Орал қаласындағы мекемелердің бірінен сейфті бұзу арқылы ақша мен ноутбук және басқа да бағалы заттар мен техника ұрлаған қарақшылар ұсталды. БҚО ПД баспасөз қызметінің хабарлауынша, жедел-іздестіру шаралары арқылы осы қылмысты жасады деген күдікпен 1998 және 2000 жылғы азаматтар ұсталыпты. Бұл азаматтарды тексеру барысында олардың басқа да қылмыстарға қатысы бар екендігі анықталған. Олар автокөліктердің терезесін сындырып, бейнебақылау камераларын алып кетіп жүрген. Тергеу барысында олардың кейбірі тәркілендген. Қазіргі уақытта ұсталған тұлғаларға қатысты қылмыстық іс қозғалып, тергеу амалдары басталған.