Оралда ұйымдастырылып, 500 ден астам кәсіпкердің басын қосқан Инвестициялық форум мұнайгаз мәселелерін талқылаумен жалғасын тапты. 6 миллиард теңге инвестиция әкелген жұмыстардан күтер нәтиже әлі де көп. Облыстың мұнайгаз саласы кәсіпорындарының әлеуеті де мол. Форум аясында олар шетелдік кәсіп иелерімен кездесіп, екіжақты тиімді келісімдерге келуде. Жиында сөз алған «PSA» ЖШС бас директоры Мұрат Жүребековтың айтуынша, отандық өндірушілердің тауарларының сапасы ақсап тұр. Бұған қоса, олардың барлығында бірдей тиісті құжаттар мен халықаралық талаптарға сәйкес келетін сертификаттары да бола бермейді. Осылайша, ірі операторлар жергілікті тауарлардың сапасының төмендігі себебінен шетелдік тауарларды сатып алуға қайта мәжбүр болады-мыс.

Оралда жаңадан заманауи жылыжай салынбақ. 3 жарым миллиардқа бағаланатын кешен инвесторлық келісімшарт негізінде қолға алынады. Бұған қоса, таяуда қаладағы халықаралық әуежай да жаңартылатын болады. Бұның барлығы да «УЕСТ КАЗ ИНВЕСТ 2017» Төртінші халықаралық инвестициялық форум жұмысының жемісі. Жергілікті кәсіпкерлердің жан-жақты әлеуетін көрсетіп, тиімді серіктестікке жол ашқан форум жөнінде толығырақ сюжеттен білсек