Жыл сайын 2000 қазақстандық жол көлік апатынан жан тапсырып, 19 мың адам түрлі дене жарақатын алады. Бұл туралы ішкі істер министрлігі мәлімдеді. Ведомство өкілі Олжас Бектеновтың алдында есеп берді. Үкімет басшысы бас полицейге жолдардың барлығында тәртіп орнатуды тапсырды.

Елде жол апаты көбейді. Бұған көліктердің саны артуы, жол сапасы мен тәртіпті ұмытқан жүргізушілер себеп. Көлік апатының артуы жол сапасына тікелей байланысты. Ел аумағында республикалық маңызы бар тас жолдың тек 3 пайызы ғана қауіпсіздік талаптарына сай. Бұл 95 мың шақырымды құрайды.

Ведомство өкілдері қала маңындағы жолдардың сапасы сын көтермейді,- дейді. Биыл 24 мың астам әкімдік пен көлік министрлігіне ұйғарым берген. Жолдарды күтіп ұстайтын 3,5 мың тұлға жауапкершілікке тартылыпты. Бектенов жол жүру қауіпсіздігі темір тұлпарлардың жағдайына тікелей байланысты,- дейді. Елде жыл сайын көліктердің саны артып келеді. Десек те, техниканың жағдайын сапасыз тексереді.

Министр Ержан Саденов 4 жолақ немесе одан да көп 6 мың шақырым жол салу керек,- дейді. Жол көлік апатының тағы себебі- жүргізушілердің жүгенсіздігі. Жиында көлік жүргізіп үйрететін мектептер сынның астында қалды.

Такси қызметінің жүргізушілері демалмай, күндіз-түні рөлге отыруы да жол апатын көбейтіп отыр. Олар не техникалық, не медициналық тексерістен өтпейді. Осы жайттардың салдарынан жол-көлік апаты артуда,- дейді министр Саденов.

СУРЕТ https://sozmedia.kz/ САЙТЫНАН ЖҮКТЕЛДІ

Күн райы жылынған кезде табиғат аясына барып, отбасылық демалыс ұйымдастыратын жандар бар. Бірақ қазіргі жағдайда вирус таралмасы үшін карантин талаптарын бұзуға болмайды. Бұрынғы әдетке басып, табиғат аясында демалыс ұйымдастырған жандарды құрықтау үшін төтеншеліктер мен полиция қызметкерлері бірлесе рейд шарасын ұйымдастырыпты. Шара барысында орман алқабында өрт жағып, қауіпсіздік ережелерін сақтамаған 2 адам әкімшілік жауапкершілікке тартылған.

Демалыс күндері орманда қауіпсіздік ережесі мен карантин талаптарын бұзған жандарды анықтау мақсатында төтеншеліктер мен полиция қызметкерлері арнайы рейд шарасын ұйымдастырды. Оның нәтижесінде 2 адам орманда өрт қауіпсіздігін сақтамағаны үшін жауапкершілікке тартылыпты. Сала мамандары жалпы карантин талаптарын 800-ден астам адамның бұзғандығын айтады.

Жалпы 2020 жылы Орал қаласында 68 өрт оқиғасы тіркелген. Сала мамандары қызыл жалынның зардабынан биыл екі адам қаза тауып, 5 азамат түрлі жарақат алды,-дейді. Тұрғын үй секторында қауіпсіздік ережесін сақтамаудан қызыл жалын тұтанса, орман алқаптарында от жағудың салдарынан өрт тіркеліп отыр.

Сала мамандары орман алқаптарында өрт болмасы үшін рейд шараларын келешекте де жалғастырмақ.

Орал қаласында пиротехниканы заңсыз саудалаған  нысаны анықталды. Заң бұзушылық мереке қарсаңында төтеншеліктер мен полиция қызметкерлері өткізген рейд барысында тіркеліп отыр. Сала мамандары жаңа жылдың ерекше символына айналған от шашуларды қолдану барысында қауіпсіздік ережесін есте сақтау керектігін ескертеді.

Жаңа жыл мерекесін тойлауды от шашусыз елестетудің өзі қиын. Осы от шашу көптеген мерекелік кештердің көркін келтіргені мен одан келетін қауіп те аз емес.

