Орал қаласындағы екі емханаға жедел жәрдем көлігі берілді. Осылайша Батыс Қазақстан облысының медициналық мекемелері жаңа жедел жәрдем көліктерімен толықты. Техника демеушілер арқылы алынған. Бұған дейін аймаққа гуманитарлық жүкпен өкпені жасанды желдету, импульстік оксиметр және оттегі концентраторлары аппараттары келген болатын.Бұл көмек «Самұрық-Қазына» АҚ пен Қазақстан Республикасы Денсаулық сақтау министрлігі арасындағы ынтымақтастық туралы меморандум аясында көрсетіліп отыр. «Самұрық-Қазына» АҚ компаниялар тобының бірыңғай қайырымдылық операторы - «Samruk-KazynaTrust» әлеуметтік жобаларды дамыту қоры» қажетті жабдықты сатып алып, өңірлерге тапсырды. Жедел жәрдем көліктерінің бірін алған №1 қалалық емхананың директоры Светлана Ермекқалиева мұндай сыйлық үшін Samruk-Kazyna Trust компаниясына ризашылығын білдірді. Оның ішінде Батыс Қазақстан облысына 4 өкпені жасанды желдету құралы, 30 оттегі концентраторы, 60 пульстік оксиметр ұсынылған. Сондай-ақ өңірге ShevroletDamas маркілі екі жедел жәрдем көлігі берілді. Облыстық көпбейінді аурухана жанынан ашылған провизорлық орталықта наурыз айынан күні бүгінге дейін 1700 науқас емделіп шыққан.«Самұрық-Қазына» АҚ ұсынған осындай жиынтықтар әр өңірге және республикалық маңызы бар қалаларға берілмек. «Samruk-KazynaTrust» қорының ресми өкілі Мирас Иргебаевтың айтуынша, бұл шаралар біздің медицинаның жұқпалы аурулардың, оның ішінде COVID-19 коронавирустық инфекциясының өршуіне қарсы тұруға дайындық деңгейін арттыру және ұлттық денсаулық сақтау жүйесін нығайту үшін жасалуда. Бұл ретте меморандум шеңберінде Қазақстанның медициналық мекемелеріне барлығы 100 жедел жәрдем көлігі, 1000 оттегі концентраторы, 50 желдеткіш және 1000 пульстік оксиметр жеткізілген.

Облыс орталығында  тұрғын үйдің жанында ер адам асулы күйі табылды. Облыстық денсаулық сақтау басқармасының баспасөз хатшысы Айнагүл Сақпосынованың айтуынша, оқиға 2 маусым күні болған. Таңертең сағат 09.42-де жедел жәрдемге қоңырау шалынған. У.Громова көшесі 2/1 мекенжайындағы көпқабатты үйдің маңында жасы шамамен 30-35 жастағы ер адамның асылып тұрған денесі табылған. БҚО полиция департаментінің баспасөз қызметі оқиғаны растап,  қазір тергеу амалдары жүріп жатқанын жеткізді.

Оралда қоқыс алаңы бірнеше күннен бері өртеніп жатыр.  Мамандардың айтуынша өрт осыдан бірнеше күн бұрын басталған. Талап бойынша, қоқыстың бір қабатының үстіне бір қабат инерттік материалдар, мысалы, топырақ төгіліп тұруы тиіс. Мұнда топырақ алынатын арнайы карерь болғанымен кәсіпорынның оны игеріп, таситын мүмкіндігі жоқ. Салдарынан қыс бойы қар астында шіріген қоқыстан арнайы газ бөлініп, ол жылда көктемде өртенеді. Енді бұл мәселе осы маңдағы тұрғындардың бас ауруына айналған. Оны ауыздықтауға қаланың өрт сөндірушілері де қауқарсыз. Қазіргі уақытта 4 камаз, 2 экскаватор мен 1 бульдозер өрті сөндіруге жұмылдырылған. Деседе соңғы күндерде орын алған қолайсыз ауа райы кедрегі келтіруде дейді мамандар. Естеріңізде болса ақпан айында Орал қаласында финдік инвестрлардың бастамасымен өңірімізде тұңғыш рет қатты тұрмыстық қалдықтарды өңдеу кешені іске қосылған еді. «Жасыл экономиканы» дамыту аясында өз жұмысын бастаған кәсіпорын қоқыстарды сұрыптауда. Ендігі үміт аталмыш өндіріс ошағының жұмысы жанданып, бұл мәсенің шемі бір жақты етсе.

