Орал қаласында 1-маусым балалар күні қарсаңында "Біз бақытты баламыз, еркелеген" атты балалар фестивалі өтті. Балаларға арналған фестиваль Тұңғыш президент алаңында ұйымдастырылды. Мерекелік іс-шараға 1500 бала мен ата-ана және ұстаздар қатысты.

Шаһарда 1-маусым балаларды қорғау күніне орай ауқымды фестиваль өтті. Тұңғыш президент алаңында ұйымдастырылған іс-шара "Біз бақытты баламыз, еркелеген" деген атауға ие. Алаңға облыс орталығында орналасқан 50 мектептің белсенді оқушылары жиналды.

Мерекелік іс-шарада түрлі тақырыптық алаңдар ұйымдастырылды. Соның бірі-"Зерде" деп аталады. Бұл -қала мектептерінің өскелең ұрпаққа экологиялық тәрбие беру мақсатында бас қосқан ұйымы. №26 мектептің директоры өзі басқарып отырған білім беру ошағында оқушылардың жануарларға деген жанашырлығын оятып, экологиялық тәрбие беру үшін жұмыс істеп жатырмыз,- дейді.

Балаларға арналған фестивальде оқушылар озық технологияның құлағында ойнап, ұлттық аспаптарды керемет меңгергенін бұқараға паш етті. Кішкентай өнерпаздар мың бұрала билеп, күміс көмей әншілер ән шырқады.

Түрлі үйірмелер мен алуан додада топ жарып жүрген оқушылар бас қосқан фестивальде баланың амандығы тақырыбына ерекше көңіл бөліпті. Мектептегі "Жас сақшы" ұйымының мүшелерін сөзге тарттық.

"Біз бақытты баламыз, еркелеген" фестивалі балалардың флешмобымен жалғасып, мерекелік концертпен аяқталды.

Жастар мәдениет үйінде "Тамыры берік салт-дәстүр" атты фестиваль өтті. Өнер иелері атадан балаға мирас болып, аға буыннан жас буынға жалғасып, ұрпақ сабақтастығын қалыптастырған салт-дәстүрлерден көрініс қойып, әннен шашу шашты.

Оралдық өнер иелері Ұлыстың ұлы күні-Наурыз мерекесіне орай арнайы фестиваль ұйымдастырды. Аталмыш шара «Тамыры берік салт-дәстүр» деген атаумен өтті. Өнер жұлдыздары көненің көзі болып, атадан балаға мирас болып қалған ата дәстүрді сахналады.

Жиында сөз алған жастар мәдениет үйінің директоры халықты Әз-наурыз мерекесімен құттықтап, ақ жарма тілегін арнады.

Шара барысында өнер иелері дүнеиеге келген сәбиді бесікке салу, қырқынан шығару, ат қою мен тұсау кесу рәсімдерінен көріністер көрсетті.

Салт-дәстүрден бөлек өнер жұлдыздары әннен шашу шашып, мың бұрала билеп, қазақтың ұлттық тағамдары қойылған дастарханнан дәм татқызды.

Облыстық білім басқармасының жоспарына сай дәстүрлі түрде өтетін білім қызметкерлері арасындағы туристтік фестиваль биыл да өз жалғасын тапты."Европа және Азия-2018" деген атау алған бұл фестиваль биыл 21-ші мәрте ұйымдастырылмақ. Негізгі мақсаты білім қызметкерлері арасында туристік-өлкетану қызметі бойынша озық тәжірибе жинақтау және насихаттау.

Фестивальға ЖОО –ның мұғалімдері, колледж, мектеп мұғалімдері, қосымша білім беру педагогтары, Орал қаласының, облыстық, республикалық және басқа аймақтардан білім беру қызметкерлері қатыса алады. Сондай жанның бірі Ақтөбе қаласының Мәртөк ауданынан келіп отырған Ислам Қайсанов.

Биылғы туризм фестивалі 22 команданы қамтып отыр. Фестиваль бағдарламасы аясында жарысқа қатысушылар кіші кросс жорығына жүгірумен қатар, спорттық ойындар және таныстырылым ретінде КТА ойындарын көрсетеді.

Айта кетейік, дәстүрлі түрде 21-ші мәрте өтіп жатырған туристік фестиваль 4 күнге созылмақ.