Оралдағы №33 ЖББОМ жаңа оқу жылында пайдалануға берілетін болады. Бұл туралы облыстық құрылыс басқармасының мамандары мәлімдеді. Қазір нысан құрылысының 70 пайызы аяқталған.Мазяр шәкірттері бірінші таймның 30 минутында есеп ашты. Ресейлік шабуылшы Дмитрий Мичуренков 11 метрлік айып добын қарсылас қақпасына дөп түсірді. Екінші кезеңнің 69-минутында ресейлік Евгений Козлов орындаған айып добынан кейін оралдық қорғаушы Мейрам Сапанов баспен соққы жасай білді. Есеп 2:0. Екі минуттан кейін сол қапталдан Козловтан пас алған Қазақстан жастар құрамасының шабуылшысы Вячеслав Швырев есепті 3:0-ге жеткізді.Айта кеткен жөн Вячеслав Швыревтің бұл биылғы маусымдағы алғашқы голы. Бірінші айналымда тараздықтар өз алаңында 1:0 есебімен жерлестерімізді ұтқан еді.Оралдықтар биылғы маусымда алғаш рет ірі есеппен жеңіске жетіп, артығымен қарымта қайырды. Оралдықтар келесі кездесуін 2 шілде күні Ақтөбеде жергілікті клубпен өткізеді.

Оралда футболдан жасөспірімдер арасында турнир басталды. «Ақжайық» стадионында өтіп жатқан жарысқа 14 жасқа дейінгі 100-ге жуық аяқдопшы қатысуда.Турнирге көршілес облыстардан бірнеше команда қатысып отыр. Ойында жалпы саны 9 команда өнер көрсетуде. Олар 4 күн бойы мықтылықтарын көрсететін болады. Турнирдің жүлде қоры да қомақты. Ұйымдастырушылар үздік шабуылшыдан бастап, әділ төрешіге дейін арнайы номинациялар белгілеп отыр.Атап өтейік, турнирдің мақсаты - жергілікті жеткіншектерге қолдау көрсетіп, тәжірибе алмасу. Батыс өңірлік командалар арасындағы жарыс маусым айының соңына дейін жалғасады. Осыдан кейін жасөспірімдер арасындағы жарыс Ақтөбе қаласында өтеді деп жоспарлануда. Ал Оралдағы турнир ертең мәресіне жетеді.

"Ақжайық" ФК сенбіде көршілес Ақтөбе командасын қабылдап жеңіске жетті. Ауа райының қолайсыздығына қарамастан жерлестеріміз намысты қолдан бермеді. Футболдан Қазақстан кубогі үшін өткен ойында 14 сәуір күні бірінші лигада ойнайтын Оралдың «Ақжайығы» премьер-лигадағы мықты командалардың бірі- «Ақтөбені» өз алаңында қабылдады. Ойын басталысымен қарсыластар қақпасының құлпы да ашылып үлгірді. Гол авторы - Иван Антипов.Бұл жолы бас бапкер - Владимир Мазяр шәкірттері ойын тактикасын өзгертті. Қос қапталда қорғаныс күшті болды. Нәтижесі айқын, Ақтөбеліктердің бірнеше гол соғуға мүмкіндігі болғанымен қарсылас қақпасынан саңылау таппады.«Ақжайық» енді 28 сәуірде сырт алаңда «Астанамен» кездеседі.

Өз алаңында Атыраулық команданы қабылдаған Ақжайық клубы қарсыластарын жеңіп, командаға алғашқы жеңісті сыйлады. Премьер лиганың алғашқы ойынын жеңіспен бастаған футболшыларымыз алдағы кездесулерде де намысты қолдан бермеуге тырысамыз дейді. Премьер-лиганың алғашқы ойынында Қостанайдың "Тобылына" есе жіберген жерлестеріміз өз алаңында Атыраулық командамен кездесті. Екі жылдық үзілістен кейін кіл мықтылардың ішінен ең мықтылары анықталатын тартысты дода эпидемиологиялық ахуалға байланысты жанкүйерлерсіз өтті. Дегенмен футбол десе делебесі қозатын жанкүйерлер алаң сыртында жүріп-ақ, сүйікті командаларына қолдау білдірді. Осылайша 1:0 есебімен Атыраулықтар "Ақжайыққа" есе жіберді.
КТМ: Негізінен қарсыластардың жерлестерімізді жеңуге мүмкіндіктері болды. Бірнеше мәрте Ақжайықтық футболистердің командасынан саңылау іздеген Атыраулықтар шабуылы есепті теңестіре де, еселей де алмады. Команда жаттықтырушысы болса, бұл жеңісті жалғастыруға барынша күш салатындарын жеткізді.Сөйтіп, "Ақжайық" командасы кестеде 6-шы орынға табан тіреді. Келесі ойын 4-ші сәуірде қонақтарда. Бұл жолғы қарсылас Шымкенттің "Ордабасы" командасы

Өткен демалыс күндері "Ақжайық" футбол құрама командасы Алматылық "Қайрат- жастарымен" кездесті. Ойын оңтүстік астанада ұйымдастырған болатын. Тартыс дода Ақжайықтың жеңісімен аяқталды. Есеп үш те бір. Бірінші тайм барысында оралдық Павинич есеп ашып, кейін, Рустемов пен Мелло жеңісті еселей түсті. Қазіргі таңда "Ақжайық" құрамасы турнир кестесінде 4 орында тұр. Оралдық аяқ допшылар премьер-лигада өнер көрсетуі үшін соңғы ойындарда жеңіске жетуі керек. Ақжайықтың келесі ойыны үшінші қарада Петр Атоян атындағы стадионда Елорданың "Астанасымен" кездеспек.

