Жайдарман ойыны әлеуметтік желі арқылы тікелей эфирде көрсетілді. Ал біздер сапалы ойынды сахна алдында отырып тамашаладық. Ойынға шаһарымыздағы жоғары және арнайы оқу орындарының студенттерінен құралған 9 жайдарман тобы қатысты. Жүлдеге қала кубогі тігілген болатын. Барлық топтыңтың дайындықпен келгені көрініп тұр. Әдемі әзілмен қоғамда көрініс тапқан астарлы проблемаларды жеткізе білді. Басты мақсат жастардың басын қосып, жас жайдарманшыларды шыңдау дейді шараны ұйымдастырушылар.
Сайыс нәтижесінде үшінші орынға «Космос» құрамасы лайық деп танылса, екінші орынға М.Өтемісов атындағы БҚУ атынан келген «Белес» құрамасы тұрақтады. Ал қала күніне арналға студенттер арасындағы жайдарман фестиваліне жолдаманы "Жаңа толқын" тобы иеленді. Ойын барысында "Үздік ойыншы" аталымы Ақжайық ауданы колледжінен келген "Ампер" жайдарман тобының мүшесі Ғимран Ерсұлтанға бұйырды. Ең бастысы арамыздағы достық арта түседі дейді жайдарманшылар.
Шара соңында фестивалге қатысқан барлық топ алғыс хатпен марапатталып, жеңімпаздарға бағалы сыйлықтар табысталды.

Мерекелік жиында "Орал - екі әлем бөлігі, Еуропа мен Азияның нақ түйіскен жерінде орналасқан кең байтақ жеріміздің батысындағы көне тарихы бай қалалардың бірі", - деп сөзін бастаған шаһар басшысы Абат Шыныбеков, бүгінде Орал 300 мыңдай тұрғынның құтты қонысы екендігін атап өтті.

Орал мен Атырау - Еділ мен Жайықтың тамырлас қалалары. Мәдениеті мен өркениеті, экономикасы мен әлеуеті қатар дамып келе жатырған екі қаланы жылдар бойғы қарым-қатынас пен әріптестік байланыстырып келеді. Осы орайда, шаһарымызға арнайы келген Атырау қаласының әкімі Әлимұхаммед Құттымұратұлы, шаһар басшысына көршілес қала атынан сый-сияпатын арнады.

Шара аясында Ақтау қаласы мен көршілес РФ-нан келген өкілдер де өз құттықтауларын арнады. Қонақтар құрметіне мерекелік концерт ұсынылды.

Қала күніне орай Зашаған кентінде жөндеуден өткен кітапхана өз жұмысын бастады. Күн өткен сайын халқы көбейіп келе жатқан ауданда орналасқан мәдениет ошағы коворкинг орталығының қызметінде қатар алып жүрмек.

Қала күні қарсаңында Зашаған кентіндегі ескі кітапхана күрделі жөндеуден өтіп, оқырмандарға табысталды. Жөндеу көрген жаңа нысан енді кітапхана мен жастарға арналған коворкинг орталықтың қызметін бірге алып жүрмек.

Өткен ғасырдың сексенінші жылдарынан бастап жұмыс жасап келе жатқан руханият ошағы бүгінде 4000 оқырманға қызмет жасайды. Жаңарған ғимарат заман талабына сәйкес, қажетті техникамен жабдықталған.

Соңғы жылдары қарқынды дамып, тұрғындар саны артып келе жатқан кентте орналасқан кітапхананы жөндеу үшін 7 млн теңге қаражат бөлінген.

Орал қаласы бойынша орталықтандырылған 19 кітапхана жұмыс жасайды. Қазіргі таңда олардың 4 мәдениет ошағына жөндеу қажет.

Қала күніне арналған негізгі мерекелік шаралар 7-қыркүйекте өтіп, Петр Атоян атындағы стадионда гала концертпен қорытындыланбақ.

Биыл қала күні дәстүрлі от шашусыз тойланбақ. Бұл туралы шаһар басшысының орынбасары Бақытжан Нарымбетов мәлімдеді. От шашудан үнемделген қаражат Зашаған кентінде орналасқан №5 қалалық кітапхананың жөнделуіне жұмсалған.

Биыл қала күні бір апта бойына тойланады. Мерекелік іс-шаралар үшінші қырқүйектен басталады. Оралдықтарға арналған мерекелік шаралар үшін бюджеттен 9 млн теңге қаражат бөлініпті. Сондай-ақ, шаһардың туған күнін ұйымдастыру үшін демеушілер де 9 млн теңгедей қаражат жинап берген.

Қала күнін тойлауда ерекшелік көп. Мәселен, биыл алғаш рет "Жайықтың би әлемі" атты облыстық сайыс ұйымдастырылмақ. Бишілердің өнерін 5-ші қыркүйекте амфитеатрдан тамашалауға болады. Сондай-ақ, оралдықтар мен шаһар қонақтары бір апта бойы түрлі мәдени кештер мен фестивальдарды тамашалай алады.

