Қазақстан аумағында синтетикалық есірткінің ең ірі көлемі (30 келіден астам) тәркіленген іс бойынша сот үкімі шықты. БҚО қылмыстық істер жөніндегі мамандандырылған ауданаралық сотында Украина азаматтары Игорь Дунаевский мен Виталий Малюкқа қатысты сот үкімі жарияланды. Сот төрағасының міндет атқарушы Бақыт Ермаханов ҚР ҚК 297-бабы 4-бөлігі (есірткі, психотроптық заттарды, сол тектестерді өткізу мақсатында заңсыз дайындау, сақтау, өткізу және қылмыстық топпен аса ірі мөлшерде психотроптық заттарды өткізу), 264-бабы 2-бөлігіне (трансұлттық қылмыстық ұйымға қатысу) сәйкес И.Дунаевский 19 жыл, В.Малюк 18 жылға бас бостандығынан айырылды. Айыптылар шет мемлекетте жүріп, өздерінің жымысқы әрекеттерін жүзеге асыру үшін тыңғылықты дайындалған. Кейін өзара серіктестік құрып, облыста бұған дейін болмаған «өндіріс орнын» ашқан. Осылайша олар Қазақстан аумағында аса ірі мөлшерде психотроптық заттарды дайындау және өткізу мақсатымен трансұлттық қылмыстық ұйым құрған. Теректі ауданы Ақсуат ауылының шетінен үй салып, бірнеше көлік сатып алған. Оларға тиесілі жасырын цехтан химиялық қоспаның сан алуан түрі табылыпты. Зертханада 30 келі синтетикалық есірткі дайындалған. Бірақ күдіктілер бұл іске полицияның қатысы бар деп кінәлады. Олар жазасын қауіпсіздігі барынша жоғары қылмыстық-атқару жүйесі мекемесінде өтейді.Украина азаматтары Батыс Қазақстан облысын арнайы таңдап алған. Және кәсіптерін дөңгелету үшін арнайы жоспармен, таңғылықты дайындықпен келген. Айта кеткен жөн олардың біздің облысқа келуіне негізгі себеп- тұрғындардың орыс тілін жетік меңгеруі. Және өңірдің Ресейдің бес облысымен шекаралас жатуы тағы бар. Олар бұл іске 36 мың доллар көлемінде ақша жұмсағанын тергеу барысында мойындапты. Оралды синтетикалық есірткі орталығына айналдырғысы келген Игорь Дунаевский 19 жылға, Виталий Малюк 18 жылға сотталды. Сот үкімі заңды күшіне әлі енген жоқ. Айыптылар үкіммен келіскісі жоқ, сондықтан аппеляциялық шағым жолдамақ.

Жуырда есірткі бизнесімен шұғылданбақ болған трансұлттық ұйымдасқан қылмыстық топтың ісіне нүкте қойылмақ. Украинаның екі азаматы гараждың ішінде есірткі зертханасын жабдықтаған. Айта кеткен жөн, мұндай трансұлттық ұйымдасқан қылмыстық топ біздің облысымызда бірінші рет тіркеліп отыр.Бұл іске айыптылар қылмысқа полицейлердің қатысы бар екенін айтқан еді. Осы орайда демалыс күндері БҚО ПД-де брифинг өтіп, сала мамандары аталмыш факті бойынша жағдайдың мән-жайын түсіндірді.Прокурор бұл істің аса ауыр қылмыс екенін жариялап, айыптыларды 22 және 23 жылға бас бостандығынан айыру жазасына кесуді сұраған. Сот залында осы іске қатысы барларға соңғы сөз берілгенде Игорь Дунаевский бұл істе «шикіліктің» бар екенін мәлімдеді. Оның айтуынша, серіктесі екеуі тек тапсырманы орындаушы, ал ұйымдастырушылар мүлде басқа адамдар.Екі сотталушы да бұл істе ол кездейсок екенін айтып, есірткі сату жоспары болмағанын жеткізді.Аты шулы жариялымнан соң БҚО ПД брифинг ұйымдастырып, Полиция қызметкерлері жедел іздестіру іс-шараларын жүргізу барысында олардың зертханасынан 30 келіден астам синтетикалық есірткі заттарын, 31 кг дайындау үшін пайдаланылатын реагент тауып, тәркілегенін мәлімдеді.Естеріңізге сала кетейік, 2020 жылдың жазында 1965 және 1967 жылы туған Украинаның екі азаматы сату мақсатында облыс аумағында синтетикалық есірткіні, психотроптық заттарды және олардың аналогтарын жасаумен заңсыз айналысқан. Есірткі бизнесіне қарсы іс-қимыл басқармасының қызметкерлері мен БҚО бойынша ҰҚК департаментінің мамандары бірлесіп, БҚО Теректі ауданының аумағында орналасқан есірткі зертханасының көзін жойды. Қазіргі уақытта айыптылардың үстінен ҚК 297 бабының 3 бөлігі, 264 бабының 1 бөлігі және 301 бабының 1 бөлігі бойынша қылмыстық іс қозғалуда. Естеріңізге сала кетеміз, күдікке іліккен шетелдіктер өткен жылы жазда өңірге таңқурай шараушылығын қолға алу мақсатында келген болатын.

Тергеу барысында белгілі болғандай қылмыстық топ мүшелері  58-жастағы Серік Қанатов, 40 жасар Ғали Аббасов және 38 жастағы Юрий Сергеев болып табылады.   Бұл топтағы әр жанның өзіндік рөлі яғни  белгіленген қызметі болған. Биылғы жылдың жазында  Қанатов Теміртау қаласында 72 грамм есірткі әкеліп оны сатуды Аббасовқа жүктейді. Бұл топқа кейін Сергеев қосылады. Осылайша тағы алты килограмм есірткі яғни 300 мың теңгенің тауары саудаға түспек кезде ұйымдасқан қылымыстық топтың жоспары күлге ұшып қолға түсті.

БАХЫТ ЕРМАХАНОВ, СУДЬЯ: - Сот Серік Қанатов, Ғали Аббасова және 38 жастағы Юрий Сергеева Қр Қылмыстық кодексінің 297-бабы 3-бөлім "Заңсыз есірткі сатып алу, сақтау, өткізу " бабы бойынша айыпты деп таныды.  Серік Қанатовты 11 жыл, Ғали Аббасов 10, Ал   Сергеева 7  жыл бас бостандығанан   шектетіліп, жазаларын қатаң  режимдегі калонияда өтейтін болады.

Сонымен қатар сот қылмыскерлердің көлігін тәркіледі. Деседе аталмыш көлік жалға алынған екен.