Қазақстанда тәжірибелік базасы мықты жоғары білікті медбикелерді дайындау осыдан  4 жыл бұрын басталды.  Медбике қызметінің жаңа моделін құру бойынша қанат қақты жобаны Финляндия тәжрибесі негізінде енгізілген. Медбикелерді даярлау жүйесіндегі жаңа реформа  бойынша өткен жылы  облыста 47 маман даярланған. Қазір Қазақстанда бағдарламаның алғашқы түлектерінің қатысуымен пилоттық жоба іске қосылған. Оған Астана, Орал, Алматы, Қызылорда, Павлодар, Көкшетау, Түркістан қалаларындағы жеті медициналық колледж қатысуда. Сонымен бірге жеті көп бейінді ересектер стационары, жеті көп бейінді балалар стационары, жеті перианаталдық орталық және тоғыз емхана пилоттық жоба бойынша жұмыс жүргізуде. Облыстағы медициналық оқу орындары екі мерзімде қайта оқытуды қолға алған. Елімізде шамамен 105 мың медбике қызмет етеді. Жаңа жүйе бойынша медбикелерді қайта оқыту олардың біліктілігін арттырады. Бұрын медбикелер дәрігер көмекшісі ғана болса, бакалавриат деңгейі бар медициналық қызметкерлер тәуелсіз медбикелік тәжірибені іске асыра алады, яғни дәрігерсіз-ақ науқастарды қабылдап,  олардың жағдайына баға беріп, қадағалап, медбике ретінде диагноз қойып, ақыл-кеңес бере алады, сондай-ақ ғылыммен де айналыса алады.Медбикелер дәрігерлердің жүктемесін азайтып, олардың өз жұмысын сапалы атқаруына септігін тигізеді. Әрі науқастармен жеке жұмыс жүргізіліп,  емханаларда білікті мамандарға деген сұраныс азаяды.Сонымен қатар, медбике жәрдемін модернизациялау медициналық туризмді дамытуға септігін тигізіп, халыққа көрсетілетін медициналық қызметтің сапасына жағымды әсер етеді дейді сала мамандары.

«Орал аруы - 2019» байқауы өтті. Сұлулық сайысының жеңімпазы атану жолында сайдың тасындай іріктелген 20 ару бар өнерімен бойындағы таланттарын сынға салды. Көркіне көзің тоймайтын сұлулардың ішінен ең сұлуды анықтау қиынға соқты. Деседе қазылар алқасы 17 жасар аруды байқау жеңпазы деп таныды.  Кіл мықты да, кім мықты? Байқауға қатысқан арулардың алдымен бойындағы асыл қасиеттері таразыға салынды. Әрине, сұлулық байқауы болғаннан кейін бойларының 167 см.-ден кем болмауы және 16 жастан бастап, 24 жасқа дейінгі қыз балалар таңдалды,- дейді  «Орал аруы-2019» байқауының арт-директоры Әсемгүл Ғалиева. Өткен жылдың желтоқсанында өткен алғашқы іріктеуге 40 қыз қатысты. Одан кейін таңдалған 20 бойжеткен арадағы үш ай ішінде дефиле, актерлік шеберлік, хореография бойынша білікті мамандармен бірге дайындықтан өтіп, қайырымдылық шараларына қатысқан. Нәтижесінде 17 жасар Эмилия Гусманова «Орал аруы -2019» аталымына лайық деп танылды. Байқаудың аймақтық кезеңінің қорытындысында арулар таныстыру, хореография, сән көрсетілімі бөлімдерінен өтті. Төрт сағатқа созылған финалдық сында арулардың әрқайсысы үздік атануға лайықты екендіктерін көрсетті.