9 айлық Фатима көпшіліктің көмегіне мұқтаж. Кішкентай сәби сирек кездесетін жұлын бұлшықетінің атрофиясы деген сырқатқа шалдыққан. Бұл індетке құны 1 млрд. теңге болатын Американың золгенсма деген дәрісі ем болмақ. Қыруар қаржыны көпбалалы. әрі екі бірдей баласында мүгедектігі бар жас отбасы жинай алмайтыны белгілі. Олар жомарт жандардан көмек сұрайды.

Кішкентай тоғыз айлық Фатима сирек кездесетін жұлын бұлшықетінің атрофиясы деген сырқатқа шалдыққан. Дертінің емі бар. Бірақ оның құны теңгемен шаққанда 1 млрд.ты құрайды.

Қазір Фатиманың жағдайы ауыр. Түнімен өкпені жасанды желдету аппаратымен демалады.

Кішкентай Фатима дүниеге келгеннен невропотологтың есебінде тұр. Оның өмірін сақтап қалу үшін арнайы "Нусинерсон" дәрісін жергілікті бюджет есебінен сатып алуға өтініш берген. Фатиманың өмірін ұзартып, демалуын тұрақтандыратын препарат тегін дәрі-дәрмектің тізіміне енбеген.

Тоғыз айлық Фатиманың өміріне араша түсе аласыздар!. Кішкентай бүлдіршіннің ата-анасы бауыр еті баласының дерттен құлан таза айығып, жүгіріп ойнағанын көруді армандайды. Көмек қолын созам деген жандар экранда көрсетілген нөмірге қоңырау шалып, банк шоттарына ақша аудара алады..

Ауыр дертке шалдыққан бөбек Фатима Асқардың еміне қаражат жинауға жергілікті спортшылар да атсалысты. Осы мақсатта каратэшілер арасында қайырымдылық турнирі ұйымдастырылды. Жарыстан түскен қаржы түгелдей Фатиманың еміне жұмсалмақ. Алты айлық Фатима Қанатқызының жағдайы қиын. Егер тезірек дәрі қабылдамаса өмір бойына сал болып қалу қаупі бар. Ауыр дертпен арпалысқан сәбидің ата-анасының ендігі үміті - АҚШ-та ғана жасалатын екпе. Ол ем үшін 1 млрд. теңге қажет болып тұр. Кішкентай Фатиманы емдетуге жергілікті спортшылар атсалысты. Олар каратэден жасөспірімдер арасында қайырымдылық турнирін ұйымдастырды. Жиналған қаражат сырқат бүлдіршіннің еміне жұмсалатын болады. Спорттық шараға Фатиманың әкесі Қанат Асқарұлы да қатысты. Бұл көмекке тебіренген сәбидің әкесі нақты ісімен жанашырлық жәрдемін көрсеткен спортшыларға алғысын білдірді.Қайырымдылық турниріне қала бойынша алты команда қатысты. Жарысқа жергілікті кәсіпкерлер мен қалалық спорт және дене шынықтыру бөлімі қолдау көрсетті. Фатимаға өмір сыйлаймын десеңіз, экранда көрсетілген нөмірге сіз де ақша аудара аласыз.