Қазақстанда 9 айда өндірісте 140 адам қаза тапты. Осы уақытта еліміздің кәсіпорындарында 1062 адам зардап шекті. Бүгін өткен баспасөз маслихатында еңбек министрлігінің өкілдері зардап шеккендердің көбі тау-кен металлургия кәсіпорындарында тіркеліп отыр. Ол 19%-ды құрады. Ал құрылыс саласында 11,3% болса, коммуналдық-шаруашылық кәсіпорнында да осындай оқиғалар жиі тіркеледі. Жұмыс орындарында жарақаттанудың жоғарғы деңгейі Қарағанды, ШҚО, Ақтөбе, Павлодар облыстарында тіркеліп отыр. Қазақстандық жұмысшылардың еңбек қауіпсіздігін қамту үшін қабылданып жатқан шаралар көңіл қоншытпайды. Еңбек заңдылығын тексеретін еңбек инспекторлары тапшы.
Мәтін. Еңбек министрлігі жүргізген тексерулер нәтижесі көңіл қоншытпайды. Ағымдағы жылдың 9 айында мемлекеттік еңбек инспекторларымен 8 мыңнан астам бұзушылықты анықтады. Оның 30%-ы еңбек қауіпсіздігі және еңбекті қорғау саласына тиесілі болып отыр. Ұжымдық қорғау құралдарымен, арнайы киім-кешекпен қамтылмаған. Осы 9 айда өндірісте бір мыңнан астам адам жарақат алып,140 адам қаза тапты. Бұл өндіріс орындарында қауіпсіздік шарасының сақталмағынын білдіреді.

Кәсіпорындарда орын алып отырған әр оқиға бойынша еңбек инспекторлары тексеру жүргізеді. Кінәлі тұлғалар жауапкершілікке тартылады. Зардап шеккендердің көбісі тау-кен металлургия кәсіпорындарында, құрылыс саласында, коммуналдық-шаруашылық кәсіпорнында да тіркеледі. Жұмысшылардың өндірістерде жарақат алуы Қарағанды, ШҚО, Ақтөбе, Павлодар облыстарында көп орын алады. Құрылыс жұмысы қарқындап тұрған елордасында да мұндай жағдай жиі тіркеледі. Бірақ Қазақстанда еңбек инспекторлары тапшы болып отырғанда, барлық жұмыс орындарындағы заң бұзушылықты анықтап, бақылауда ұстау қаншалықты мүмкін.

Министрлік өкілдерінің айтуынша, халықаралық еңбек қауымдастығының ұйғарымы бойынша, он мың жұмысшыға бір еңбек инспекторы тіркелуі керек. Ал біздің елде еңбек инспекторлары үш есеге аз.

Оны бүгін өткен рейд барысында көрдік. Биылдың өзінде БҚО-да өндірісте 24 жазатайым жайт тіркеліп, 2 адам мерт болған. Осындай оқиғалардың алдын алу мақсатында бүгін еңбек инспекциясы құрылыс нысандарын аралап, арнайы рейд өткізді. Алдын ала ескертусіз ұйымдастырылған рейдтің мақсаты-өндірісте еңбек қауіпсіздігі қаншалықты сақталатынын тексеру болатын. Нәтижесінде ірі құрылыс нысандарындағы жұмысшылардың арнайы киіммен қамтылмағаны және қауіпсіздік талаптары сақталмағаны анықталды.

2017 жылы облыста өндіріс ошақтарында еңбек етіп жүрген жұмысшылар арасында 57 жазатайым жайт тіркеліпті. Ал биылғы жылдың алғашқы жарты жылдығында қауіпсіздікті сақтауға деген салғырттықтан 24 жазатайым жағдай орын алып, 2 адамның өмірі қиылған. Бұл рейд алдын ала ескертусіз, өткізілді. Сондықтан бей-жәй отырған жұмыс берушілер ешқандай көзбояушылық жасап үлгірмеді. Сәйкесінше, анықталған ереже бұзушылықтар да көп болды.

Рейд шарасы барысында ірі нысандарды аралаған еңбек инспекциясының мамандары жазатайым жайт осындай бейқамдықтың салдарынан орын алатынын мәлімдеді. Мердігер кәсіпорындар қолда бар арнайы құрал-жабдықпен жұмысшыларын қамтымай отырғаны анықталды. Еңбек инспекциясы мамандары адам өмірі мен қауіпсіздігі-өндірісте бірінші кезекте қамтамасыз етілуі тиіс екен жұмыс берушілерге қатаң ескертті. Егер осындай жағдайлар қайталанса, ешкім жазадан жалтара алмайды. Алдағы уақытта да еңбек инспекциясы мамандары осындай рейдтерді жалғастыратын болады.