Орал қаласында орналасқан РУ 170/3 түзету мекемесінде азаматтарды қабылдайтын арнайы "Фронт кеңсе" ашылды. Ертеректе, істі болған жандардың тума-туысқандары түрлі сауалдарын түрме бастығына жолдап, түйіткілді мәселесін шешу үшін талай табалдырықты тоздырып, уақытын жоғалтып, жүйке жүйесін біраз тоздыратын еді. Министрлік өкілдері аталмыш мәселені шешу үшін еліміздің аумағында арнайы азаматтарды қабылдайтын кеңселерді ашып, сотталғандардың туыстары жолдаған сұрақтарына уақытылы жауап алу мақсатта аталмыш жаңашылдықты енгізіп отыр. Түрмедегі "фронт офис" дүйсенбіден жұмаға дейін жұмыс жасайды. Қазіргі таңда аса ауыр қылмысқа барған қылмыскерлерге арналған түрмеде 600-ден астам сотталған жазасын өтеуде. Сала мамандары Батыс өңірінде аса ауыр қылмысқа барған азаматтарға арналған екі түрме болғандықтан, сотталғандардың саны үнемі 600-ді құрайтындығын айтады.