Орал қаласында мониторингтік топ той жасап жатқандардың үстінен түсті. Топ өкілдерінің айтуынша, мониторинг барысында 14 қараша күні шектеу шараларын бұзушылықтың бес дерегі анықталды. Соның ішінде «Айбат» мейрамханасында үйлену тойы болып, 60-70-тей адам жиналған.

"Той десе қу бас домалайды» демекші шектеулерге қарамастан мерекелік шараларға ағылған халықтың қарасы азаймай отыр. Мониторингтік топтың уақытпен санаспай той томалақ пен отбасылық шаралардың орнын анықтап, жиындарды тарқатып жібергеніне қарамастан бұл бағыттағы жұмыстар әлі де нәтижесіз. Халық аурудың күннен күнге өршіп жатқанын біле тұра сенбі, жексенбі күндері жиын жасауды жалғастыруда. Өздеріңіз көріп тұрғандай «Айбат» мейрамханасында үйлену тойына жиналған 60-70-тей адам бет әлпеттерін жасырып бағуда.Сондай-ақ Некрасов көшесі 47 мекенжайында орналасқан коттеджде отбасылық шараның өтіп жатқаны белгілі болды. Оған отыз шақты адам қатысқан. Тағы екі дерек- дүкендерде термометрияның жоқтығы және арақашықтықтың сақталмауына қатысты тіркелді. Сонымен қатар қоғамдық тамақтану нысаны жұмыс істеу уақытын бұзған. Барлық материалдар тиісті шаралар қабылдау үшін Орал қалалық санитарлық эпидемиологиялық бақылау басқармасына жолданыпты.Еске сала кетейік, бұдан бұрын БҚО-да карантин талабын бұзғандарға 21 млн теңге айыппұл салынған еді.

Орал қаласының әкімдігі жанынан құрылған мониторингтік топ екі күнде санитарлық талаптарды бұзған 70 тен аса кәсіпкерлік субьектілерін анықтады. Олардың ішінде мейрамхана, түнгі клубтар мен азық түлік дүкені атын жамылған алкомаркеттер бар.Юбейлейная ауданында орналасқан бұл кәсіпкерлік субъектісінің иесі алдымен азық-түлік дүкенінің құжаттарын мониторингтік топ өкілдерінің назарына ұсынып, түсініктеме бермеу мақсатымен сан-сылтау ойлап табуға тырысқанымен, олардың бұл әрекеттерінен еш нәтиже шықпады. Өйткені ақпараттың жалған екенін сала мамандары электоронды база арқылы санаулы секундтарда анықтады.Оралдың қақ ортасындағы ойын сауық орыны. Өздеріңіз көріп тұрғандар топтанған халық. Сейіл құрғандарды айтпағанда, санитарлық нормаларды мейрамхана қызметкерлердің өздері ұмыт қалдырған. Мониторингтік топ өкілдерін көздері шалған әкімгерлер бірден халықты таратуға тырысты. Оған қоса арнайы белгіленген уақыттан асса да, қызмет көрсету жалғасып жатты. Бей- берекетсіздік!Демалыс күндері мониторингтік топ назарына той жасағандар да ілікті. Оған қоса осы уақытқа дейін санитарлық талаптарды сақтамай, ескерту берілген кәсіпкерлердің қайта қателікке бой бергендері қалай?!. Енді олардың бұл әрекеттері сот шешіміне сәйкес жазаланатын болады.Айта кету қажет бүгінгі таңда қоғамдық көліктерде де санитарлық талаптардың бұзылғаны анықталып отыр. Яғни қарапайым халық жарты жылдан аса уақыт өтсе де маска тағуды әдетке айналдыра алар емес. Түптеп келгенде тұрғындардың жауапсыздығы салдарынан қызмет көрсетуші автобус тұрағы әкімшілік жазаға тартылуы мүмкін. «Айта, айта алтайды, Жамал апа қартайды»,- демекші қауіптің сейілуі мен індеттің жойылуы сіз бен бізге байланысты екенін тағы да қаперіңізге салғымыз келеді.