Негізгі мерекелік шара 7-қыркүйек күні  таңғы тоғыздан басталмақ. Абай атындағы арбаттан басталған шара Петр Атоян атындағы стадионда мерекелік концертпен қорытындыланады. Сондай-ақ, қала күнінде Исатай мен Махамбетке арналған ескерткіші ашылып, жөндеу көрген кітапхана қолданысқа берілмек.

Жартылай марафон қала күніне орай ұйымдастырылған шараның бірі. Жүлде қоры 2 жарым миллион теңгені құрайтын шара қайырымыдылық мақсатында алғашқы рет ұйымдастырылып отыр. Бірнеше дистанция бойынша марафонға қатысу ақылы түрде болмақ. Түскен қаражат Ару есімді кішкентай қыздың еміне жұмсалады. Ең ұзағы 21, 5 шақырым дистанцияға жүгіру. Осы себепті қаланың кей жолдарында таңғы сағат 8 ден түскі 12ге дейінгі уақытта көлік қозғалысы шектеледі.

Барлық қоғамдық көліктер Құрманғазы көшесі мен Ихсанов көшесінің бойымен жүреді. Бұл бағытта ІІДне дейін және Мұхит көшесінің бойында бір бағыттағы қозғалыс қарастырылған. Бұдан өзге де қалада ауқымды шаралар жалғасады. Күй атасы Құрманғазы Сағырбайұылының 100 жылдығына орай "Ұлы дала мұрасы" республикалық домбырашылар байқауы және тәжірибелік конференция ұйымдастырылмақ. Сондай-ақ 1500 адамның қатысымен бір мезетте күй орындалады.

Акцияға қатысам деушілерге шектеу қойылмайды. Бұл күні қала күмбірлеген күйдің әуеніне бөленеді деп күтілуде.

Оралдықтар, сүйікті шаһарының туған күнін сенбі күні таңертеңнен тойлауды бастады. Халық арасында "Арбат" деген атауға ие болған, Дина Нұрпейісова атындағы көшеде қалалық білім беру ұйымдарының ұйымдастырған гүлдер фестивалі барша оралдықтардың көңілінен шыға білгендей. Мекеменің қызметкерлері түрлі тақырыпта жасаған бұйымдарын таныстырып, оның тарихын баяндап жатты.

Қала күнін тойлау барысында татарлардың "Сабантой" мерекесі де тойланды. Мыңдаған тұрғынның көңілінен шыққан "Тұңғыш президент" атындағы алаңда олардың ұлттық тағамдары мен қолөнер көрмесі қойылды.
Қала күніне арналған басты мерекелік шара Петр Атоян атындағы алаңда ұйымдастырылған еді. Концерт тізгінін белгілі актер, жүргізуші Тәуекел Мүслім ұстады. Мерекелік кеш барысында эстрада әншілері Айдана Меденова мен Олжас Абай оралдықтарға тамаша көңіл-күй сыйлай білді.

Мерекелік кештің нүктесі керемет от шашумен аяқталды!

Орал деп аталатын шаһар - бүгінде 300 мыңдай тұрғынның құтты қонысы. Соңғы онжылдықта қала аумағы бірнеше есеге ұлғайып, сәулеті келісті ғимараттар бой көтерді. Жаңа алаңдар мен мәдениет ошақтары, спорт кешендері салынды. Өзге де жетістіктер жеткілікті. Археолог ғалымдар көне шаһардың түп-тарихын сонау Алтын Орда кезеңімен байланыстырады. Жылдағы дәстүр бойынша қала күні биыл да апта бойы тойлануда.Мәселен, қоныс тойын тойлаған тұрғындардың қуаныштарында шек жоқ. Игілікті шаралар әлі де жалғасын табатын болады. Осы орайда тілшілеріміз көне шаһарымыздың мекендеушілерімен тілдесіп жан сарайларын ашуға тырысты.

Дәл қазір қаланың ескі арбат аталатын бөлігінде ақшаңқан киіз үйлер тігіліп шеберлер көрмесі өтіп жатыр. Сан түрлі ұлт пен ұлыстың ортақ мекені, құтты қонысына айналған көне Орал шаһары өзінің туған күнін осындай шаралармен айшықтауда.

Бұл тек қала күнін тойлау шарасының бір сыпырасы ғана, әлі де болса тұрғындардың күзбен бірге сағына қарсы алатын меркесінің қызықтары сан алуан. Орайын тауып оралдықтарды сөзге тарту барысында Европа мен Азияның алтын тұтқасына айналған сүйікті қаламыздың сәулеті мен дәулеті келісе түскеніне көзіміз тағы да жетті.

