Жаңа жолдау - жаңа міндеттемелер жүктейтіні анық. Орал қаласы әкімдігінің қабырғасында Қазақстан Республикасының Президенті Қасым-Жомарт Тоқаевтың «Сындарлы қоғамдық диалог - Қазақстанның тұрақтылығы мен өркендеуінің негізі» атты Қазақстан халқына жолдауын талқылауға арналған актив жиыны өтті. мінберге мінген қала әкімі Абат Шыныбеков: -"Жолдауда «Азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру - бәрімізге ортақ міндет» - дей келе, қала тұрғындарына сапалы мемлекеттік қызмет көрсету мақсатында ашылған «Ашық әкімдік» пен тұрғындарды қабылдау шарасы халықтың таап-тілектерін орындауға оң ықпал тигізіп келетінін айтты. Әр шара сайын өтініш-тілектермен келетін тұрғындар саны артып, қабылдау өткізу дәстүрге айналған.

Жолдауда көрсетілген әлеуметтік көмек көрсету жүйесін одан әрі дамыту бойынша мұқтаж жандарға көмек көрсету үшін барлық қажетті шаралар қолға алынған. Жолдауда келтірілген мысалға мән берсек, соңғы бес жылда Қазақстанда атаулы әлеуметтік көмек алатындар саны 77 мыңнан 1,4 миллионнан астам адамға артқан. Әлеуметтік көмекке бюджеттен бөлінетін қаражат көлемі 2017 жылдан бері 17 есе көбейді және одан да арта түспек, - дейді қала басшысы.

Жиында Абат Шыныбеков жолдауда көзделген "Бақытты отбасы" бағдарламасына кеңінен тоқталып, жуырда қала нысандарына жылуды уақытылы тарату, барлық оқушыларды ыстық тамақпен қамту, сондай-ақ күз мезігіліне дейін сенбілік науқанын жалғастыру сынды тапсырмалар барын тілге тиек етті. Жолдау талқылауында бұдан өзге,
Орал қаласының Құрметті азаматы, еңбек ардагері Роза Көжекова, Халықаралық «Қазақ тілі» қоғамы» қоғамдық бірлестігі БҚО филиалының төрағасы Болат Жексенғалиев, жеке кәсіпкер Ақұштап Құспан, «Орал жастар» волонтерлік қозғалысының мүшесі Амангелді Талант маңызды құжат туралы ой-пікірлерімен бөлісті.

Жиын соңында қала күні мерекесін жоғарғы деңгейде аталып өтілуіне үлес қосқан мәдениет саласының қызметкерлері мен беленді топ мүшелері марапатталып, Елбасы Жолдауын іске асыру аясында арнайы қарар қабылданды.

Ел Президенті  Қасым-Жомарт Тоқаев  алғашқы жолдауын жолдады. Мемлекет басшысы маңызды мәселелерді айқындап берді. Тоқаев, азаматтық қоғаммен диалогты күшейту, көпшілікті толғандырған ауыр қылмыспен күресті қолға алу, тиімсіз ұлттық компаниялар санын азайту, білім, мәдениет, құқық қорғау органдары қызметкерлерінің жалақысын өсіру, мүгедек бала тәрбиелеп отырған отбасыларын мемлекеттік қолдау, зейнетақы қорындағы қаражатты халыққа өз мүддесіне жұмсауға мүмкіндік беру мәселерін қамтып өтті. Парламенттің алтыншы шақырылымының бесінші сессиясына қатысқан тілшіміз Әселім Қалкен толығырақ баяндайды.

Парламент палаталарының  бірлескен отырысына құда күткендей дайындық болғанын аңғардық. Жазғы демалыстан оралған депутат мырзалар мен ханымдар жұмысты сағынып қалғандары көрініп тұр, әбден сайланып келіпті. Бұл жолы Парламент жұмысының басталу сәті де ерекше болды.

Жолдауда айтылған мәселелерге  толығырақ тоқталсақ. Мемлекет басшысы Ұлттық банкке зейнетақы жинақ қорындағы қаражатты қазақстандықтарға өз мүддесіне жұмсауға мүмкіндік беруді тапсырды.

Президенттің мұндай шешім қабылдауына бірыңғай зейнетақы жинақтаушы қорына деген халықтың сенімінің жоғалуы себеп болуы мүмкін. Енді Ұлттық банктің алдында үлкен міндет тұр.

Сондай-ақ, Президент осымен мемлекеттік тіл-қазақ тілін дамыту мәселесін екінші рет көтерді. Тоқаев өз жоладуында қазақ тілі ел ішінде ұлтаралық тілге айналуы тиіс деген ойын жеткізді.

