Оралда алғаш рет футболдан "Қазақ күресінің кубогі" сарапқа салынды. Сайыста Батыс өңірінің барлық командалары бақ сынады. Басты мақсат-салауатты өмір салтын насихаттап, футболға деген қызығушылықты арттыру.

Облыс орталығында тұңғыш рет "Қазақ күресінің кубогі" футболдан сарапқа салынды. Сайыста Батыс өңірінің 16 командасы бақ сынады. Жарыс 250-ге жуық адамның басын қосты.

Шағын футбол турнирі ерекше форматта өтті. Шаршы алаңда 6 адамнан құралған команда бар өнерін көрсетті. Команданың екі мүшесі кәсіби аяқ допшы болса, қалғандары футболды әуесқой ойыншылар.

Ойын нәтижесі бойынша "Қазақ күресінің кубогін" Атыраулық "Аңсар" командасы жеңіп алды. Екінші орынға оралдықтар тұрақтаса, үздік үштікті Ақсайдан келген спортшылар қорытындылады.

Орал қаласында қазақ күресінен Батыс Қазақстан облысының чемпионаты басталды. Аталмыш шара 2004-2005 жылы туылған палуандар арасында ұйымдастырылып отыр. Қазақ күресінің тарихы ерте заманнан басталған. Аталмыш спорт түрі тұңғыш рет 1938 жылы Алматы қаласында ұйымдастырылған республикалық спартакиаданың бағдарламасына енгізілген еді. Бүгінде облыс орталығында басталған байрақты бәсекеде 200-ден астам спортшы қатысып, бақтарын сынауда.

Қазақ күресінің спортшыларға берер пайдасы көп. Мәселен, аталмыш спортты жанына серік қылған жасөспірім шапшаңдыққа, ептілікке, тез арада шешім қабылдауға үйретеді. Бұл - боз кілемде үш бірдей қарсыласын жеңіп, өз өнерін ортаға салған Диас Гельманов есімді жас спортшы. Ол қазақ күресімен бес жылдан бері айналысып келеді. Он төрт жасар палуан үшінші кездесуінен алған әсерін былай деп айтып берді.

Облыс біріншілігінде жеңіске жеткен жас палуандар ақпан айында Алматы қаласында ұйымдастырылатын ел чемпионатына жолдама алмақ.