14-сәуір халықаралық донор күні. Осы атаулы мерекені облыстық қан орталағында атап өтті. Шара барасында қан тапсырушыларға арнап мерекелік концерт ұйымдастырылып, дәмге толы ақ дастархан жайылды.

Донорлық қан көптеген адамның өмірін аман алып қала алады. Жазатайым оқиға кезінде зардап шеккендерге, босану кезінде туындаған қан кету сынды жағдайларда қорда жинақталған қан мөлшері көмекке болады. 14-сәуір халықаралық донор күні қарсаңында Облыстық қан орталығының дәрігерлері қан тапсырушы жандарға арнап мерекелік шара ұйымдастырып, алғыстарын білдірді. Донор болып 18 бен 80 жас аралығындағы кез келген дені сау адам қан тапсыра алады. Соңғы жылдары қанды ерікті түрде тапсыратындардың саны артып келеді. Себебі олар денесінен алынатын 450 миллилитр қанның хал үстінде жатқан адамға қажеттілігі мол екенін жақсы түсінеді. Біздің өңірде де тұрақты түрде қан доноры болатын жандар аз емес. Солардың бірі Болат Давлеткалиев. Ол осы уақытқа дейін 168 рет қан тапсырған. Қан доноры - өз қанын өзгеге ұсына отырып, өлім аузындағы адамға өмір сыйлайтын жан. Дүниежүзілік Денсаулық Сақтау ұйымының мәліметіне сүйенсек, жыл сайын әлем бойынша шамамен 118,5 миллион қан донациясы жиналады.

Қазіргі таңда облыстық қан орталығында қан мен плазма жеткілікті. Бұл туралы орталықтың мамандары мәлімдеді. Дәрігерлер жыл өткен сайын қан тапсырып, өзгенің өмірін өлімнен аралашауға ат салысатын жандардың саны көбейіп келе жатқанын айтады. Мәселен, өткен жылы он мыңнан астам донор қан тапсырған. Мамандар былтыр сегіз мың қан мен плазманы жинап алғандарын айтады. Қазіргі таңда барлық медициналық мекемелердің тапсырыстары уақытылы орындалып отыр.

Сурет https://ya-doma.ru/ сайтынан жүктелді.

Орал қаласының Жамбыл көшесінде орналасқан Халыққа қызмет көрсету орталығының бөліміне қан орталығы мамандарының көшпелі бригадасы арнайы келді. Мұндағы мақсат - ХҚКО -ның жұмыс үдерсіне кедергі жасамау. Игі бастама аясында 50 қызметкер қан тапсырып, 25 литр қан "Қан орталығына" жөнелтілді.

ҚР-ның Сыбайлас жемқорлыққа қарсы іс-қимыл агенттігінің БҚО бойынша депарамтенті қызметкерлерінің баршасы таңмен қан орталығына келіп, қан тапсыруда. Игі шара аясында 18 жыл төңірегінде 15 литр қан берген Біржан Хайруллин, қан тапсыру алдында толқып тұрған әріптестерін сабырға шақырып, қан тапсырудың қайырымды іс болумен қатар, адам денсаулығына тигізер пайдасын да сөз етті.

Қайырым­дылық шарасы қанның қатерлі дертіне шалдыққан және төтенше жағдайлар мен апатты оқиғалар болған кезде, медициналық мекемелерде қан тапшылығының алдын алуға бағыттылып отыр. Түптеп келгенде, ұзақ жасалатын оталардың барлығына әрбір қан тамшысының қымбат екені мәлім.Ізгі бастамаға ниетті аталмыш департамент қызметкерлері қан тапсыруды әуелден дәстүрге айналдырып келеді.

Сала мамандары атап өткендей, облыстық қан орталығындағы қан қоры жеткілішті көрінеді. Қан орталығы заманауи медициналық жабдықтармен жарақталып отыр, донорлық қанның компоненттерін дайындау және зерттеу жұмыстарында жаңашыл әдістер қолданылып келеді. Мәселен, дайын қан өнімдерін жіберу мен карантин бөлімі донорлардан алынған қан сарысулары 4 пен 6 ай көлемінде сақталып, толық зерттеуден өткеннен соң, плазмаларға құюға жіберіледі. Мұндай ұзақ мерзімді тексеріс - адам денсаулығының қауіпсіздігіне арналып отыр.

Акция аясына үн қосқан мекеме қызметкерлері, еліміздегі науқасқа шалдыққан азаматарға көмек көрсеткені белгілі.