Байқауға Қазақстанның әр өңірінен 6 жоба ұсынылған. Нәтижесінде алматылық сәулетші Қасиет Тәшімбетовтың жобасы мақұлданды. БҚО-ның және Орал орталық мешітінің бас имамы Бақытжан Сабырәлиев дәл осы жоба барлық талапқа сай келетінін жеткізді. Ал өзге ұсынылған жобалар 500-700 орынға лайықтап жасалғанын айтып өтті. Қазіргі таңда қаладағы мешіттерде жұма намазында жамағаттың көп жиналуы орын тапшылығын тудырады екен. Бас имам жаңадан құрылысы басталатын мешіт тұрғындарымыз үшін ыңғайлы болатынын жеткізді. Мешіт құрылысына демеушілер мен инвесторларды тарту көзделген. Бұдан бөлек, мешіт аумағында 100-150 адамға арналған шатырлы алаң, шағын бақ, 500 орынға арналған автотұрақ салу қарастырылған.

Тәжиден Батырұлы атындағы Орал қалалық мешіт Қасиетті Рамазан айынында қайырымдылық шарасын ұйымдастырды. Шара барысында 100-ден астам отбасыға азық-түлік тауарлары табысталған болатын. Облыстың бас имамы мұның баршасы 30 күн бойы Алланың разылығы үшін ораза ұстаған жандар мен мешіт қызметкерлері және имамдарының берген пітір садақасы мұқтаж жандарға табысталып жатыр,-дейді. Қасиетті айда қалалық мешіт 200-ден астам отбасыға қолдау көрсеткен. Еліміздің түпкір-түпкірінде тағдырдың түрлі сынына тап болған жандарды қолдау мақсатында түрлі қайырылымдылық шарасы ұйымдастырылып келді. Ертең 5-ші маусым күні таңғы 6 жарымда оқылған намаздан соң, ораза айт басталады.