Өңіріміздің дәрігерлері қант диабетімен сырқаттанатын балалардың саны жылдан жылға артып келеді деп дабыл қағуда. Биылғы жылдың төрт айында қант диабетімен науқастанған он бала тіркелген. Ақ халатты жандар бұл кеселге түрлі инфекциялар арқылы шалдығуы мүмкін,- дейді. Себебі ұйқы безі бұзылған тұста, адам ағзасы инсулинді тиісті бөле алмайды.

Әлемде әрбір алты секунд сайын бір адам қант диабетінен көз жұмады. Өткен жылы қант диабетімен науқастанған Қазақстандықтардың саны 300 мыңға жеткен. Олардың 3000 балалар көрінеді. Аталмыш көрсеткіш балалалар арасында жылдан жылға артып келеді. Мәселен, былтырғы жылы облыс бойынша 12 бала қант диабетімен сырқаттанса, биылғы жылдың төрт айында осы кеселмен науқастанған балалардың саны 10-ды құрап отыр.

Дәрігерлер қауымы биыл науқастанған балалардың басым көпшілігі 7-8 жаста,- дейді. Ағза бөле алмаған инсулинді екпе немесе помпы арқылы ем-дом қабылдаудың арқасында өмір сүруге болады. Инсулин тапшылығына шалдыққан балалар педиатрдың үнемі қадағалауында болып, ай сайын эндокринолог дәрігерге барып көрінеді. Қант диабетіне шалдыққан бүлдіршіндер алты сайын стационарлық ем қабылдаулары шарт.

Қазіргі таңда, Батыс Қазақстан облысы бойынша 100 бала қант диабетімен науқастанған. Олардың 54і помбо арқылы ем дом қабылдап отырған бүлдіршіндер.

БҚО-да қант диабетіне шалдыққан балалардың ата-аналары денсаулық сақтау басқармасына наразылығын білдірді. Осы мақсатта ғимаратқа жиналған азаматтар дәрігерлерден инсулин бөлуді талап етті. Олардың айтуынша, инсулинге зәру балаларға осы жылдың басынан дәрі-дәрмек мүлдем бөлінбеген. Салдарынан жағдайлары күрт нашарлап кеткен науқас бүлдіршіндер тамақ ішуден қалыпты.

Денсаулық сақтау басқармасына жиылған инсулинге тәуелді 1 тип қант диабетімен ауыратын балалардың ата-аналары. Диабет балалар мен жасөспірімдерде ауыр өтуімен сипатталады және емделуге келмейді. Баланың денсаулығы мен өмірін сақтау үшін қажетті дәрі-дәрмектер 2018-жыл басынан берілмей қалған. Қазір тығырыққа тірелген жандар мұндай қажеттілікті дәріханалардан да таппай қалыпты.

Облыста 75 бала помпалық терапияны қажет қылатын көрінеді. Әдетте қантты күніне 10-15 рет өлшейді. Төменгі қант деңгейі-гипогликемия деп аталады. Осындай жағдайда бала есінен танып немесе комаға түсуі мүмкін. Бұл кезде глюкаген егілу қажет.

БҚО-да жалпы қант диабетінен жүздеген бала зардап шегіп отыр. Олардың басым бөлігі мемлекеттен көмек алуы тиіс.