Президенттің халыққа жоладуында ауыр қылмыс түрлері бойынша жазаны күшейту мәселесі көтерілді. Балаларға қатысты зорлық-зомбылық көбейіп отырғанын айтты.Броконьерлік үшін де жазаны қатайтуды тапсырды.  Бұл орайда үкіметке тиісті заңнаманы күшейтуді жүктеді.

Қасым-Жомарт Тоқаев – Қр президенті

Жолдауда шағын және орта бизнесті қолдау мәселесіне басымдық жасалды. Шағын кәсіпкерліктің даму жолындағы кедергілерді жойып, шағын бизнесті алдағы үш жылда 3 жылға салықтан босату көзделіп отыр.

 Сондай-ақ, бизнеске берілетін несиенің пайыздық үстемақысын азайтуды тапсырды ел Президенті. Тоқаев елдегі баға саясатын да назарға алды. Осы орайда әуе қатынастары мен темір жол билеттерінің шарықтап тұрғанын сынап, құзырлы органдарға бағаны реттеуді тапсырды. Мемлекет басшысы елде соңғы кезде жиі орын алып отырған наразылық шерулеріне қатысты да тапсырманы жүктеді. Қасым-Жомарт Тоқаев митинг өткізуге ыңғайлы орындар белгіленуі керек деді.

Саяси аренада партиялар саны артады. Көппартиялық елде халықтың көкейіндегі мәселелер ескерілетін болады. Мемлекет басшысының Президент ретіндегі алғашқы жолдауы ерекше болды деп отыр сарапшылар.

Президент Қасым-Жомарт Тоқаев пайдаланылмай жатқан ауылшаруашылық жерлер тәркіленетін болады деді.  Президенттің айтуынша, мемлекеттен жалға алу негізінде жерді тегін алғандардың көбі оны бостан босқа ұстап, жұмыс істемей отыр. Елімізде "латифундистер" қатары көбейіп келеді.

Ел Президенті саны көп сапасы жоқ мемлекеттік қызметкерлер санын алдағы жылдары 25 пайызға қысқартуды тапсырды. Және мемлекеттік органның жұмысын қайталап отырған ұлттық компаниялардың санын да азайту қажеттігін айтты. Енді үкімет тиімсіз холдингтердің жұмысын майшаммен қарайтын болды.  Жолдауда мәдениет, білім саласы қызметкерлерінің жалақысын өсіру, денсаулық сақтау саласын дамыту да айтылды. Қорғаныс министрлігіне әскерді күшейту жүктелді. Сөзін қортындылаған Президент реформаның бәрі сөз емес, іс жүзінде жүзеге асқанын талап етті.

Қазақстан Республикасының президенті жұмыс сапарымен Ақ жайық өлкесіне табан тіреді. Президент облыс жұртшылығымен кездесіп, өңірдің дамуы үшін атқарылуы керек тапсырмаларды жүктеді. Қасым жомарт тоқаевтың баяндамасында 7 тапсырма бар. Бірінші міндет өңірге инвестиция тарту. Шетелдік қаржыны тарту тапсырмасын күллі үкімет жүзеге асыру керектігін баса айтты. Президент ауыл шаруашылығын дамыту саласына тоқталып, шағын және орта бизнестің тек ғана Орал мен Бөрлі ауданында дамып жатқандығын айтып, өзге аудандардың әкімдеріне бұқара халыққа кәсіп ашу ісін үйретуді тапсырды. Сондай-ақ, құрылыс қарқынын еселеп, экология мәселесін назардан тыс қалдырмауды, ауыл- аймақты таза ауыз су мен тақтайдай тас жол салу ісін де тілге тиек етті. Президент жастар жылында жастарға қолдау көрсетіп, келешекте жастарға арналған форум ұйымдастыралатын жеткізді. Сондай-ақ, шенділердің қара халықтың базасына құлақ асып, олардың талап тілегін орындау керектігін баса айтты.

Жиында сөз алған батысқазақстандықтар өңірде атқарылып жатқан жұмыстар жіпке тізіп, талап-тілектерін президентке жеткізді.

Шара соңында президент еліміздегі ауызбіршілікке тоқталып, елдің дамуы үшін жұмыс жасап жүрген қарапайым азаматтардың еңбегіне тоқталып, облыста бел жазбай жұмыс жасап жүрген құрылысшы, дәрігер мен мұғалімге алғыс хатын табыстап, жастармен селфилетіп жиынды қорытындылады.