Күн сайын аспан астында Ақжайық аспанын күй күмбірі кернеп, дәстүрлі әншілер шырқаған әсем әндер тыңдарманның құлақ құрышын қандыруда. Ал 8-ші қыркүйек күні орталық стадионда эстрада жұлдыздарының қатысуымен өтетін мерекелік концерттің жас пен кәріге бірдей тамаша көңіл-күй сыйлары анық.

Бүгін "Мемлекеттік-жекеменшік әріптестік" аясында, Деповская көшесінде алты қабатты 132 пәтерлі тұрғын үй қолданылуға берілді. Осылайша бірнеше жылдан бері Қазақстанның "Тұрғын үй құрылыс жинақ банкіне" қаржы жинаған салымшылар мен апатты үйде түрғандар қала күні қарсаңында - жаңа пәтерге ие болды.

Деповская көшесі бойындағы апатты деп танылған 2 қабатты 3 тұрғын үйдің орнына бой төтерген 6 қабатты су жаңа баспананы мемлекетпен келісімшарт бойынша «Орал Полимер» ЖШС тұрғызды. Осыдан бірнеше жыл бұрын қолға алынған мемлекеттік бағдарламаның нәтижесінде салынған үйдің игілігін енді халық көреді.

Аталмыш баспананың құрылыс жұмыстары 2017 жылы басталып, екі жылда осындай зәулім тұрғын үй бой түзеді. Айта кеткен жөн, қалған 100 пәтер «Президенттің бес әлеуметтік бастамасы» үндеуінде айтылған «7-20-25» ипотекалық бағдарламасы аясында тұрғындар игілігіне беріліп отыр. Қалалықтардың қуанышын бөлісуге келген облыс әкімінің орынбасары Бағдат Азбаев өңірде мемлекеттік бағдарламалар жүйелі жүзеге асып келе жатқанын тілге тиек етті.

Естеріңізге сала кетейік, Оралда 200 ескі үй болса, оның 40-ы ресми түрде апатты деп танылды. Осы орайда 2015-жылдан бері мемлекеттік жеке әріптестік бағдарламасымен апатты үйлерді жою жұмыстары қолға алынуда.

НАДЕЖДА СУРОВА
ҚАЛА ТҰРҒЫНЫ
Бүгін біздің қуанышымызда шек жоқ. Осы кезге дейін баспанамыз апатты деп танылып, өмірімізге қауіп төнгеннен соң, біз мемлекеттің қарауындағы баспананы паналап едік. Міне енді қала күні қарсаңында өз үйімізге қолымыз жетіп, кілтін алып отырмыз. Шыны керек, екі жылдан бері қорқыныштың болғаны жасырын емес. Өйткені үйіміз әне беріледі міне беріледі деп созбалаңға салынып еді. Қала күні қарсаңында тосын сый болды десе де болады. Енді осындай заманға талапқа сай жаңа бой көтерген үйде тұратын боламыз. Қуаныш көп болсын.

Соңғы бес жыл ішінде 14 апатты үй бұзылса, бұл Оралдағы "Мемлекеттік-жекеменшік әріптестік" аясында тапсырылған екінші үй.

Орал шаһарында осымен екінші мәрте "Жайық сазы" дәстүрлі ән фестивалі өтті. Аталмыш шара Елбасының "Болашаққа бағдар: "Рухани жаңғыру" бағдарламасының және қала күні қарсаңында ұйымдастырылды. Ән фестиваліне ат артып келген қатысушылар елдің түкпір-түкпірінен келген болатын.

Былтырғы жылы ұйымдастырылған облыс көлеміндегі ән фестивалі қала тұрғындарының көңілінен шыға білді. Өткен жылы Ақжайық жұртшылығына тамаша тарту жасаған өнер иелері биылғы жылы фестивальға қатысқан жандардың өнеріне баға беріп, ақыл кеңестерін айтып отырды. Сахнаға шыққан әрбір өнерпаз дәстүрлі әндерді нақышына келтіріп орындап, күйшілердің баршасы домбыраның құлағында ойнады.

Шара ұйымдастырушылары "Жайық сазы" дәстүрлі ән фестивалін келешекте ұйымдастыруды көздеп отыр.

Оралдықтардың сүйікті мекеніне айналған Дина Нұрпейісова көшесі құдды кешегі қазақ ауылының кейпіне енгендей әсер қалдырады. Бұл жерге киіз үй тігіп, шеберлер тырнақ алды туындыларын бұқара таныстырып жатты. Осылайша Оралдықтар қала күнін тойлауды бастады.

"ОРАЛ - ШЕБЕРЛЕР ҚАЛАСЫ 2018" атты көрме алдымен өнер иелері даярлаған концерттік бағдарлама басталып, Оралдықтарға тарту жасады.

Көрмеге туындыларын қойған өнер иелері бұқара халықтың қызығушылығын атап өтті. Бұндай шаралар шеберлер үшін керек екендігін тілге тиек еткен болатын.

Шеберлердің қолынан шыққан туындылардың көрмесі сегізінші қыркүйекке дейін жалғаспақ.