БҚО-да биыл 900-дей адамнан қатерлі ісік анықталған. Бүгінде аталмыш дертке шалдығушылардың жасарып бара жатқаны дәрігерлерді алаңдатып-ақ отыр. Биылғы жыл басталғалы 30-дан 35 жас аралығындағы 10 адамнан жаман ауру табылып, ота жасалған. Әсіресе өкпе, асқазан, сүт бездері және жатыр мойыны ісігі кең белең алуда. Адам өмірін сақтап қалудың қарапайым жолы-сырқаттың ерте анықталып, дер кезінде ем тағайындалуы ғана.

Онкологиялық аурулар - ғасыр індеті. Бүгінгі медицина дамыған заманда ақ халаттылар дертті 3 деңгей бойынша емдеп отыр. Алғашқысы емханалар мен ауруханаларда жүргізілетін тексеру кезінде анықталып емделеді. Осы бағытта аймақта 23 онколог пен 19 мамолог жұмыс жасауда. Ал одан кейінгі санатта облыстық онкологиялық диспансерге жолданып, ота жасалады. Асқынған аурулар онкологиялық радиологиялық қазақ ғылыми зерттеу институтына жолданады.

Тіркелген науқастардың 63 пайызында дерт ерте сатыда анықталыпты. Ерте сатысында емді бастау-адам өмірін сақтап қалу мүмкіндігін арттырады. Сондықтан сүт безі қатерлі ісігіне шалдығу қаупі бар-жоғын 40 пен 70 жас арасында әр 2 жыл сайын скринингтік тексерістен өту арқылы тексеріп отыру керек. Сондай-ақ скринингтік тексерістің 30-70 және 50 -70 жас аралығында өткізілетін түрлері бар.

Жалпы облыс бойынша 6787 адам онкологиялық есепте тұр.

Сүт безі қатерлі ісігі 30 бен 35 жас аралығындағы 10 емделушіден анықталып отыр. Соңғы кезде жастардың арасында қатерлі дертке шалдығушылар санының артуы-медицина саласындағы өзекті мәселеге айналып отыр.

Виктория Столбоушкинаның мұқтаждығы жөнінде телеарнамыздың жаңалықтар бөлімінде бейнематериал көрсетілген болатын. Жан-жақтан хабарласып, қол ұшын созған қазақстандықтар науқас әйелге балаларын мектепке дайындауға көмектескен. Қажетті оқу құралдарын алып беріп, киім-кешекпен қамтыпты. Азаматшаның шотына қайырымды жандар 250 мың теңге қаражат аударған. Естеріңізге саламыз, екі қыздың анасы Виктория Столбоушкина жатыр мойыны қатерлі ісігіне шалдығып, жанын қинаған дертпен күресуге қажетті дәрі-дәрмек сатып алуға дәрмесіз болып отырған болатын. Бүгінде 33 жасқа толған азаматша отаға жатуы тиіс. Дәрігерлер жағдайы оңалар түрі жоғын жасырмаған. Сондықтан әйелді балаларының тағдыры қатты алаңдатады. Өз жеке баспаналары жоқ болғандықтан тұрақты жұмысы жоқ отағасының тапқан-таянғаны тұрып жатырған үйдің жалдық ақысы мен тамақтан арылмайды. Олар мекен еткен Зеленов ауданының Озерное ауылында көршілері 2-ші топтың мүгедегі Викторияға үнемі көмектесіп тұрады.

Екі баланың анасы қатерлі дертке шалдыққан. Сол себепті 2ші топ мүгедегі ретінде жұмысқа жарамсыз деп танылып, ем алуға қажетті қаражатын таба алмай отыр. Күнкөрісі қиындаған азаматшаға көрші-қолаң ғана қолдан келгенше қол ұшын созады.

33 жастағы Виктория Столбоушкина жатыр мойыны ісігіне шалдыққан. 2 баланың анасы өз баспанасы болмағандықтан Зеленов ауданының Озерное ауылындағы жалдамалы үйде тұрып жатыр. Осыған дейін 6 рет химиялық терапиядан, бір рет радиологиялық емнен өткен азаматша екінші топтың мүгедегі. Күн сайын қатты ауырсынудан жанын қоярға жер таппайтын Виктория тек екпелердің көмегімен жүреді. Оның үстіне оқу жылы таяғанда балаларының мектепке дайын емесі жанын қинайды. Өз дерті жөнінде азаматша бір жарым жыл бұрын білген. Мүгедектігі үшін алатын 43 мың теңге ақша үйге төленетін жалдық ақы мен тамақтан арылмайды. Ал тұрақты жұмысы жоқ күйеуі шөп шауып, пішен жинап, отбасын асырауға тырысатын көрінеді. Жақында әйел ауруханаға жатып, ота жасалуы мүмкін. Ана жүрегін бәрінен бұрын балаларының тағдыры алаңдатады. Қазір отбасыға көршілері қол ұшын созып отыр. Өздерінің бос үйлерінен орын беріп, жоғын жеткізіп береді.

-"Жағдайым оңалмады. Дәрігерлер де жасырмайды. Отаға жатсам балаларды кім қарайды? Егер өліп кетсем не болады",-дейді көңілі алаң болып, жүрегі қарс айрылған Виктория.

Виктории Столбоушкинаға көмек қолын созамын деуші мейрімді, жомарт жандар табылса, 87761836555 телефон нөміріне хабарласуына болады.