайталанатын жұмыс бір сарын болғанымен туған өлкенің тазалығына өлшеусіз үлес қосып келеді. Бүгінде отбасында үш бала тәрбилеп отырған кейіпкеріміз өз жұмысы ұнайтынын айтады. Әріптестері де ол туралы тек жағымды пікірде. Қазір республикалық және облыстық маңызы бар жолдардың тазалығы жыл он екі ай ұдайы қамтамасыз етіледі. Бірақ жүргізушілер де, жолаушылар да осыған мүдделі болса деген тілек бар. Өйткені қыста қар астында қалған қалдықтар жаз шығысымен көзге ұрады. Биылдыққа жыл басталғалы бері тас жол бойынан 2400 тоннаға жуық қоқыс жиналыпты. Мұның бәрі автокөліктен тасталған қалдықтар. Сондықтан жолдың бойын таза ұстау баршамызға ортақ міндет екенін естен шығармайық.

“Подстепное-Федоровка” бағытындағы 72 шақырым жол құрылысында кідіріс бар. Өйткені құрылысқа қыруар қаражат қажет. Тиісті соманы Karachaganak Petroleum Operating B.V. компаниясы бөлмек.  Жер қойнауын пайдаланушы ірі компания жөндеуге қаражат бөлуге дайын. Бұл транзиттік дәліз 100 мың тұрғыны бар 50 ауылды облыс орталығымен байланыстырады. Жол басқармасы мамандары мемлекеттік сатып алу конкурсын өткізу үшін үкімет қаулысын күтіп отырғанын айтады. "КПО" 72 шақырым жолды жөндеуге 40 млрд теңгеден асатам қаражат бөлмек.Аймақтағы  “Подстепное-Федоровка” бағытындағы жөнделетін күре жолдың жалпы ұзындығы 144 шақырым болса, "Қазавтожол" компаниясы оның 71 шақырымының құрылысына жауапты. Мердігер мекеме 2 телімде бүгінгі таңда жаңғырту жұмыстарының ширағанын айтады. Жалпы жұмыстардың аяқталу мерзімі - 3 жыл.Қазіргі сәтте шекара тұсында айналмалы көпір салынып жатыр. Құрылыс келер жылы аяқталуы тиіс. Ал биыл республикалық Жәнібек, Бөкей Ордасының жолдарын тапсыру көзделген.

Бүгін өңірімізге ҚР Инвестиция және даму министрі Жеңіс Қасымбек және ҚР Парламенті Мәжілісінің депутаты Бақтияр Мәкен іс-сапармен келді. Жұмыс сапары барысында министр "Нұрлы жол» бағдарламасы аясында «Орал-Тасқала-Ресей Федерациясы шекарасы» жолдарының қайта қалпына келтіру жұмыстарымен танысты. Толығарақ жұмыс барысы туралы алдыңғы сюжетте.

Алдымен Орал халықаралық әуежайының жаңғыртылу жұмыстарымен танысқан ҚР Инвестиция және даму миністірі Жеңіс Қасымбек кейін Орал-Тасқала-Ресей бағытындағы халықаралық жолдың құрылысын назарға алды. Жалпы ұзындығы 100 шақырым, ені 7,5 метр болатын, екі қозғалыс жолақты бұл жолға Ұлттық қордан 23 194, 98 млн. теңге бөлінген. Бүгінде аталмыш құрылыспен Мердігер компания - «Uniserv» ЖШС шұғылдануда. Жолдың жобасымен «ҚазАвтоЖол» ҰҚ АҚ ның өкілдері таныстырды.

БЕРІК ЖЕЛДІКБАЕВ - «ҚАЗАВТОЖОЛ» ҰҚ АҚ БАСҚАРМА ТӨРАҒАСЫНЫҢ ОРЫНБАСАРЫ:
" - 100 шақырым жолдың былтыр 27 шақырымын аяқтап, мемлекеттік комиссияның шешіміне сәйкес қолданысқа берліді. Қазір қалған бөлігі жөнделуде. Жол бойында үш асфальт-бетон зауыты жұмыс жасап тұр. Жұмысты бітіруге барлық жағдай жасалды. Сонымен қатар абаттандыру жұмыстары да атқарылатын болады".

