БҚО - да осымен төртінші мәрте жолда қабылдау акциясы өтті.ҚР ІІМ бұйрығына сәйкес полицейлер халықты барлық сұрқтары бойынша қабылдады.Бұл жолғы акцияның ерекшелігі учаскелік полицейлер көп қабатты үйлердің аулаларында тұрғындарды қабылдады.Полицияның халыққа ашықтығын қамтамассыз ету мақсатында ұйымдастырылған акцияны арна тілшісі көріп қайтты.Бұл жолғы қабылдау басқалардан өзгеше.Бүгін БҚО бойынша жолда қабылдау акцияларына учаскелік полицейлер қосылып отыр.Халықтың арасында етене жақын жұмыс жасайтын учаскелік полицейлер көп қабатты үйлердің алдында тұрғындарды қабылдап, өтініш - тілектерін тыңдады.Бүгінде Орал қаласы бойынша 24 учаскелік полиция бөлімшесі бар. Ал қала тұрғындарына барлығы 84 учаскелік полиция қызмет көрсетеді.Бүгін қабылдауға келген тұрғындар негізінен көп қабатты үйлердің ауласында заңсыз машина қоятындарға, үйлердің алдында заңсыз сауда жүргізетіндерге , түнгі уақытта айқай - шу көтеретіндерге шағымдана келіпті.Қаладағы тәртіппен тыныштыққа жауапты учаскелік полицейлерге салмақ та жоқ емес.
Жолда қабылдау акциясы адамдар көп шоғырланатын аймақтарда ұйымдастырылып отыр.Темір жол вакзалы маңы қимыл - қозғалысы көп орындардың бірі. Бұл жерге келгендердің көбі көлік қозғалысына қатысты, айыппұл мәселесін қозғай келген.Әсіресе тұрғындарды айыппұлдар мәселесі толғандырады.
Халықпен кездескен полиция өкілдері мұндай қабылдаулар халықпен полицей аралығын жақындастыра түседі, барлық сұрақтар дереу шешім табуға ықпал етеді дейді.

БҚО - да дәстүрлі республикалық жолда қабылдау акциясы басталды. Маусым айының 14-15 күндері БҚО полицейлері облыс бойынша тұрғындарды барлық сұрақтары бойынша қабылдайды. Республикалық жолда қабылдау акциясы ІІМ бұйрығына сәйкес өтеді. Осымен үшінші мәрт өтіп жатырған бұл жолғы акцияның басты ерекшелігі бүгін ПД басшыларының өздері қабылдау өткізіп жатыр.ПД бастығының бірінші орынбасары Серік Суйнбаев бастап, барлық басқармалардың бастықтары өздері халықпен кездесуге келген.Әсіресе әкімшілік полиция басқармасының бастығы, жергілікті полиция қызметінің басшылығы,көші - қон басқармасының бастықтары бәрі осы жерде.Ала таңмен өз сұрағын полиция өкілдеріне қоюға келген ақсақал да осындай кездесулердің жиі өткенін қалайтынын жеткізді.
ПД ұйымдастырған бұған дейінгі екі жолда қабылдау акцияларында 500 -ге жуық адам қатысып, түрлі сұрақтарына жауап алған.Бүгін келіп жатырған адамдар негізінен жол қауіпсіздігі, әкімшілік айыппұлдар мәселесі, көші - қон талаптарына қатысты сұрақтарымен келген.Бұл акцияның мақсаты полициямен халықтың арасын жақындастыру, қарапайым халық полиция өкілдеріне, әсіресе басшыларына өз сұрақтарын қоюға,кездесуге келуге мүмкіндік жасау.
Жолда қабылдау акциясы бүгін және ертең кешке дейін жүретін болады, полиция өкілдері адамдардың барлық сұрақтарына жауап беруге дайын екендіктерін жеткізді.