Тәуелсіздіктің 30 жылдығына орай Орал қаласындағы «Жекпе-жек» спорт кешенінде 23-25 қараша күндері каратэ шито-рюден балалар, жасөспірімдер, жастар және ересектер арасында Қазақстан чемпионаты алауын жақты.Айтулы жарысқа Нұр-Сұлтан, Алматы, Шымкент қалалары мен 14 облыстың командалары қатысуда. Каратэ - кең тараған олимпиадалық жекпе-жек түрлерінің бірі. Өздеріңізге белгілі биылғы өткен Токио олимпиадасына қатысқан ел командасы жаман нәтижие көрсеткен жоқ. Яғни, елмізде қарқынды дамып келе жатқан спорт түрі деп атуға әбден болады. Чемпионаттың ашылу салтанатына қатысқан өңір басшысы спортшыларға сәтітілік тіледі.Каратэмен облыста 3 мыңға жуық спортшы айналысады. Оларды 24 жаттықтырушы-оқытушы баптап келеді. «Ел намысын абыроймен қорғап жүрген спортшылар жеткілікті. Бұл жолы Қазақстан чемпионатында Батыс Қазақстан облысынан 87 спортшы бақ сынауда. Боз кілемге алғашқылардың бірі болып шыққан жерлесіміз Ринат Мерғалиевтың шәкірті Темралиев Дархан маңғыстауық қарсыласынан басым түсіп, финалға жолдама алды. Оралда жалауын көтерген чемпионатқа 600-дей спортшы қатысуда. Олардың дені шаһарымызға алғаш рет аяқ басқандарын айтады.Чемпионат 25 қарашада мәресіне жетеді.

Батыс Қазақстан облысы Бөрлі ауданы Ақсай қаласында Жасталап Санауовты еске алуға арналған каратэден 10-шы халықаралық турнир өтті. Жарысқа Қазақстанның әр өңірінен екі жүзге жуық спортшы қатысты.Каратэден халықаралық турнир "Қарашығанақ" дене шынықтыру-сауықтыру кешенінде болды. Оған алты жастан асқан ер балалар мен қыздар, сондай-ақ ересек спортшылардан барлығы 210 жас бақтарын сынға салды. Турнир Қазақстанда каратэ спортының негізін қалаушылардың – Жасталап Санауовты еске алуға арналды. Жасталап Санауовты еске алуға арналған 10-шы Қарашығанақ кубогы екі күнге жалғасты. Оған қатысуға ниет танытқандар көп болыпты. Жасталап Санауов олимпиада ойындарының бірі саналатын каратэның облыста дамуына зор үлес қосқан тұлға. Оның көптеген шәкірттері бүгінде әлемдік додада оқ бойы озық шығып жүр. Бұл шара дәстүрлі түрде әр жыл сайын өтеді. Облыстық дене шынықтыру және спорт басқармасы таратқан мәліметке сүйенер болсақ, өңірде бұл спорт түрімен 300-ден аса адам шұғылданады.

Ауыр дертке шалдыққан бөбек Фатима Асқардың еміне қаражат жинауға жергілікті спортшылар да атсалысты. Осы мақсатта каратэшілер арасында қайырымдылық турнирі ұйымдастырылды. Жарыстан түскен қаржы түгелдей Фатиманың еміне жұмсалмақ. Алты айлық Фатима Қанатқызының жағдайы қиын. Егер тезірек дәрі қабылдамаса өмір бойына сал болып қалу қаупі бар. Ауыр дертпен арпалысқан сәбидің ата-анасының ендігі үміті - АҚШ-та ғана жасалатын екпе. Ол ем үшін 1 млрд. теңге қажет болып тұр. Кішкентай Фатиманы емдетуге жергілікті спортшылар атсалысты. Олар каратэден жасөспірімдер арасында қайырымдылық турнирін ұйымдастырды. Жиналған қаражат сырқат бүлдіршіннің еміне жұмсалатын болады. Спорттық шараға Фатиманың әкесі Қанат Асқарұлы да қатысты. Бұл көмекке тебіренген сәбидің әкесі нақты ісімен жанашырлық жәрдемін көрсеткен спортшыларға алғысын білдірді.Қайырымдылық турниріне қала бойынша алты команда қатысты. Жарысқа жергілікті кәсіпкерлер мен қалалық спорт және дене шынықтыру бөлімі қолдау көрсетті. Фатимаға өмір сыйлаймын десеңіз, экранда көрсетілген нөмірге сіз де ақша аудара аласыз.

Қаламызда араши каратэ бойынша Батыс Қазақстан облысының чемпионаты өтуде. 200 жуық жас спортшыларды қамтыған облыс біріншілігі дәстүрлі түрде екінші мәрте ұйымдастырылып отыр. Жарыс жеңімпаздары республикалық сайысқа жолдама алады.

Қаламызда балалар, жасөспірімдер, жастар және ересектер арасында Араши каратэден Батыс Қазақстан чемпионаты оздырылуда. Сайысқа өңіріміздің аудандарынан барлығы 200 жуық жас спортшылар қатысуда. Аталмыш чемпионат қаламызда екінші мәрте ұйымдастырылып отыр.

Араши каратэ өңірде енді белең алып келе жатырған спорт түрі. Жалпы облыс бойынша 500 жуық адам араши каратэмен айналысады. Басқа каратэ түрлерінен айырмашылығы мұнда жекпе-жектің барлық түрімен әдісін қолдануға болады. Жас та болса, талай шаршы алаңның шаңын қаққан спортшылар чемпионатқа тас түйін дайын келген.

Жарыс жеңімпаздары республикалық деңгейдегі додаға жолдама алады.