Орал қаласында тұңғыш рет оқушылар арасында көркем әдебиетті оқу дағдысын қалыптастырып, сөздік қорын дамытуға арналған арнайы электронды стенд жасақталды. Жаңашылдық дарынды балаларға арналған мектеп-лицейде қолданысқа енген.

Жаңа жоба екі жұмадан бері қолданыста. Бағдарламаны айти саланың мамандары жасақтауға көмектескен.

Жаңа жоба оқушылардың уақытын үнемдеуге сеп болады. Кітаптың шағын аннотациясын тыңдаған оқушы бос уақытында көркем әдебиет оқиды.

Электронды стендте 20-ға жуық көркем туынды жинақталған. Келешекте электронды бағдарламада қазақ, орыс және ағылшын тіліндегі оқулықтардың қатары толықпақ.