Оралдықтардың ыссы су мен жылуға берешегі 550 млн теңгеден асады. Ал жаңа жылдан бастап, Елбасының тапсырмасына сәйкес коммуналдық қызмет ақысы төмендеуі тиіс. Осы орайда «Жайықжылуқуат» АК қызметкерлері тұтынушыларға қырызды өтеу қажеттігін ескертеді. 

Ал жылуға қарызы қордаланған оралдықтарға енді қатаң шара қолданылмақ. Бұған дейін борышкерлер үш тәулікке қамалса, енді үш жылға дейін сотталуы мүмкін. Дегенмен қарызын төлемеген тұрғындар айылын жияр емес. Олар қарызды өндіруші топқа есік ашпайтын болған. Ал мұның зияны жылу орталығына тимек. Өйткені кәсіпорын суды жылыту үшін көгілдір отынды пайдаланатыны белгілі.

Мәсәлен қалалық №2 сотқа 2964 тұтынушының үсітінен шағым түсірдік. Бүгінде жеке 17 сот орындаушы берешек иелерінен қарызды өндіру ісі бойынша жұмыстануда, олар 2389 атқарушы іс бойынша 116 млн теңгені өндіретін болады.

Мәселен Елбасының тапсырмасы бойынша 2019 жылдан бастап жылуға төленетін ақы 10 пайызға төмендейтін болады. Сол себепті осы кезге дейінгі қарызы бар тұрғындар жыл соңына дейін кәсіпорынмен есеп айрысуы тиіс.

МҰРАТ БӘЙМЕНОВ, «ЖАЙЫҚЖЫЛУҚУАТ» АҚ БАС ДИРЕКТОРЫ:
- 10 пайыз арзандату тұрғындарға өте тиімді. Алайда жыл соңына дейін тұтынушылар қырызды өтеуі тиіс. Өйткені коммуналдық мекеме қызметкерлерінің жалақысы, суды жылытушы мекмелерге біз төлейтін соманы да ескеру қажет. Кәсіпорын 1187 тұрғын үйге жылу таратады. Олардың дені қарызды төлемей отыр.

Күні бүгін 1073 жылжымайтын мүлік пен 79 автокөлікке тыйым (арест) салынған. Ал 502 азаматтың жалақысы ай сайын ұсталып тұратын болса, 568 борышкер шетелге шыға алмайды. Бұған қоса 502 азаматтың банктегі есеп-шоты тұтқындалған.

Бүгінгі таңда облыс тұрғындарының көгілдір отын үшін берешегі 28 миллион теңге. Тек қыркүйек айының өзінде сотқа 17 миллионнан аса қарызы бар тұлғалардың ісі жолданыпты. Осы орайда сала мамандары жеке секторларда рейд шараларын ұйымдастырып, тұтынған қызмет үшін ақы төленбесе, орындалатын ақырғы шешім туралы ескертті. Коммуналдық төлем енді қалай өтелмек, борышкерлерге қандай шара қолданылады?

«ҚазТрансГаз Аймақ» қызметкерлері газға қомақты қарыздарын төлемей жүргендер компания үшін үлкен ауыртпалық болып тұрғанынын жасырмайды. Жыл сайын газға жинақталған қарыздар мәселесі жылыту маусымы басталар кезде орын алады. Бұл өз кезегінде компания үшін өте үлкен жүктеме болып отыр. Осы тұрғыда жергілікті атқарушы органдар борышкерлермен тиісті жұмыстарды жүргізіп жатқанымен нәтижесі көрінер емес. Желаев ауылдық округіндегі жеке секторға газбен қамту мекемесі тарапынан бір емес, бірнеше мәрте ескерту де берілген. Алайда нәтиже жоқ. Мамандар сол себепті бұл үйді жылудан ажыратып, газ құбырын бекітіп тастады.

КӘМШАТ АДІЛОВА
КОНТРОЛЕР
Мәселен бұл пәтердің берешегі 86 000 теңгені құрап отыр. Біз тұтынушымызға барынша мүмкіндік жасадық. Жаз бойы ескерту шараларын жүргіздік құлақ аспады. Енді қарызды өтеудің соңғы жолы бұғат қою. Өйткені басқа шара қалмады.

Желаев ауылдық округінде ұйымдастырылған рейд шаралары барысында тұрғындардың жауапсыздығына бірнеше мәрте куә болдық. Бірі есіктерін ашпады, енді бірі уақыттың жоқ екенін айтып мәселені шиеленістіре бастады.

Қазақстан Республикасы «Газ және газбен жабдықтау туралы» заңының 17 бабы 9 тармағына сай, шартқа сәйкес жеткізіліп берілген тауарлық газ үшін борыштың болуы, газбен жабдықтаушыға  бұзушылықтар жойылғанға дейін тұтынушыға тауарлық газ беруді біржақты тәртіппен тоқтата тұру құқығын береді.

АПОЛЛОН БЕКТАУБАЕВ
ЗАМЕСТИТЕЛЬ ДИРЕКТОРА ТОО «РЦКУ УРАЛЬСК»
Біз бірден жазалау шараларын қолданбаймыз, алдымен әрдайым ескертеміз. егер бұл шаралар көмектеспесе, біз адамды сотқа береміз. Жыл басынан бері біз сотқа 2000-нан астам талап арыз бердік, осы айдың басынан бері шамамен 17 миллион теңге сомаға 200-ден астам талап арыз бердік.