Болашақта транзиттік көлік ағынына айналатын халықаралық бағыттағы жолдың құрылыс жұмыстарына қанық болған министр Жеңіс Қасымбек бұдан бірнеше жыл бұрын тасқын судың нәтижесіне айтарлықтай апатқа ұшыраған жолдың алдағы уақыттада осы мәселемен бетпе-бет келмесі үшін тиісті шаралардың атқарылуы тиіс екенін тілге тиек етті.
Бұл мәселенің де шешу жолдарын қарастырған сала мамандары осы жолда коммуналдық жол пайдалану мекемесінің мамандарынын құралған бір топтың халықаралық жолды күту жұмыстарымен шұғылданатынын мәлімдеді.
Осы орайда облыс әкімі Алтай Көлгінов мердігер компания өкілдерінен ең бастысы жұмыстың сапалы орындалуы қажет екенін тағы да ескертті.

Алтай КӨЛГІНОВ - БҚО ӘКІМІ:
"- Ең бастысы жұмыс сапалы атқарылуы тиіс. Қаржыландырудан ешқандай мәселе жоқ. Ал өткен жылы жұмыстың уақытылы орындалмауы жол құрылысына қажетті шикізатты уақында сатып алмағандықтарыңызда. Сол себепті биыл мұндай мәселе болмауы тиіс".

Алдағы уақытта 10-13 тоннаға дейінгі ауыр салмақты көтеруге лайықталған халықаралық жолдың жұмыстары үстіміздегі жылдың соңына дейін аяқталады деп күтілуде.

НИКОЛАЙ КОНДАПУЛО - «UNISERV» ЖШС НЫҢ БАС ИНЖЕНЕРІ:
"- Бүгінгі таңда жолдың ең төменгі бөліктеріне қиыршық тастар төселуде. 9 шақырымы аяқталып қалды. 300 ден аса техникамен 3 аймақта жұмыстар атқарылуда. 73 шақырым жолды толықтай аяқтау жоспарымызда бар. Жолдың бойында тұтынушыларға арналған арнайы демалыс орындары мен кәсіпкерлік субьектілері бой көтеретін болады".

Министр Жеңіс Қасымбек Тасқала жол жөндеу жұмыстарына қанық болған соң Жалпақталға бет алды. Яғни «Чапаев-Жалпақтал-Қазталов» жолы бойындағы жасалып жатқан жұмыстарды көзімен көріп, мамандардың қатысуымен БҚО-дағы автокөлік жолдарын дамыту мәселелері жөнінде кеңес өткізуді жоспарлауда.

Көлік жүргізушілері арнамызға осындай арыз-шағымдарын жеткізіп отыр. БҚО-ның тас жолдарын қардан аршумен қандай кәсіпорын айналысады? Жолдағы қауіпсіздік қаншалықты қамтылған?

Тасбақадай ілбіп, әрең қозғаламыз деп шағымданған тұрғындар, тас жолдарды аршуды, көктайғақтың бетін қайтаруды өтініп сұрап отыр. Мерекелік демалыста соққан бұрқасын боранда облыста Атырау мен Тасқала бағытындағы тас жолдар жабылған болатын. Үнемі сапарда көлік тізгінінде жүретін Роман Логвиненконың айтуынша, Тасқала тас жолының жағдайы жүргізушілерге қиындық туғызып отыр.

Бұл жолда көктайғақ пен бораннан соң жолға табан тірей алмаған көлік жиекке ұшып түсіп, апатты жағдайға тап болған болатын. Оқиға "Орал-Атырау" тас жолында болған. Жүргізушілер бұған жолдың тазаланбауы себеп болды деп есептейді.

Айта кетейік, "Орал-Тасқала-Ресей" шекарасы тас жолы әлі толықтай қолданысқа берілмеген болатын. Сол себепті бір бөлігінде "Юнисерв" компаниясы қызмет көрсетеді. Қалған тас жолдардың жағдайы "Қазавтожол" АҚ ұлттық кәсіпорны БҚОФ-ның міндетінде.

Жол бойындағы ауа райы қолайсыздығынан туындаған келеңсіздіктерді қызмет көрсетуші кәсіпорын аз уақытта жою үшін шара қолданып жатырғанын хабарлады.