Облыс әкімі Орал қаласындағы кірпіш зауытының жағдайымен танысты. Өткен ғасырда қызметін бастаған өндіріс ошағында бүгінде 40-ге жуық маман еңбектенуде. Құрылыс материалдарын шығаратын кәсіпорын жылына 50 млн. кірпіш өндіріп отыр. Кірпіш зауыты модернизация жасап, өндірісті көбейтуді жоспарлауда.

Бұл- кірпіш зауыты. Аталмыш кәсіпорын қызметін ХХ ғасырда бастады. Бүгінде жылына 50 млн. дана кірпіш өндіріп, сұранысқа ие құрылыс материалын жасауда. Осы зауытта 400-ге жуық маман қызмет жасайды. Кәсіпорын өкілдері модернизацияға мән беріп, өндіретін өнімнің сапасын көтеріп, санын арттыру үшін білек сыбана жұмыстанбақ. Келер жылы зауыт жаңадан пештер мен құрылғыларды қоспақ. Бұл өз кезегінде өндірілетін кірпіштің көлемін арттырады. Десек те кәсіпорын алдағы жылы газдың жетіспеушілігінен зардап шекпек. Компания өкілдері көгілдір отынды тасымалдайтын мекемеге арнайы 13-14 млн текше метр газ алуға тапсырыс беріпті. Бірақ монополист компания небәрі 6,7 текше метр көгілдір отын береміз деп жауап қатқан.

Газдың жетіспеушілігі салдарынан облыста салынып жатқан құрылыс тоқтап қалуы мүмкін. Себебі кәсіпорын өнімінің 95 пайызын жергілікті құрылыс компаниялары сатып алады. Өндіріс ауқымы азайса, жұмысшыларды да қысқартуға тура келеді. Осы проблеманы зауыт басшылығы аймақ басшысына жеткізді.

Газ жеткілікті болса өндіріс ошағы кірпіштің санын көбейтеміз,- дейді.