Енді санаулы күннен соң аймақта жылу беру маусымы басталады. Газбен қамту мекемесінің қызметкерлері көгілдір отынға берешегі бар тұрғындарға сол уақытқа дейін қарыздарын өтеуді ескертеді. Әйтпесе, борышкерлер сақылдаған сары аязда жылусыз қалуы мүмкін. Ауылдық округтерде басталған рейд облыстың барлық аудандары мен қалада да жалғасады.

"Жайық жылу қуат" АҚ-ның жылу қазандығына көгілдір отын беріліп, газ таратушылар алдындағы қарыз азайыпты. Бұл жөнінде тұрғын үй коммуналдық шаруашылығы және тұрғын үй инспекциясы бөлімі хабарлады.

Ыстық суды қосу үшін "Жайық жылу қуат" АҚ-на тұтынушылардан борыштарын өндіріп алу үшін біраз тер төгуге тура келді. Түрлі шаралардың арқасында "Қазтрансгазаймақ" алдындағы қарыз 240 млн. теңгеге дейін қысқарып отыр. Соның арқасында ыстық су берілді. Тек жөндеу жұмыстары жүріп жатқан аудандарда 200-ден астам үй қыркүйек айына дейін суға қосылатын болады дейді мамандар.

Ыстық күнде қала тұрғындары үшін сусыз отыру қиын жағдай. Ал коммуанлдық кәсіпорынның газға қарызы толық жабылса игі. Егер жағдай ушықса, газ таратушылар көгілдір отынды беруді тоқтатып, қаланы судан ажыратып тастаудан тайынбайды. Сондықтан борышкер тұтынушылармен күрес үздіксіз жүріп жатыр.

Аталмыш жағдайда еш жазықсыз жапа шеккен- қызмет ақысын уақытылы төлеп жүрген тұтынушылар. "Жайық жылу қуат" келеңсіз жағдайдың қайталануына жол бермеу үшін қолдан келген шараны қолдануға дайын.

Орал қаласында борышкерлердің 690 жылжымайтын мүлігі мен 45 авто көлігін пайдалануға тыйым салынды. "Жайық жылу қуат" АҚ бережақтарын төлемей отырған жандармен күресті күшейтіп, үй-үйді аралауды жалғастыруда. Бүгін коммуналдық кәсіпорын қызметкерлері арна тілшілерімен бірге Короленко көшесі 32 мекен-жайындағы үйге арнайы барды.

Коммуналдық кәсіпорын қызметкерлері пәтерлерді аралап, есіктерінен қаққанымен борышкерлермен жүздесу мүмкін болмады. Себебі бірі сөйлесуден қашқақтаса, енді біреулері үйінде болмай шықты. Айта кетейік, қала тұрғындарының "Жайық жылу қуат" АҚ алдындағы борышы 507 млн. теңгені құрайды.
Ал коммуаналдық кәсіпорын газ үшін Қазтрансгазаймақ АҚ-на 244 млн. теңге бережақ. Бұл соманы уақытылы жаба алмауы салдарынан көгілдір отын беру тоқталып, қала тұрғындары ыстық сусыз қалған болатын. Соған қарамастан борышкерлер қарызды өтеуге асығар емес.
Алдағы күндері бірлескен түрде қарыздарды өндіріп алу шаралары жалғасын табатын болады.

БҚО-да тұтынушылардың газға деген борышы 70 млн. теңгені құрап отыр. Қызметті тегін пайдалануға әдеттенген тұрғындарға коммуналдықтар қатаң шара қолдануға көшті. Бүгін "Қазтрансгазаймақ" АҚ қызметкерлері қасақана борышкерлер мен газды заңсыз тарттырып алған пайдаланушыларға қарсы күрес рейд өткізді. Бірақ қарызды қайтарудан қашқақтаған тұтынушылар да болыспады. Биік дарбазаны құлыптап, екі бірдей төбетті ауыз есікке байлап, үйден шықпай қойды. Ал газ таратушылар тұрғын үйге заңсыз тартылған желіні кесіп, ажыратылған құбырды бұғаттап тастады.

Төленбеген қарызы үшін ажыратылған газ құбырын рұқсатсыз кері тарттырып алған бірінші үй -Деркөл кентінде орналасқан. Сот орындаушылары мен коммуналдық кәсіпорын қызметкерлері тұрғын үй иелерімен тілдеспек түгілі, құлыпталған биік дуалдан әрі аса алмай тосылды. Ал үй ауласына енбей газ желісін қию мүмкін емес.

Борышкерлер қызмет ақысын төлеуге келгенде бастарын ала қашып, тіпті есік алдына шығып жүздесуге жоқ. Жылдар бойы созылған мәселені шешуге сот орындаушыларының да күші жетер емес.

Өркен ауылында орналасқан екінші мекен-жайдағы үйдің иесімен де тілдесу мүмкін болмады. 80 жасты алқымдаған кейуана қауіпсіздікті тексеру үшін ішке енуге рұқсат бермеді. Құбыр қауіпсіздік талаптарына сай келмейтіндіктен желіден ажыраттырып, құбыр бұғатталып тасталды.

Жыл басынан бері 500 тұтынушы газдан ажыратылған. Оның 200-дейі әлі күнге көгілдір отынға қосылуға әрекет жасамаған. Облыс бойынша газға деген тұтынушылар қарызы 70 млн. теңгені құрайды.