Мереке қарсаңында төтенше жағдай департаментінің мамандары полиция қызметкерлерімен бірлесе отырып пиротехника сататын орындарды тексеру мақсатында рейд шарасын ұйымдастыруда. Шара барысында қауіпті тауардың сақталуы мен оның сапасы тексерілген болатын. Қаламыздағы бір дүкенде пиротехниканы сатып заңдалаған дерек те тіркеліп отыр. Заңсыз саудамен айланысқан нысанның иесіне айыппұл салынған.

Жаңа жылдың көркін келтіретін от шашуды арнайы дүкендерден сатып алу қажет. Ал, сауда нысандарында пиротехниканың құжаттары болу керек.  Сатушылар от шашуды қалай қолдану керектігін айтып, түсіндіру жұмыстарын жүргіземіз,-дейді.

Сала мамандары мереке күндері төтенше жағдай болмас үшін қарапайым қауіпсіздік ережелерін сақтау керектігін еске салады.

БҚО бір аптаның ішінде 7 адамның ажалы судан келген. Қаза тапқан марқұмдардың 3-і бала. Қорқынышты статистика. Қайғылы оқиға орын алмас үшін төтеншеліктер тұрақты түрде рейдтік шаралар өткізуде. Бірақ, мамандардың кеңесіне құлақ асатын жандар аз. Құтқарушылар аптап ыстықта жанұясымен бірге демалып, көңіл көтеретін азаматтарға қауіпсіздік ережесін естен шығармауды ескертеді. Яғни, кішкентай баланы көзден таса қылмай, арнайы жабдықталған орындарда суға түсу керек. Қазіргі таңда қала көлемінде арнайы жабдықталған 5 суға түсетін орын бар. Барлығы да жеке басқаруға берілген. Бизнес субьектілеріне қойылатын талап та күшті. Кәсіпкерлер нысандарын жабдықтап, өзен-көлдердің астын тазалап, құтқарушыларды жасақтауы шарт.

Енді облыс орталығындағы қоғамдық көлік жүргізушілері мен жолаушы тасымалы құралдары қатаң бақылауға алынады. Өйткені тұрғындар тарапынан аталмыш қызмет түріне шағым көбейіпті.

Қала көшелері мен жолдарындағы жағдайды бақылау үшін «Автобус» атты арнайы қауіпсіздік шарасы қолға алынып оның негізінде комисия құрылып, жүргізушілердің жол қозғалысы ережелерін сақтау шаралары қолға алынған. Мәселен бұл әуесқой түсірілімде көріп тұрғандарыңыздай 22-ші нөмірлі қоғамдық көлігі жол ережесін өрескел бұзып қарсы бағытқа шығып кетті. Енді аталмыш видео сотта дәлел ретінде көрсетілетін болады.

ҚАЙРАТ МҰХАМБЕТҚАЛИЕВ, ОРАЛ ҚАЛАСЫНЫҢ ЖОЛАУШЫ КӨЛІГІ ЖӘНЕ АВТОКӨЛІК ЖОЛДАРЫ БӨЛІМІНІҢ БАСШЫСЫ:
Инстаграмм әлеуеметтік желісі арқылы қала тұрғынынан хабарлама алдық. Онда 22 қоғамдық көлік жүргізушісінің жол көлік ережесін бұзғаны түсірілген. Аталмыш мәселе бойынша жол полицейлері жұмыстанып, материал сотқа жіберілді. Аталмыш жүргізуші кеше өз еркімен жұмыстан кетті.

Жоғарыда атап өткен «Автобус» қауіпсіздік шарасы аясында бір тәуліктің ішінде 70 әкімішілік хаттама толтырылып, қоғамдық көлік жүргізушілері тарапынан 20 мәрте жол ережесін бұзылғаны анықталса,12 автобус тізгіндеуші жылдамдықты асырған.

ОРАЛ ҚАЛАСЫНЫҢ ЖОЛАУШЫ КӨЛІГІ ЖӘНЕ АУТОКӨЛІК ЖОЛДАРЫ БӨЛІМІНІҢ СЕКТОР МЕҢГЕРУШІСІ:
Құқық қорғау өкілдерімен бірге тексеру жұмыстары жүргізіледі. Қадағалау шараларына автобус паркі мен бастапқы және соңғы аялдамаларда көлік жүргізушілердің жағдайы да сынға алынады.

Сала мамандар аталмыш қауіпсіздік ережесі әлі де жалғасатын айтады.