Батыс өңіріне Алаштың ардақты ақыны Есенғали Раушанов табан тіреді! Облыс орталығындағы Хадиша Бөкеева атындағы қазақ драма театрында қаламгердің 60-жылдығына арналған «Еркем, Жайық!» атты шығармашылық кеш ұйымдастырылды. Рухани шараға облыс әкімі де арнайы келіп, зиялы қауым өкілдері де қатысты.
Мемлекеттік сыйлықтың иегері, белгілі ақын Есенғали Раушанов биыл 60 жаста. Қалың көрерменге ерекше қолтаңбасымен, өзіндік стилімен таныс қаламгерді жайық жұрты ыстық құшақпен қарсы алды. Ақынның шығармашылық кешіне арнайы ат басын бұрған облыс басшысы да Есенғали Әбдіжаппарұлын мейрейтойымен құттықтап, иығына шапан жапты. Кеш барысында театрландырылған көрсетілімдер қойылып, өнерге жаны құмар жастар ақын өлеңдерін жатқа оқыды.

Өнер сүйер әуесқой әртістер бас қосып, бақ сынасқан облыстық фестивалі Хадиша Бөкееваның ғасырлық мерейтойына арналған. Халықпен бірге жасап келе жатқан халықтық тетрлардың білдің өңірде тоғызы бар екен. Үш күнге жалғасқан өнер сайысында аудан-ауданнан ат терлетіп келген театрлар қалың көрерменге өз туындыларын ұсынуда.

Орал қаласында бос орындар жәрмеңкесі ұйымдастырылды. Аталмыш шара өңірімізде 7 мәрте ұйымдастырып отыр. Облыс аумағында қызмет жасайтын 40 шақты мекеме бос жұмыс орындарын ұсынуға ат салысыпты. Екі қолға бір күрек таба алмай жүрген жандарға жәрдемдесу мақсатында оздырылған шара туралы толығырақ, келесі сюжетте.