Бірінші лиганың 12 туры Қызылордалық "Байқоңыр" мен "Ақжайықты" жасыл алаңда тоғыстырды. Осыған дейінгі үш матчта жеңіске жеткен "Байқоңыр" төртінші матчта қонақтарға есе жіберіп, өз алаңдарында ойсырай жеңіліске жетті. Алаң иелері  жеңіс тұғырынан көрінуге  ниетті болған. Бірақ, "Ақжайық" ойыншылары алаң иелерінің бұл ойымен келіспеді. Алдымен бірінші таймның 8-минутында Сергей Басов есеп ашса, 25-минутта Ерболат Рүстемов "Ақжайық" сапындағы алғашқы голын соғып, есепті 0-2 жеткізді. Екі гол айырмасымен алға шыққан "Ақжайық" екінші таймды қорғаныста өткізді."Байқоңыр" ойыншылары есеп ашуға қанша тырысса да, оралдықтар қорғанысы сыр бермеді.Қорытынды есеп 0-2, "Ақжайық" кезекті 3 ұпайын еншіледі.
Жергілікті  аяқ доп шеберлері турнир кестесінің 5-ші орынында тұр. Алдағы ойын 6-ші шілде күні "Қайсар жастар" командасымен өтетін болады.

Орал қаласында 2006 жылғы балалар арасында Қазақстан Чемпионаты басталды. Ақжайық өлкесінде ел біріншілігінің бірінші кезеңі өтуде. Сайыстың қорытындысы тамыз айында белгілі болмақ.

Жас спортшыларды тәрбиелейтін мамандар өңірімізде футболға деген қызығушылық жоғары деседі. Қазіргі таңда спортпен өмірін байланыстырып, келешекте ел намысын қорғауды мақсат тұтқан 700 бүлдіршін орталықта дайындалып жатыр. Олар түрлі додада бақ сынап, шеберліктерін шыңдауда.

Кеше Тараз бен Оқжетпес командалары тартысты ойнап, жеңісті Тараздың тарландары қанжығалаған болатын. Сайыстың екінші күнінде Көкшетаудың Оқжетпесі Семейдің аяқ допшыларымен кездесті.

Облыс орталығындағы 2006 жылғы жасөспірімдер арасындағы сайыстың бірінші кезеңі 28-ші сәуірде қорытындыланбақ.

 "Ақжайық" пен "Ақтөбе-Жас" арасындағы Қазақстан чемпионаты бірінші лигасының 3-тур ойынын Ақсай қаласындағы "Қарашығанақ" спорт кешенінің алаңында өтті. Жергілікті аяқ доп шеберлері қарсыластарын шаң қаптырып жеңіс тұғырынан көрінді.  Есеп 2:0 жерлестер өз алаңында жеңіске жетті және қарсыластар қақпасына енген 2 доп та жанкүйерлердің айызын қандырды. Бұған дейін тыста ойын өрнегін көрсеткен аяқ доп шеберлері қарсыластарының қақпасынан саңылау  таппай биылғы чемпионттың қос ойынында сәтсіздікке бой берген еді. Ойын басталған сәттен Ақжайықтықтар белсенді шабуылға көшті. Осылайша 11 минутта  Даниел Кочнив  "Ақтөбе-Жас" командасының қақпасын  нысанаға алды.  Сәтті шабуыл нәтижесінде зырлап ұшқан теңбіл доп жібек тордан бір-ақ шықты. Есеп — 1:0. Бұдан соң  Ақтөбелік футболшылар қаншама әрекеттенгендерімен бірінші таймда  жерлестеріміздің тас түйін қорғанысына қарсы ештеңе ойлап таба алмады. Тіпті олар тағы бір гол өткізіп үлгерді.  Бұл ойынның 88 минуты еді. Гол авторы - Арман Смайлов. Келесі ойын сәуірдің 28-ші жұлдызынада тыста өтеді. Жерлестерге сәттілік.

Сергей Зайцев,
"Ақжайық" фк бас бапкері:
- Демалыстан кейін бас қосқан команда алғашқы жиынын аяқтады. Меніңше біз өте үлкен жұмыс атқардық. Әсіресе, жеке жаттығулар өз әсерін береді деген ойдамын. Ойыншылардың командаға үйренісіп, физикалық күшін қалпына келтіру сияқты ойға алған жоспарларымыз түгелімен орындалды. жаңа ойыншылар келді. Әзірге команда алпыс пайызға жасақталды деуге болады. Алдағы күндері тағы бірнеше ойыншы келеді. Өте қиынға соққан алғашқы жиынның бар ауырытпашылығын көтерген жігіттерге алғыстан басқа айтарым жоқ. Кейбір жас ойыншылар алғаш рет толыққанды жиынға келгеніне қарамастан, барлық сынға төзе білді.