кәсіпкер – TDK-42

Жақсылық жалғасуда

Evgeni St — Tue, 21 Jul 2020 06:26:29 +0000

Індеттің салдарынан күніне он бес шақты науқас өкпені жасанды желдетуге тәуелді болады екен. Осынау қарбалас та, қиын шақта елге көмек көрсетіп жүрген кәсіп иелерінің арқасында науқас жандарға қажетті құрылғылар алынуда. Өңірдегі кәсіпкерлердің қаржылай демеушілігімен облыстық ауруханаға Ресейден 10 литрлік екі оттегі концентраторы мен 400 дана пульсоксиметр әкелінді. Облыстық аурухана директоры Арман Байдеуовтың сөзінше, бұл құрылғылар дереу өңірдегі медициналық орталықтарға берілетін болады.
Оттегі концентраторына провизорлық стационардағы науқастардың 80 пайызы қосылған. Әлемді жаулаған індетке қарсы күрес кезінде халықтың бірлігі, ел азаматтарының көмегі маңызды. Соның ішінде кәсіпкерлер жасап жатырған көмектің орны бір төбе. Айта кету керек, өңірдегі кәсіпкерлердің әрқайсысы мүмкіндігінше «Ақжайық» қорына қаражат аударуда. Бүгінде аталмыш қорға 100 миллионның үстінде қаражат жиналған.
Осы кезге дейін кәсіпкерлердің қаражатына облыстағы науқастарды емдеуге қажетті 160 оттегі концентраты жеткізілген болатын

Шаруалар жердің тапшылығына наразы

Ажар Хамитова — Fri, 10 Aug 2018 07:35:31 +0000

0:00 / 0:00

Ақжайық ауданында қызмет жасап жатқан шаруа жердің тарлығына назары болып, үлкен шаруақожалығының жұмысын тоқтатпақшы. Ол аталмыш ауданға қарасты Ақжол ауылдық округінде 10 жылдан бері өмір сүріп жатыр. Кәсіпкер жер мәселесі шешілмесе, шаруа қожалығымды тарқатамын деп отыр.

Орал қаласында 4 жаңа тынымбақ пайда болады

Эльмира Рахмешева — Fri, 03 Aug 2018 13:02:03 +0000

0:00 / 0:00

Бұл жөнінде шаһар басшысының орынбасары Алтынбек Қайсағалиев мәлімдеді. Қала күні мерекесіне орай, әлеуметтік серіктестік бағдарламасы аясында бірнеше жоба жүзеге асқалы отыр. Солардың ең ауқымдысы-тынымбақтар. Қала күніне жеке кәсіпкерлер өз тартуларын жасағалы отыр. Тайманов көшесінің бойында қаладағы ең ауқымды тынымбақ пайда болады. Тынымбақта балаларға арналған бірнеше аумаққа бөлінген алаңқайлар жабдықталмақ екен. Тұрғындар осындай жобалар көбірек жүзеге асса деген тілектерін білдіруде.

Ал екінші тынымбақ Темір Масин көшесінің бойында орналасқан. Жоба құны шамамен 35 млн. теңге тұрады Бұрынғы қараусыз қалған тынымбақтың 540 шаршы метр аумағы жаңғыртылмақ. Жалпы саны осындай 4 тынымбақ салынады. Тағы бірі-Сити центр сауда ойын-сауық орталығы маңында болса, төртіншісі-ет комбинаты ауданында, денсаулық сақтау басқармасының қолдауымен жүзеге асады. Жобалар шаһарымыздың туған күнінде тапсырылады деп күтіліп отыр.

БҚО-да жеке кәсіпкер өз қаражатына жол жөндеді

Эльмира Рахмешева — Mon, 04 Jun 2018 12:47:11 +0000

0:00 / 0:00

Рамазан айында Зеленов ауданының Мичурин ауылында осындай қайырымдылық шарасы атқарылып жатыр. Ауылдық округ әкімінің айтуынша, биыл 1 жарым шақырым авто көлік жолын күрделі жөндеуден өткізу жоспарланған. Сондай-ақ кәсіпкердің қолымен ор-шұңқырлары бітелген жолда ағымдағы жөндеу атқарылмақ екен.

Мичурин ауылындағы Магистральный көшесі - басты жолдардың бірі саналады. Бұл жолдың бойымен қоғамдық көлік қатынайды, тұрғындардың да қаладан ауылдық округке енетін бірден бір жолы саналады. Өткен жылы жөндеуден өткен жол қазір қайтадан шұрқ тесіліп, қозғалысқа қолайсыз қалыпқа түскен. Жүргізушілердің зығырданын қайнатқан жол әйтеуір жеке кәсіпкердің арқасында лекерге келіп жатыр. Қайырымды жан өз ақшасына цемент сатып алып, барлық шұңқырларды бітеп, жолды қалыпқа келтіріп шығыпты.

-"Мичурин ауылы қаланың іргесінде орналасқанымен Зеленов ауданына қарайды. Бюджеттен бөлінетін қаражат мардымсыз болғандықтан көп нәрсеге жетпей отыр. Бұл орайда қол қусырып отырмайтын ауылдық округтің халқы бір жағадан бас, бір жеңнен қол шығарып, тазалық шараларына, абаттандыру мен жөндеуге өз күштерімен бірлесе атсалысып жатыр",- дейді ауылдық округ әкімі Бекқали Бержанов.

Жеке кәсіпкердің шарапаты мол іске үлес қосуы - қуантарлық жайт. Ал "Өңірлерді дамыту" бағдарламасы бойынша ауылда балаларға сыйлық жасалыпты. Халықаралық балаларды қорғау күніне орай заманауи ойын алаңы салынып, қолданысқа берілген. Биыл жасыл желекті осынау ауылдағы көлік жолдарында күрделі және ағымдағы жөндеу атқарылмақ.